ଗୁଣିଗାରେଡି ସନ୍ଦେହରେ ବୃଦ୍ଧାଙ୍କୁ ହତ୍ୟା ଅଭିଯୋଗ । ନବରଙ୍ଗପୁର ଜିଲ୍ଲା ଝରିଗାଁ ଅଞ୍ଚଳରେ ଚାଞ୍ଚଲ୍ୟ । ୪ ଦିନପରେ ମାଟି ତଳୁ ମିଳିଲା ମୃତଦେହ ।
କନକ ବ୍ୟୁରୋ: ଗୁଣିଗାରେଡି ସନ୍ଦେହରେ ଜଣେ ୫୦ ବର୍ଷୀୟ ବୃଦ୍ଧାଙ୍କୁ ହତ୍ୟା କରି ମାଟିତଳେ ପୋତିଦେଇଥିବା ଅଭିଯୋଗ । ଏପରି ଅଭାବନୀୟ ଘଟଣାଟି ଘଟିଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ବେଲଗାଁରେ ।
Kanak News is now on WhatsApp
Join and get latest news updates delivered to you via WhatsApp
ପରିବାର ଲୋକଙ୍କ ଅଭିଯୋଗ ଅନୁଯାୟୀ କେନ୍ଦୁଗୁଡା ଗ୍ରାମର ୫୦ ବର୍ଷୀୟ ରଇବାରୀ ସାନ୍ତାଙ୍କୁ ଗ୍ରାମର କିଛି ଲୋକେ ଗତ ୭ ତାରିଖ ଦିନ ଘରୁ ଡାକି ନେଇ ମାଡ ମାରିଥିଲେ, ଏହାସହ ତାଙ୍କୁ ସେଠାରୁ କେଉଁଆଡ଼କୁ ନେଇଯାଇଥିଲେ । ଏହାକୁ ନେଇ ତାଙ୍କ ପରିବାର ପକ୍ଷରୁ ଝରିଗାଁ ଥାନାରେ ଅଭିଯୋଗ କରିଥିଲେ । ପୋଲିସ ଘଟଣାର ତଦନ୍ତ କରୁଥିବା ବେଳେ କେନ୍ଦୁଗୁଡା ଗ୍ରାମର ଦୁଇ ଜଣ ଅଭିଯୁକ୍ତ ଝରିଗାଁ ପୋଲିସ ପାଖରେ ଆତ୍ମସମର୍ପଣ କରିଥିଲେ, ଆଉ ହତ୍ୟାକାଣ୍ଡର ଗୁମର ଫିଟିଥିଲା । ରାଇବରୀଙ୍କୁ ହତ୍ୟାକରି ପୋତି ଦେଇଥିବା ଏମାନେ ପୋଲିସ୍ ପାଖରେ ମାନିଥିଲେ । ଏହି ତଥ୍ୟ ଅନୁସାରେ ପୋଲିସ ଘଟଣା ସ୍ଥଳରେ ପହଂଚି ସାଇଣ୍ଟିଫିକ ଟିମ୍ ଓ ତହସିଲଦାରଙ୍କ ଉପସ୍ଥିତିରେ ପୋତାଯାଇଥିବା ଶବ ଉଦ୍ଧାର କରିଛି ।