କନକ ବ୍ୟୁରୋ: ବିିସିସିଆଇ ବର୍ତ୍ତମାନ ସମୟରେ ଆୟ କରିବାରେ ସବୁ କ୍ରିକେଟ ବୋର୍ଡଠାରୁ ଆଗରେ ରହିଛି । ଏହାସହ ଭାରତ ମଧ୍ୟ ବିଶ୍ୱର ସବୁଠାରୁ ଭଲ କ୍ରିକେଟ ଟିମ ମଧ୍ୟ । ଅନେକ ଦେଶ ଭାରତ ସହ ଖେଳିବାକୁ ବେଶ ଉତ୍ସାହିତ ଥାନ୍ତି । ହେଲେ ଭାରତର ଏହି ସଫଳତା ପାକିସ୍ତାନୀମାନେ ଗ୍ରହଣ କରିପାରନ୍ତି ନାହିଁ । ଅନେକ ସମୟରେ ପାକିସ୍ତାନ କ୍ରିକେଟରମାନେ ଏହାକୁ ନେଇ ନ୍ତ୍ୱ୍ୟ ଦେଇଥାନ୍ତି । ତେବେ ବର୍ତ୍ତମାନ ପୁଣି ସେହି ଭଳି ଏକ ଘଟଣା ଘଟିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ପୂର୍ବତନ କ୍ରିକେଟର ମହମ୍ମଦ ହାଫିଜ ଏଭଳି ଏକ ବିବାଦୀୟ ମନ୍ତବ୍ୟ ଦେଇଛନ୍ତି ଯେଉଁଥିପାଇଁ ସେ ସୋସିଆଲମିଡିଆରେ ଟ୍ରୋଲ ହେଉଛନ୍ତି । ସେ କହିଛନ୍ତି ଟିମ ଇଣ୍ଡିଆ ନିଜ ଖେଳ ପାଇଁ ନୁହେଁ ବରଂ ଟଙ୍କା ପାଇଁ ବିଶ୍ୱ କ୍ରିକେଟର ଗେହ୍ଲା ହୋଇ ରହିଛି । ଏହି ମନ୍ତବ୍ୟ ପରେ ୟୁଜର୍ସମାନେ ହାଫିଜଙ୍କୁ ଟ୍ରୋଲ କରିଛନ୍ତି ।
Laadla 😍 pic.twitter.com/V48JqojFmc
— Mohammad Hafeez (@MHafeez22) September 2, 2022
ଏକ ପାକିସ୍ତାନୀ ଚ୍ୟାନେଲକୁ ସାକ୍ଷାତକାର ଦେଇ ହାଫିଜ କହିଛନ୍ତି, ମୁଁ ଅଧିକ କିଛି ଜାଣିନି, କିନ୍ତୁ ଏତିକି ଜାଣିଛି ଆମର ଏଠି ଯିଏ ଅଧିକ କମେଇକି ଦିଏ ସେ ସବୁଠାରୁ ଗେହ୍ଲା ହୋଇଥାଏ । ଭାରତ ଅଧିକ ରେଭିନ୍ୟୁ ଦେଇଥାଏ । ତେବେ ଆଉ ଏକ ପ୍ରଶ୍ନ ଥିଲା ଭାରତ ଗହ୍ଲେ କଣ ପାଇଁ? ଭଲ କ୍ରିକେଟ ଖେଳେ ସେଥିପାଇଁ ନା ଭଲ ରେଭିନ୍ୟୁ ଦିଏ ସେଥିପାଇଁ । ଏହାର ଉତ୍ତର ଦେଇ ହାଫିଜ କହିଥିଲେ ‘ଦ୍ୱିତୀୟ’ ।
ତେବେ ଏହାକୁ ନେଇ ସୋସିଆମିଡିଆରେ ପ୍ରବଳ ଟ୍ରୋଲ ହୋଇଛନ୍ତି । ଜଣେ ୟୁଜର୍ସ ତାଙ୍କୁ କହିଛନ୍ତି, ହାଫିଜ ଭାଇ ସୁଧୁରି ଯାଅ, କାଇଁ ଏଭଳି ପରିସ୍ଥିତିରେ ପଙ୍ଗା ନେଉଛ । ଆଉ ଅନ୍ୟ ଜଣେ ୟୁଜର୍ସ ଲେଖିଛନ୍ତି, ହଁ ଇଣ୍ଡିଆ ରେଭିନ୍ୟୁ ଦେଉଛି, ତମର କଣ ଅସୁବିଧା ହେଲା, ଆଗ ନିଜ ଦେଶର ଇକୋନୋମି ଠିକ କର ।