ତାତି ବଢୁଛି, ପାଣି ଶୁଖୁଛି । ଜୟପୁରବାସୀଙ୍କ ଦାବି ଜଗନ୍ନାଥ ସାଗରର ପୁନରୁଦ୍ଧାର ହେଲେ ବଞ୍ଚିବ ଜୀବନ ।
କନକ ବ୍ୟୁରୋ : ଅସହାୟ ହୋଇ ପଡ଼ିଛି ଜୟପୁର ସହରର ଲାଇଫ ଲାଇନ କୁହାଯାଉଥିବା ଜଗନାଥ ସାଗର । ପରିଚୟ ହରାଇବାକୁ ବସିଛି ଏହି ସାଗର । ଜୟପୁର ସହର ନିର୍ଭର କରୁଥିବା ରାଜା ରାଜୋଡ଼ା ଅମଳର ଏହି ସାଗର ଏବେ ପୁନରୁଦ୍ଧାର ପାଇଁ ହାତ ଠାରି ଡ଼ାକୁଛି ।
Kanak News is now on WhatsApp
Join and get latest news updates delivered to you via WhatsApp
ବଢୁଛି ତାତି, କମୁଛି ପାଣି
ଶୁଖିଯାଉଛି ଜଗନ୍ନାଥ ସାଗର
ପାଣି ଚିନ୍ତାରେ ଜୟପୁରବାସୀ
ତାତି ଯେତିକି ବଢ଼ୁଛି, ଜଳକଷ୍ଟ ସେତିକି ବଢୁଛି । ୧ ଲକ୍ଷରୁ ଉଦ୍ଧ୍ୱର୍ ଜନସଂଖ୍ୟା ବିଶିଷ୍ଟ ଜୟପୁର ସହର ପାଇଁ ଚିନ୍ତା ବଢ଼ାଇଛି ଜଗନ୍ନାଥ ସାଗର । ପାଣି ଅଭାବ ମେଣ୍ଟାଇବା ପାଇଁ ୧୭୮୧ରେ ଜୟପୁର ରାଜା ବିକ୍ରମ ଦେବ ୧୧୫ ହେକ୍ଟର ଜମିରେ ଏହି ସାଗର ତିଆରି କରିଥିଲେ । ହେଲେ ଆଜି ଏହି ସାଗର ସତ୍ତା ହରାଇବାକୁ ବସିଛି । ଅସମାଜିକ ଲୋକଙ୍କ ଆଡ୍ଡାସ୍ଥଳୀ ପାଲଟିଯାଇଥବା ଜଗନ୍ନାଥ ସାଗର ଏବେ ପଙ୍କ ଓ ଦଳରେ ପୋତି ହୋଇଯାଇଛି ।
ରକ୍ଷଣାବେକ୍ଷଣ ଅଭାବରୁ ଜଗନ୍ନାଥ ସାଗର ପୋତି ହୋଇଯିବାରୁ ସହରରେ ଜଳାଭାବ ଦେଖାଦେଉଛି । ପୂର୍ବରୁ ବୋରୱେଲ ପାଇଁ ୩୦ ଫୁଟ ଖୋଳିଲେ ପାଣି ବାହାରୁଥିଲା, ଏବେ ୩୦୦ରୁ ୪୦୦ ଫୁଟ ଖୋଳିଲେ ବି ପାଣି ବାହାରିବା କଷ୍ଟକର ହୋଇପଡ଼ୁଛି । ଜଗନ୍ନାଥ ସାଗରର ପୁନଃରୁଦ୍ଧାର ପାଇଁ ବାରମ୍ବାର ଦାବି ହେଉଛି । ଅନ୍ୟପଟେ ରାଜା ରାଜୁଡା ଅମଳର ଏହି ସାଗରର ଉଦ୍ଧାର ପାଇଁ ରୋଡ଼ ମ୍ୟାପ ପ୍ରସ୍ତୁତ ହୋଇଥିବା ପୌରପାଳିକା ଅଧିକାରୀ କହିଛନ୍ତି ।