କନକ ବ୍ୟୁରୋ : ଜଗନ୍ନାଥଙ୍କ ସେବାରେ ମହିଳା ରାଜା । ଧରାକୋଟର ରାଜା ଶ୍ରୀକିଶୋର ଚନ୍ଦ୍ର ସିଂଦେଓଙ୍କ ଅକାଳ ଦେହାନ୍ତ ପରେ ୧୪ ବର୍ଷ ବୟସରୁ ଜଗନ୍ନାଥଙ୍କ ସେବାରେ ଲାଗିଛନ୍ତି ସୁଶ୍ରୀ ସୁଲକ୍ଷଣା ଗୀତାଞ୍ଜଳି ଦେବୀ । ଧରାକୋଟରେ ଶ୍ରୀଗୁଣ୍ଡିଚା ଯାତ୍ରାଠାରୁ ଆରମ୍ଭ କରି ବାହୁଡ଼ା ଯାତ୍ରା ମହାଆଡମ୍ବରରେ ଅନୁଷ୍ଠିତ ହୋଇଛି । ଗତକାଲି ବାହୁଡା ଥିଲା ଆଜି ସୁନାବେଶ ରହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗତକାଲି ଅପରାହ୍ନରେ ରାଜା ସୁଲକ୍ଷଣା ଗୀତାଞ୍ଜଳୀ ଦେବୀ ରାଜା ବେଶରେ ନିଜର ଭଉଣୀ ଶାନ୍ତି ପ୍ରିୟା ଗୀତାଞ୍ଜଳି ପାତ୍ର, ମନ୍ତ୍ରୀ, କଟୁଆଳ, ସେନାପତି ଓ ପାରିଷଦ ବର୍ଗଙ୍କ ସହ ରୂପା ପାଲିଙ୍କିରେ ରଥ ନିକଟରେ ପହଂଚିବା ପରେ ଠାକୁରଙ୍କ ପୂଜା ଅର୍ଚ୍ଚନା କରିଥିଲେ । ଏହାପରେ ରଥ ଟଣା ହୋଇଥିଲା । ହଜାର ହଜାର ସଂଖ୍ୟାରେ ଭକ୍ତ ନିଜର ପ୍ରିୟ ଠାକୁର ଓ ମହିଳା ରାଜାଙ୍କୁ ଦେଖିବା ପାଇଁ ଭିଡ଼ ଜମାଇ ଥିଲେ । ରାଜତନ୍ତ୍ର ବିଲୋପ ହୋଇସାରିଥିବା ବେଳେ ଧରାକୋଟ ଗଡ଼ରେ ରାଜତନ୍ତ୍ରର ଛିଟା ଦେଖିବାକୁ ମିଳିଛିି । ଯାହାକି ଏକ ଭିନ୍ନ ଓ ସ୍ୱତନ୍ତ୍ର ପରାମ୍ପରାକୁ ବହନ କରି ଆସୁଛି ।