୧୦ ପ୍ରତିଶତ କର୍ମଚାରୀ ଛଟେଇ କରିବ ଓୟୋ ! ଘୋଷଣା, ଜାଣନ୍ତୁ କାରଣ ?
କନକ ବ୍ୟୁରୋ : ଆଇପିଓ ଆଣିବାକୁ ପ୍ରସ୍ତୁତ ହେଉଥିବା ଓୟୋ ଏବେ କମ୍ପାନୀରୁ କର୍ମଚାରୀ ଛଟେଇ କରିବାକୁ ବିଚାର କରୁଛି । କମ୍ପାନୀ ସହିତ ଜଡିତ ସୂତ୍ର ସୂଚନା ମୁତାବକ ଏବେ କମ୍ପାନୀରେ ୩୭୦୦ କର୍ମଚାରୀ ରହିଛନ୍ତି । ଆଗାମୀ ଦିନରେ କମ୍ପାନୀ ମୋଟ କର୍ମଚାରୀରୁ ୧୦ ପ୍ରତିଶତ ଛଟେଇ କରିବାକୁ ଯୋଜନା କରୁଛି । ସେପଟେ କମ୍ପାନୀ ତରଫରୁ ଲୋକସଂପର୍କ ଓ ପରିଚାଳନା ପାଇଁ ୨୫୦ ଜଣ କର୍ମଚାରୀ ନିଯୁକ୍ତି କରିବାକୁ ଯାଉଛି । ଓୟୋ ତରଫରୁ କୁହାଯାଇଛି କି କମ୍ପାନୀର ସାଂଗଠନିକ ଢାଞ୍ଚାରେ ବ୍ୟାପକ ପରିବର୍ତ୍ତନ କରିବାକୁ ଯାଉଥିବାରୁ କମ୍ପାନୀ ତରଫରୁ ଏଭଳି ନିଷ୍ପତ୍ତି ନିଆଯାଇଛି । କମ୍ପାନୀ ତରଫରୁ ନିଜର ଉତ୍ପାଦ, ଇଂଜିନିୟରିଂ, କର୍ପୋରେଟ ମୁଖ୍ୟାଳୟ ଓ ଭେକେସନ ହୋମ୍ ଟିମକୁ ଛୋଟ କରିବାକୁ ଯୋଜନା କରିଛି । ସେପଟେ ଲୋକସଂପର୍କ, ପରିଚାଳନା ଓ ବ୍ୟବସାୟ ବୃଦ୍ଧି ପାଇଁ ଟିମ୍ ବିସ୍ତାର କରାଯାଉଥିବା କଥା କମ୍ପାନୀ ତରଫରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଓୟୋ ତରଫରୁ ଜାରି କରାଯାଇଥିବା ଏକ ବୟାନରେ କୁହାଯାଇଛି କି, କମ୍ପାନୀରେ ଥିବା ମୋଟ ୩୭୦୦ କର୍ମଚାରୀରୁ ୧୦ ପ୍ରତିଶତ କର୍ମଚାରୀ ଛଟେଇ କରିବ ଓ ପୁଣି ୨୫୦ ଜଣ କର୍ମଚାରୀ ନିଯୁକ୍ତି ଦେବ । କମ୍ପାନୀ ତରଫରୁ କୁହାଯାଇଛି କି ଠିକଭାବେ କାମ କରିବାକୁ ଉତ୍ପାଦ ଓ ଇଂଜିନିୟରିଂକୁ ମିଶାଇ ଗୋଟିଏ ଟିମ୍ କରାଯାଉଛି ଓ କମ୍ପାନୀ ହୋଟେଲ ସଂଖ୍ୟା ବୃଦ୍ଧି କରିବାକୁ ୨୦୫ ଜଣ ନୂଆ କର୍ମଚାରୀ ନିଯୁକ୍ତି ଦେବ ।