କନକ ବ୍ୟୁରୋ: ୪ଟି ରାଜ୍ୟରେ ବଡ ବିଜୟ ପରେ ଗୁଜରାଟ ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୀର୍ଘ ଦୁଇ ବର୍ଷ ପରେ ନିଜ ମା ହୀରାବେନଙ୍କୁ ଭେଟିଛନ୍ତି । ୨୦୧୯ ମସିହା ଅକ୍ଟୋବର ମାସ ପରେ ପ୍ରଧାନମନ୍ତ୍ରୀ ମୋଦୀ ଆଜି ତାଙ୍କ ମାଙ୍କୁ ଭେଟି ତାଙ୍କଠାରୁ ଆଶୀର୍ବାଦ ନେଇଛନ୍ତି । ତେବେ ଆଜି ମୋଦୀ ପ୍ରଥମେ ତାଙ୍କ ମାଙ୍କୁ ଭେଟିବା ପରେ ତାଙ୍କ ପାଦ ଛୁଇଁ ପ୍ରଣାମ କରିଥିଲେ, ଆଉ ପରେ ପରେ ତାଙ୍କ ସହିତ ବସି ଖାଇଥିଲେ । ଯେଉଁ ଫଟୋକୁ ଏବେ ସୋସିଆଲ୍ ମିଡିଆରେ ଲୋକମାନେ ବେଶ ପସନ୍ଦ କରୁଥିବା ଦେଖିବାକୁ ମିଳୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
#ମାଙ୍କ_ପାଖରେ_ମୋଦୀ
ମା’ଙ୍କ ପାଖରେ ମୋଦୀ । ଗୁଜରାଟ ଗସ୍ତବେଳେ ଗାନ୍ଧୀନଗର ଯାଇ ମାଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସାଙ୍ଗରେ ବସି ଖାଇଲେ, ଆଶୀର୍ବାଦ ବି ନେଲେ । @narendramodi #Gujarat #KanakNews pic.twitter.com/Q7nm3aHbpO— Kanak News (@kanak_news) March 11, 2022
ସୂଚନାଯୋଗ୍ୟ ଯେ, ପିଏମ୍ ମୋଦୀ ଆଜି ଅହମ୍ମଦାବାଦରେ ଏକ ବଡ ରୋଡ୍ ସୋ କରିଥିଲେ । ଯେଉଁଥିରେ ଲୋକଙ୍କର ପ୍ରବଳ ଭିଡ ଦେଖିବାକୁ ମିଳିଥିଲା । ଏହି ଅବସରରେ ମୋଦୀ ସମସ୍ତଙ୍କର ଅଭିବାଦନ ଗ୍ରହଣ କରିଥିଲେ । ଏହାପରେ ପ୍ରଧାନମନ୍ତ୍ରୀ ପଞ୍ଚାୟତ ସମ୍ମିଳନୀରେ ନିଜର ସମ୍ବୋଧନ ରଖିଥିଲେ ।