ରିଜର୍ଭ ବ୍ୟାଙ୍କର ବାର୍ଷିକ ରିପୋର୍ଟରେ ମିଳିିଲା ସାଂଘାତିକ ତଥ୍ୟ । ୨୦୧୮-୧୯ ଆର୍ଥିକ ବର୍ଷରେ ବ୍ୟାଙ୍କ ଠକେଇ ୭୧ହଜାର ୫୪୩ କୋଟି ଟଙ୍କା
କନକ ବ୍ୟୁରୋ : ସରକାର ଯେତେ ପଦକ୍ଷେପ ନେଲେ ବି ଦେଶରେ ବ୍ୟାଙ୍କ ଠକେଇ କିନ୍ତୁ କମିନାହିଁ । ବଢ଼ିବାରେ ଲାଗିଛି । ଆରବିଆଇ ବାର୍ଷିକ ରିପୋର୍ଟରେ ଏ ନେଇ ସାଂଘାତିକ ତଥ୍ୟ ସାମ୍ନାକୁ ଆସିଛି । ୨୦୧୮-୧୯ ଆର୍ଥିକ ବର୍ଷରେ ୬ ହଜାର ୮୦୧ ମାମଲାରେ ୭୧ ହଜାର ୫୪୩ କୋଟ ଟଙ୍କାରେ ପହଁଚିଛି ବ୍ୟାଙ୍କ ଫ୍ରଡ୍ । ରିଜର୍ଭ ବ୍ୟାଙ୍କର ରିପୋର୍ଟ କହୁଛି, ୨୦୧୭-୧୮ରେ ୫ ହଜାର ୯୧୬ ମାମଲାରେ ୪୧ ହଜାର ୧୬୭ କୋଟି ଟଙ୍କାର ବ୍ୟାଙ୍କ୍ ଫ୍ରଡ୍ ହୋଇଥିଲା । ୨୦୧୮-୧୯ ଆର୍ଥିକ ବର୍ଷରେ ୭୩.୮ ପ୍ରତିଶତ ବୃଦ୍ଧି ପାଇଛି ବ୍ୟାଙ୍କ୍ ଠକେଇ ।
Kanak News is now on WhatsApp
Join and get latest news updates delivered to you via WhatsApp
ପ୍ରାଇଭେଟ୍ ବ୍ୟାଙ୍କ୍ ଠାରୁ ପବ୍ଲିକ ସେକ୍ଟର ବ୍ୟାଙ୍କ ଅଧିକ ଋଣ ଦେଇଛି, ଆଉ ଅଧିକ ଠକେଇ ହୋଇଛି ଏହିସବୁ ବ୍ୟାଙ୍କରେ । ଜାତୀୟକରଣ ବ୍ୟାଙ୍କରେ ୬୪ ହଜାର ୫୦୯ କୋଟି ଟଙ୍କାର ଠକେଇ ହୋଇଛି । ଜାଲ କାଗଜପତ୍ର ଦେଖାଇ କୋଟି କୋଟି ଋଣ ନେବାରେ ସକ୍ଷମ ହୋଇଛନ୍ତି ବଡ଼ ବଡ଼ ବ୍ୟବସାୟୀ । ଏହିସବୁ ଫ୍ରଡ୍କୁ ରୋକିବା ପାଇଁ ଆରବିଆଇ କଠୋର ନିୟମ ଆଣିବାକୁ ଚିନ୍ତା କରୁଛି । ଠକେଇକୁ ଚେକ୍ ଦେବାକୁ ଏବଂ ସଚେତନ କରିବା ପାଇଁ ବ୍ୟାଙ୍କରମାନଙ୍କ ୱାର୍କସପ୍ କରିବ ଆରବିଆଇ ।