ଶ୍ରୀଲଙ୍କାରେ ସମାପ୍ତ ହେଲା ଗୋଟାବାୟାଙ୍କୁ ଯୁଗ । ଇସ୍ତଫା ପତ୍ରରେ କଲେ ଦସ୍ତଖତ, ବୁଧବାର ହେବ ଘୋଷଣା
କନକ ବ୍ୟୁରୋ : ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ ରାଷ୍ଟ୍ରପତି ପଦରୁ ଇସ୍ତଫା ନେଇ ଇସ୍ତଫା ପତ୍ରରେ ଦସ୍ତଖତ କରିଛନ୍ତି । ଏହି ଇସ୍ତଫା ପତ୍ରକୁ ସାର୍ବଜନୀନ କରିବାକୁ ପ୍ରଥମେ ସଂସଦର ବାଚସ୍ପତିଙ୍କ ନିକଟକୁ ପଠାଯିବ । ଇସ୍ତଫା ପତ୍ରରେ ଦସ୍ତଖତ ପରେ ଏହାକୁ ଜଣେ ବରିଷ୍ଠ ସରକାରୀ ଅଧିକାରୀଙ୍କୁ ପ୍ରଦାନ କରାଯାଇଛି । ଏହି ସରକାରୀ ଅଧିକାରୀ ଜଣଙ୍କ ଇସ୍ତଫା ପତ୍ରକୁ ବାଚସ୍ପତିଙ୍କ ନିକଟରେ ପହଂଚାଇବେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ଗଣମାଧ୍ୟମ ‘ଡେଲି ମିରର’ ମୁତାବକ ଶ୍ରୀଲଙ୍କା ସଂସଦର ବାଚସ୍ପତି ମହିନ୍ଦ୍ରା ୟାପା ଅଭୟବର୍ଦ୍ଧନାଙ୍କୁ ଇସ୍ତଫା ପତ୍ର ବାବଦରେ ସୂଚନା ଦିଆଯାଇଛି । ଆସନ୍ତା କାଲି ବାଚସ୍ପତି ରାଷ୍ଟ୍ରପତିଙ୍କ ଇସ୍ତଫା ନେଇ ବିଧିବଦ୍ଧ ଘୋଷଣା କରିବେ ।
ସେପଟେ ଗୋଟାବାୟାଙ୍କ ଇସ୍ତଫା ପରେ ପ୍ରଧାନମନ୍ତ୍ରୀ ଶାନିଲ ବିକ୍ରମାସିଂଘେ ବୁଧବାର ଦିନ ଅସ୍ଥାୟୀ ରାଷ୍ଟ୍ରପତି ଭାବେ ଶପଥ ନେବେ । ଜୁଲାଇ ୨୦ ତାରିଖରେ ନୂଆ ରାଷ୍ଟ୍ରପତି ପାଇଁ ନିର୍ବାଚନ ହେବ । ଜୁଲାଇ ୨୦ ତାରିଖରେ ରାଷ୍ଟ୍ରପତି ପାଇଁ ନିର୍ବାଚନ ହେବ ବୋଲି ଦଳର ନେତାମାନେ ନିଷ୍ପତ୍ତି ନେଇଛନ୍ତି ବୋଲି ବାଚସ୍ପତି କହିଛନ୍ତି ।
କହିରଖୁ କି ଶ୍ରୀଲଙ୍କାରେ ଦୀର୍ଘଦିନ ହେବ ଲାଗିରହିଥିବା ଆର୍ଥିକ ସଂକଟ କାରଣରୁ ଦେଶର ନାଗରିକମାନେ ରାସ୍ତାକୁ ଓହ୍ଲାଇଥିଲେ । ଏହାପରେ ହଜାର ହଜାର ସଂଖ୍ୟାର ଲୋକ ରାଷ୍ଟ୍ରପତି ଭବନ ସହ ପୁୁରୁଣା ସଂସଦ ଗୃହକୁ ଦଖଲ କରିଥିଲେ । ଏହାରି ମଧ୍ୟରେ ରାଷ୍ଟ୍ରପତି ଗୋଟାବାୟା ରାଜପକ୍ଷେ ଦେଶଛାଡି ପଳାଇଛନ୍ତି ବୋଲି କୁହାଯାଇଥିଲା । ହେଲେ ସୋମବାର ଦିନ ଶ୍ରୀଲଙ୍କା ସଂସଦର ବାଚସ୍ପତି ସ୍ପଷ୍ଟ କରିଛନ୍ତି କି, ରାଷ୍ଟ୍ରପତି ଦେଶଛାଡି ଯାଇ ନାହାଁନ୍ତି ବରଂ ସେ ଦେଶ ମଧ୍ୟରେ ଅଛନ୍ତି ।