ଗ୍ରହଣ ସମୟରେ ଗର୍ଭବତୀଙ୍କ ପାଇଁ କ’ଣ କରଣୀୟ କ’ଣ ନୁହେଁ? ଜାଣନ୍ତୁ ଏନେଇ କ’ଣ କୁହନ୍ତି ଜ୍ୟୋତିଷ
କନକ ବ୍ୟୁରୋ: ଆଜି ବର୍ଷର ଶେଷ ଚନ୍ଦ୍ରଗ୍ରହଣ । ପ୍ରକୃତ ଗ୍ରହଣ ଆଜି ଅପରାହ୍ନ ୨ଟା ୩୮ ମିନିଟରୁ ସନ୍ଧ୍ୟା ୬ଟା ୧୯ ମିନିଟ ଯାଏଁ ଲାଗିବ । ଏହି ସମୟ ଅନେକଙ୍କ ପାଇଁ ଗୁରୁତ୍ୱପୂର୍ଣ୍ଣ । ବିଶେଷ କରି ଏହି ସମୟରେ ଗର୍ଭବତୀ ମହିଳାଙ୍କ ପାଇଁ କ’ଣ କରିବା ଉଚିତ କ’ଣ ନୁହେଁ ସେ ନେଇ କ’ଣ କହୁଛନ୍ତି ଜ୍ୟୋତିଷ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ଚନ୍ଦ୍ର ଗ୍ରହଣ ଦିନରେ ଭୋର ୫ଟା ୫୬ ମିନିଟରୁ ପାକ ନିଷେଧ ହୋଇଛି ତେବେ ପ୍ରକୃତ ଗ୍ରହଣ ସମୟ ୨ଟା ୩୮ ମିନିଟରୁ ସନ୍ଧ୍ୟା ୬ଟା ୧୯ ରହିଛି । ଏହି ସମୟରେ ଗର୍ଭବତୀ ନାରୀଙ୍କ ପାଇଁ କିଛି ସ୍ୱତନ୍ତ୍ର ନିୟମ ରହିଛି:
ଏହି ସମୟରେ ଗର୍ଭବତୀ ଅନ୍ୟମାନଙ୍କ ପରି ଠାକୁର ଘରକୁ ଯିବେ ନାହିଁ । କି ବାହାରକୁ ବାହାରିବେ ନାହିଁ ।ଏପରି କଲେ ଗର୍ଭସ୍ଥ ଶିଶୁର ମନ ଓ ଶରୀର ଉପରେ କୁପ୍ରଭାବ ପଡିପାରେ ।
କୌଣସି ଧାରୁଆ ଅସ୍ତ୍ର ବ୍ୟବହାର କରିବେ ନାହିଁ । କଇଁଚି, ଛୁରି ପରି ଧାରୁଆ ଅସ୍ତ୍ର ଧରି କିଛି କାଟିବା ଉଚିତ ନୁହେଁ । କାରଣ ଗ୍ରହଣ ଲାଗିବା ସମୟରେ ଗର୍ଭବତୀଙ୍କ ପାଇଁ ଏସବୁ ବର୍ଜନୀୟ ।
ଯେତେବେଳେ ଚନ୍ଦ୍ର ଗ୍ରାସ ହୋଇଥିବେ, ସେ ସମୟରେ ଗର୍ଭବତୀମାନେ ଚୁଲି ହେଉ କି ଗ୍ୟାସ ହେଉ ଲଗାଇ କିଛିବି ଖାଦ୍ୟ ରାନ୍ଧିବେ ନାହିଁ, କି ନିଜେ କିଛି ଖାଦ୍ୟ ଖାଇବା ଅନୁଚିତ ।
ଏହି ସମୟରେ ମିଛ କହିବା ଅନୁଚିତ । କାହା ପ୍ରତି ମନରେ ଛଳ କପଟ, ବା ଅସୂୟା ଭାବ ଆଣିବା ଅନୁଚିତ । ଏପରିକି ରାଗିଯାଇ କାହା ପାଇଁ ତୁଣ୍ଡରୁ ଅପଶବ୍ଦ ମଧ୍ୟ ବାହାର କରିବା ଅନୁଚିତ ।
ଏହି ସମୟରେ ଗର୍ଭବତୀ ମୁଣ୍ଡରେ ତେଲ ଲଗାଇବା ନିଷେଧ ।
କ’ଣ କରିବା ଉଚିତ:
ଗ୍ରହଣ ଲାଗିବା ସମୟରେ ଗର୍ଭବତୀ ମହିଳା ଦାନ , ଜପ କରିବା ଉଚିତ । ପବିତ୍ର ଜଳରେ ସ୍ନାନ କରିବା ସହ ନିଜ ଇଷ୍ଟଙ୍କ ନାମ ଜପ କରିବା ଉଚିତ ।
ଗ୍ରହଣ ଲାଗିବା ସମୟରେ ଗର୍ଭବତୀମାନେ ହନୁମାନ ଚାଳିଶା ପାଠ କରିବା ଉଚିତ । ଏହାଦ୍ୱାରା ମନର ନକାରାତ୍ମକ ଚିନ୍ତା ଦୂର ହୋଇ ଗର୍ଭସ୍ଥ ଶିଶୁର ମାନସିକ ଶକ୍ତି ଦୈବୀ ଶକ୍ତି ଦ୍ୱାରା ପ୍ରଭାବିତ ହୋଇଥାଏ ।