ବିଶ୍ୱପ୍ରସିଦ୍ଧ ରଥ ଯାତ୍ରାଙ୍କୁ ନେଇ ଆଜି ବସିବ ରଥ ସମନ୍ୱୟ ବୈଠକ । ଶୃଙ୍ଖଳିତ ନୀତି ଓ ଟ୍ରାଫିକ୍ ବ୍ୟବସ୍ଥା ଉପରେ ହେବ ଆଲୋଚନା
କନକ ବ୍ୟୁରୋ : ବିଶ୍ୱପ୍ରସିଦ୍ଧ ରଥଯାତ୍ରାକୁ ନେଇ ଆଜି ବସୁଛି ରଥ ସମନ୍ୱୟ ବୈଠକ । ଦୀର୍ଘ ଦୁଇ ବର୍ଷ ପରେ ରଥଯାତ୍ରାକୁ ନେଇ ଆଜି ରଥ ସମନ୍ୱୟ ବୈଠକ ବସୁଛି । ଜିଲ୍ଲାପାଳ ସମର୍ଥ ବର୍ମାଙ୍କ ଅଧ୍ୟକ୍ଷତାରେ ଦିନ ୧୧ଟାରେ ବୈଠକ ଅନୁଷ୍ଠିତ ହେବ । ଶୃଙ୍ଖଳିତ ନୀତି. ପୋଲିସ ଓ ଟ୍ରାଫିକ୍ ବ୍ୟବସ୍ଥା, ପାନୀୟ ଜଳ, ରାସ୍ତା, ବିଦ୍ୟୁତ୍ ଯୋଗାଣ ଓ ସ୍ୱାସ୍ଥ୍ୟ ସେବା ସଂପର୍କରେ ଆଲୋଚନା ହେବ । କରୋନା କାରଣରୁ ଦୁଇ ବର୍ଷ ହେବ ବିନା ଭକ୍ତରେ ରଥଯାତ୍ରା ହୋଇଥିଲା । ତେଣୁ ଚଳିତ ବର୍ଷ କୋଭିଡ୍ ସ୍ଥିତିକୁ ଦେଖି ଭକ୍ତଙ୍କ ଗହଣରେ ରଥଯାତ୍ରା ହେବ କି ନାହିଁ ସେନେଇ ବୈଠକରେ ଆଲୋଚନା କରାଯିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ଦିନରେ ନନ୍ଦିଘୋଷ, ତାଳଧ୍ୱଜ, ଦର୍ପଦଳନ ରଥ ଚକାର ତୁମ୍ୱ ପାଇଁ କାଠ କଟା କାମ ଆରମ୍ଭ ହୋଇଛି। କରତି ସେବକମାନେ କାଠଗଣ୍ଡିକୁ ତୁମ୍ୱ ମାପରେ କାଟିବା ଆରମ୍ଭ କରିଛନ୍ତି । ତିନି ରଥ ପାଇଁ ତୁମ୍ବ କାଠ କାଟି ରଥଖଳାରେ ବିଶ୍ବକର୍ମାମାନଙ୍କ ଜିମା ଦେବା ପରେ ବିଶ୍ୱକର୍ମାମାନେ ତୁମ୍ବ ନିର୍ମାଣ କାମ ଆରମ୍ଭ କରିବେ । କରତିଙ୍କ ସହ ମହାରଣା ଓ ଭୋଇ ସେବକଙ୍କୁ ନେଇ ପ୍ରଥମ ଦିନର ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ହାତକାଠିରେ ମାପ ହୋଇ କାଠ ଗଣ୍ଡିରୁ ତୁମ୍ୱ ପାଇଁ କାଠ କଟା ଯିବା ପରେ ୧୦ ଇଞ୍ଚ ବ୍ୟାସାର୍ଦ୍ଧ ବିଶିଷ୍ଟ କୁଆଁରରେ କାଠର ମଞ୍ଜରେ ଗୋଲାକାର କଳା ଦାଗ ଦିଆଯିବ । ଏହାପରେ ନିହଣ, ମୁଗୁର ଓ ବାର୍ସି ସହାୟତାରେ ବିଶ୍ୱକର୍ମାମାନେ ନିର୍ମାଣ କାମ ଆରମ୍ଭ କରିବେ ।