ଋଷ ଓ ୟୁକ୍ରେନ ଯୁଦ୍ଧ : କାହିଁକି ଭାରି ପଡୁଛି ୟୁକ୍ରେନ୍ ସେନା?
କନକ ବ୍ୟୁରୋ : ୨୦୧୪ରେ ଯେତେବେଳେ ୟୁକ୍ରେନର କ୍ରିମିୟା ଉପରେ ଆକ୍ରମଣ କରି ଋଷ ଏହାକୁ ନିଜ ସହ ମିଶାଇ ଦେଇଥିଲା ସେତେବେଳେ ଋଷ ସେନା ପୁରା ପ୍ରଶିକ୍ଷିତ ଥିଲା । ଖୁବଶୀଘ୍ର ଋଷ ସେନା ପ୍ରତିପକ୍ଷକୁ ହରାଇ ଦେଇଥିଲା । କିନ୍ତୁ ୮ ବର୍ଷ ପରେ ଋଷ ସେନାକୁ ଏହାର ବିପରିତ ପରିଣାମ ଭୋଗିବାକୁ ପଡୁଛି । ୟୁକ୍ରେନ ସେନା ସଂଖ୍ୟାରେ କମ ହୋଇଥିଲେ ମଧ୍ୟ ଋଷ ସେନା ଉପରେ ଭାରି ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ଏବଂ ନାଟୋ ଦେଶଗୁଡିକ ୟୁକ୍ରେନକୁ ଆଧୁନିକ ଅସ୍ତ୍ରଶସ୍ତ୍ର ଦେବା ସହ ପଶିକ୍ଷଣ ଦେଉଥିବାରୁ ୟୁକ୍ରେନ ସେନା ଋଷ ସେନାକୁ କିଛି ସହରରୁ ବିତାଡିତ କରିବାରେ ସକ୍ଷମ ହୋଇଛି । ୟୁକ୍ରେନ ସେନା ଯୁଦ୍ଧ କରୁଛି ସତ କିନ୍ତୁ ବ୍ଲୁ ପ୍ରିଂଟ୍ ଅ।।ମେରିକାରୁ ପ୍ରସ୍ତୁତ ହେଉଛି । ଆର୍ଥିକ ଏବଂ ମାନବିକ ସହାୟତାକୁ ଛାଡି ଆମେରିକା ସମେତ ୧୦ ନାଟୋ ଦେଶ ୟୁକ୍ରେନକୁ ଏପର୍ଯ୍ୟନ୍ତ ୩୦ ବିଲିୟନ ୟୁରୋ ତଥା ୨ ଲକ୍ଷ ୪୦ ହଜାର କୋଟି ଟଙ୍କାରୁ ଅଧିକ ଟଙ୍କାର ଅସ୍ତ୍ରଶସ୍ତ୍ର ପ୍ରଦାନ କରିଛନ୍ତି ।
ଆମେରିକା ପ୍ରଦାନ କରିଥିବା ଅସ୍ତ୍ରଶସ୍ତ୍ର ମଧ୍ୟରେ ୯ ହଜାର ଆଣ୍ଟି ଆତ୍ମରକ୍ଷା ସିଷ୍ଟମ. ୧୬ ଟି ରକେଟ ସିଷ୍ଟମ ହିମର ତୋପ, ୨୦୦ଟି ଡ୍ରୋନ୍, ଶତାଧିକ ଅସ୍ତ୍ରଶସ୍ତ୍ର ଖଞ୍ଜା ମିଲିଟାରି ଗାଡି, ୧୨୬ଟି ବଡ ଟ୍ୟାଙ୍କ୍, ୧୪ ଶହ ଆଂଟି ଷ୍ଟିନଜର ଏୟାରକ୍ରାଫ୍ଟ ସିଷ୍ଟମ, ୨୦ଟି ଏମ-୧୭ ହେଲିକ୍ୟାପ୍ଟର, ୧୦ ହଜାର ଗେନେଡ ଲଂଚର ସହ ଅନ୍ୟାନ୍ୟ ଅସ୍ତ୍ରଶସ୍ତ୍ର ରହିଛି । ଏବଂ ଏସବକୁ ଚଲାଇବା ପାଇଁ ମଧ୍ୟ ଆମେରିକା ୟୁକ୍ରେନ ସେନାକୁ ପ୍ରଶିକ୍ଷଣ ମଧ୍ୟ ଦେଇଛି । ଯାହା ୟୁକ୍ରେନ ସେନାକୁ ଋଷ ସହ ଲଢିବାକୁ ଅଧିକ ଶକ୍ତି ଯୋଗାଉଛି ।