କନକ ବ୍ୟୁରୋ : ଡିଜିଟାଲ ପେମେଣ୍ଟ ଆପ୍ ପେଟିଏମକୁ ଆପଣ ବେଶ ଭଲ ଭାବେ ଜାଣିଥିବେ । ଏହା ସାହାଯ୍ୟରେ ଆପଣ ଟଙ୍କା ଦେଣନେଣ ବି କରୁଥିବେ । ହେଲେ ଏବେ ଏହି ଡିଜିଟାଲ ପେମେଣ୍ଟ ଆପକୁ ଲାଗିଛି ବଡ ଝଟକା । ଭାରତୀୟ ରିଜର୍ଭ ବ୍ୟାଙ୍କ୍ ପେଟିଏମ୍ ପେମେଣ୍ଟ ବ୍ୟାଙ୍କ୍ ଉପରେ ଲଗାଇଛି ଏକ ବଡ ପ୍ରତିବନ୍ଧକ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ରିଜର୍ଭ ବ୍ୟାଙ୍କ୍ ଚିଫ୍ ଜେନେରାଲ ମ୍ୟାନେଜର ଯୋଗେଶ ଦୟାଲ ଲେଖିଥିବା ଏକ ଚିଠିରେ ପେଟିଏମ୍ ପେମେଣ୍ଟ ବ୍ୟାଙ୍କ ଉପରେ ଆକ୍ସନ ଲଗାଯାଇଥିବା ଉଲ୍ଲେଖ କରାଯାଇଛି । ଏଣିକି ପେଟିଏମ୍ ପେମେଣ୍ଟ ବ୍ୟାଙ୍କ୍ ନିଜ ସହିତ କୌଣସି ବି ନୂଆ ଗ୍ରାହକଙ୍କୁ ଯୋଡି ପାରିବନି । କି କୌଣସି ନୂଆ ଗ୍ରାହକ ପେଟିଏମ୍ ପେମେଣ୍ଟ ବ୍ୟାଙ୍କ୍ ବ୍ୟବହାର କରିପାରିବେନିି ବୋଲି ଏହି ଚିଠିରେ କୁହାଯାଇଛି । ଯାହାକି ପେଟିଏମ୍ କମ୍ପାନୀକୁ ଏକ ବଡ ଝଟକା ବୋଲି କୁହାଯାଉଛି ।
ପେଟିଏମ୍ ଉପରେ ଖାଲି ଗୋଟିଏ ଆକ୍ସନ ନୁହେଁ । ଆହୁରି ଗୋଟିଏ ବଡ କାର୍ଯାନୁଷ୍ଠାନ ନେଇଛି ଭାରତୀୟ ରିଜର୍ଭ ବ୍ୟାଙ୍କ୍ । ତରୁନ୍ତ ଆଇଟି ସିଷ୍ଟମର ବ୍ୟାପକ୍ ଅଡିଟ୍ କରିବା ପାଇଁ ଏକ ଆଇଟି ଅଡିଟ୍ ଟିମ୍ ନିଯୁକ୍ତ କରିବାକୁ ଆରବିଆଇ ପେଟିଏମ୍ କମ୍ପାନୀକୁ ନିର୍ଦ୍ଦେଶ ଦେଇଛି । ଏହି ଅଡିଟ୍ ଟିମ୍ କମ୍ପାନୀର ଆଇଟି ସିଷ୍ଟମକୁ ଅଡିଟ୍ କରିବା ସହିତ, ଏହା ଦେଖିବ ଯେ, କମ୍ପାନୀର ସଫ୍ଟୱୟାର କେତେ ଗ୍ରାହକଙ୍କ ଲୋଡ୍ ଉଠାଇ ପାରିବ । ତା ସହିତ ଏହି ସିଷ୍ଟମରେ କଣ ଗଡବଡ ରହିଛି ସେ ନେଇ ମଧ୍ୟ ଏହି ଟିମ୍ ଯାଞ୍ଚ କରିବ ।
ଆରବିଆଇ ଜାରି କରିଥିବା ନିର୍ଦ୍ଦେଶ ମୁତାବକ, ପେଟିଏମ୍ ପେମେଣ୍ଟ ବ୍ୟାଙ୍କ ନୂଆ କଷ୍ଟମର୍ସ ନିଜ ସହିତ ଯୋଡିବାକୁ ହେଲେ, ଏଥିପାଇଁ ଆରବିଆଇର ଅନୁମତି ନେବାକୁ ପଡିବ । ଆରବିଆଇର ବିନା ଅନୁମତିରେ ପେଟିଏମ୍ ପେମେଣ୍ଟ ବ୍ୟାଙ୍କ୍ ସହିତ କୌଣସି ବି ନୂଆ ଗ୍ରାହକ ଯୋଡି ହୋଇପାରିବେନି । ତେବେ ଏହି ନିର୍ଦ୍ଦେଶ ଦ୍ୱାରା ପେଟିଏମ୍ ପେମେଣ୍ଟ ବ୍ୟାଙ୍କର ପୁରୁଣା ଗ୍ରାହକଙ୍କ ଉପରେ କିଛି ବି ପ୍ରଭାବ ପଡିବନି । ତେବେ ପୂର୍ବରୁ ଯଦି ଆପଣ ପେଟିଏମ୍ ପେମେଟଂ ବ୍ୟାଙ୍କର ବ୍ୟବହାର କରୁଛନ୍ତି । ପେଟିଏମ୍ ପେମେଂଟ ବ୍ୟାଙ୍କର ଆପଣ ଯଦି ପୁରୁଣା ଉପଭୋକ୍ତା, ତେବେ ଆରବିଆଇର ଏହି ନୂଆ ନିର୍ଦ୍ଦେଶ ନେଇ ଆପଣ ବିଲକୁଲ ବି ଟେନସନ୍ ନିଅନ୍ତୁ ନାହିଁ । ଏହା କେବଳ ନୂଆ ଗ୍ରାହକଙ୍କ ପାଇଁ ପେଟିଏମ୍ ପେମେଟଂ ବ୍ୟାଙ୍କ୍ ସହ ଯୋଡି ହେବାକୁ ଅସୁବିଧା ସୃଷ୍ଟି କରିପାରେ ।