ବିଲାତି ପରେ ଖାଉଟିଙ୍କୁ ଚିନ୍ତାରେ ପକାଇଛି ପିଆଜ ଦର । ୧୦ ଦିନ ମଧ୍ୟରେ ଆହେତୁକ ମୂଲ୍ୟବୃଦ୍ଧି ପରେ ସରକାର ନେଲେ ଏହି ନିଷ୍ପତ୍ତି
କନକ ବ୍ୟୁରୋ : ବଜାରରେ ବିଲାତିର ଦାମ ଟିକେ କମିଆସିବା ବେଳକୁ ଏବେ ପିଆଜର ଦାମ ଖାଉଟିଙ୍କୁ ଚିନ୍ତାରେ ପକାଇଛି । କିଛିଦିନ ମଧ୍ୟରେ କିଲୋପ୍ରତି ୨୦ ଟଙ୍କାରେ ବିକ୍ରି ହେଉଥିବା ପିଆଜ ଏବେ ୪୦ ଟଙ୍କାରେ ପହଂଚିସାରିଛି । ଏହାକୁ ନେଇ ଖାଉଟି ଚିନ୍ତାରେ ଥିବା ବେଳେ କେନ୍ଦ୍ରମନ୍ତ୍ରୀ ପୀୟୁଷୁ ଗୋଏଲ ଖାଉଟି ଓ ପିଆଜ ଚାଷୀଙ୍କୁ ଆଶ୍ୱାସନା ଦେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ପୀୟୁଷ ଗୋଏଲ ନାସିକ ଠାରେ ଥିବା ଦେଶର ସବୁଠାରୁ ବଡ ପିଆଜ ମଣ୍ଡି ସହିତ ଜଡିକ ଚାଷୀ ଓ ବ୍ୟବାସୀୟଙ୍କ ଦ୍ୱାରା ଚାଲିଥିବା ଧର୍ମଘଟକୁ ନେଇ ସେମାନଙ୍କୁ ଭରଶା ଦେଇଛନ୍ତି । କେନ୍ଦ୍ରମନ୍ତ୍ରୀ କହିଛନ୍ତି କି ପିଆଜର ଦାମ ବୃଦ୍ଧି ହେବ ନାହିଁ । ଏହାସହ ସରକାରୀ ସ୍ତରରେ ପିଆଜ ଚାଷୀମାନଙ୍କର ଯେଭଳି କ୍ଷତି ହେବ ନାହିଁ ସେନେଇ ପଦକ୍ଷେପ ନିଆଯାଉଛି । ପିଆଜ ରପ୍ତାନୀ ଉପରେ ୪୦ ପ୍ରତିଶତ ଏକ୍ସପୋର୍ଟ ଶୁଳ୍କକୁ ବିରୋଧ କରି ଉଭୟ ପିଆଜ ଚାଷୀ ଓ ବ୍ୟବସାୟୀ ଧର୍ମଘଟ କରିଥିଲେ । ନାସିକ ଜିଲ୍ଲାରେ ମୋଟ ୧୫ ଟି କୃଷକ ମଣ୍ଡିରୁ ୧୩ଟି ମଣ୍ଡିରେ ପିଆଜ କ୍ରୟ ଓ ବିକ୍ରୟ ସମ୍ପୂର୍ଣ୍ଣ ଭାବେ ବନ୍ଦ କରାଯାଇଥିଲା ।
ପୀୟୁଷ ଗୋଏଲ କହିଛନ୍ତି କି, ଏନେଇ ସେ ମହାରାଷ୍ଟ୍ର ସରକାରର ବରିଷ୍ଠ ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି । ଖାଉଟିଙ୍କ ସ୍ୱାର୍ଥକୁ ଦୃଷ୍ଟିରେ ରଖିବା ସହ ଚାଷୀମାନେ କିଭଳି ଉପଯୁକ୍ତ ମୂଲ୍ୟ ପାଇପାରିବେ ତାହା ଉପରେ ସରକାର ପଦକ୍ଷେପ ନେଉଛନ୍ତି ।
ମହାରାଷ୍ଟ୍ର କୃଷିମନ୍ତ୍ରୀ ଧନଞ୍ଜୟ ମୁଣ୍ଡେ ଏନେଇ କେନ୍ଦ୍ରମନ୍ତ୍ରୀ ପୀୟୁଷ ଗୋଏଲଙ୍କ ସହ ଭେଟ କରିଛନ୍ତି । ପୀୟୁଷ ଗୋଏଲ ଏହା ଉପରେ ପ୍ରତିକ୍ରିୟା ରଖି କହିଛନ୍ତି କି, ସରକାର କିଲୋପ୍ରତି ୨୫ଟଙ୍କାରେ ପିଆଜ ବିକ୍ରି କରିବେ । ଏହା ସହ ଏଥର ସରକାର ୩ଲକ୍ଷ ମେଟ୍ରିକ ଟନ୍ ସ୍ଥାନରେ ୫ଲକ୍ଷ ମେଟ୍ରିକ୍ ଟନ ପିଆଜ କିଣିବେ । ସରକାର ଏବେ କୁଇଣ୍ଟାଲ ପ୍ରତି ୨୪୧୦ଟଙ୍କାରେ ପିଆଜ କିଣୁଛନ୍ତି ।