ପାରା ଆଣିଛି ପାକର ବାର୍ତା : ଚିଠିରେ ମୋଦିଙ୍କୁ ଧମକ୍
ପାକିସ୍ତାନର ପ୍ରତି ପିଲା ବି ଭାରତ ବିରୋଧରେ ଲଢେଇ କରିବାକୁ ପ୍ରସ୍ତୁତ । ବିଏସଏଫ ଯବାନଙ୍କ ଦ୍ୱାରା ଧରାପଡିଥିବା ଏକ ପାରା ଦେହରେ ଲାଗିଥିବା ଚିଠିରେ ଏପରି ଲେଖାଯାଇଛି । ଏହି ପାରାକୁ ସୀମା ଆରପଟୁ ଛଡାଯାଇଥିବା ସଂଦେହ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଭାରତର ସର୍ଜିକାଲ ଷ୍ଟ୍ରାଇକ୍ ପରେ ପାକିସ୍ତାନରେ ଯେଭଳି ଭାବେ ନିରାଶ ଖେଳିଯାଇଛି, ତାହାର ଏପରି ପ୍ରତିଫଳନ ଦେଖିବାକୁ ମିଳୁଛି । ଗତକାଲି ବେଲୁନରେ ଧମକପୂର୍ଣ୍ଣ ଚିଠି ଓ ପାରା ଗୋଡରେ ବନ୍ଧା ହୋଇଥିବା ଚିଠି ବିଏସଏଫ୍ ଜବତ କରିଛି ।
ପଠାନକୋଟ୍ ବାମିଆଲ ସେକ୍ଟରରେ ଥିବା ବିଏସଏଫର ସିମ୍ବାଲ ପୋଷ୍ଟ ନିକଟରେ ଏହି ପାରାକୁ ଧରାଯାଇଥିଲା। ବନ୍ଧା ହୋଇଥିବା ଚିଠିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦେଶ୍ୟରେ ଉର୍ଦ୍ଦୁ ଅକ୍ଷରରେ ଲେଖାଯାଇଛି ।
ସେଥିରେ ଲେଖାଅଛି, ମୋଦିଜୀ, ଆମକୁ ୧୯୭୧ ମସିହାର ଲୋକ ବୋଲି ଭାବନ୍ତୁ ନାହିଁ। ଏବେ ପାକିସ୍ତାନର ପ୍ରତ୍ୟେକ ଶିଶୁ ମଧ୍ୟ ଭାରତ ବିରୋଧରେ ଲଢେଇ ପାଇଁ ପ୍ରସ୍ତୁତ ।
ଉରି ଆକ୍ରମଣର ଜବାବରେ ପାକିସ୍ତାନ ଅଧିକୃତ କଶ୍ମୀରରେ ଚାଲିଥିବା ଆତଙ୍କବାଦୀ କ୍ୟାମ୍ପ ଉପରେ ଭାରତର ସର୍ଜିକାଲ ଆଟାକ୍ ପରେ ଦୁଇ ଦେଶ ମଧ୍ୟରେ ଉତେଜନା ବଢିବାରେ ଲାଗିଛି ।