ଆଜି ଓଡ଼ିଶା ପହଞ୍ଚିବ ଓମିସିୟୋର କିଟ୍ : ବିନା ଜିନୋମ ସିକ୍ୟୁଏନ୍ସିଂରେ ଅଳ୍ପ ସମୟ ମଧ୍ୟରେ ଜଣାପଡିବ ଓମିକ୍ରନ ପ୍ରଜାତି
ପ୍ରଥମ ରାଜ୍ୟ ଭାବେ ଟାଟା ମେଡିକାଲ ଆଣ୍ଡ ଡାଇଗ୍ନୋଷ୍ଟିକ୍ସକୁ ୫ ଲକ୍ଷ ଓମିସିୟୋର ପାଇଁ ଅର୍ଡର ଦେଇଛି ଓଡ଼ିଶା
କନକ ବ୍ୟୁରୋ : ଆଜି ଓଡିଶା ପହଞ୍ଚିବ ଓମିସିୟୋର କିଟ୍ । ଏହି କିଟ୍ ଦ୍ୱାରା ଶୀଘ୍ର ଓମିକ୍ରନ ପ୍ରଜାତି ଚିହ୍ନଟ ହୋଇପାରିବ । ରାଜ୍ୟରେ ଜିନୋମ ସିକ୍ୟୁଏନ୍ସିଂ ଅଧିକ ସଂଖ୍ୟକ ହୋଇପାରୁନଥିବାରୁ ଓମିସିୟୋର କିଟ୍ ନୂଆ ପ୍ରଜାତି ଚିହ୍ନଟ କରିବାରେ ବିଶେଷ ଭାବରେ ସହାୟକ ହେବ । ଓମିସିୟୋର ହେଉଛି ଭାରତରେ ତିଆରି ହୋଇଥିବା ପ୍ରଥମ ଟେଷ୍ଟିଂ କିଟ୍ । ଟାଟା ମେଡିକାଲ ଆଣ୍ଡ ଡାଇଗ୍ନୋଷ୍ଟିକ୍ ଏହି କିଟକୁ ତିଆରି କରିଛି । ଓଡିଶା ପ୍ରଥମ ରାଜ୍ୟଭାବେ ୫ ଲକ୍ଷ କିଟ୍ ଆଣିବା ପାଇଁ ଅର୍ଡର ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ତୃତୀୟ ଲହରରେ ଡେଲଟା ଭୂତାଣୁୁକୁ ଓମିକ୍ରନ ପଛରେ ପକାଇଥିବା ନେଇ ବିଶେଷଜ୍ଞ ମାନେ କହୁଥିବା ବେଳେ ଓମିସିୟୋର ଟେଷ୍ଟ କିଟ୍ ଏହାକୁ ସ୍ପଷ୍ଟ କରିବ ବୋଲି ଆଶା କରାଯାଉଛି । ଆଇଏଲଏସ ପକ୍ଷରୁ କୁହାଯାଇଛି ଯେତିକି ସଂଖ୍ୟାରେ ନମୁନାର ଜିନୋମ ସିକ୍ୟୁଏନ୍ସିଂ ହେଉଛି ସେଥିମଧ୍ୟରୁ ବହୁ ସଂଖ୍ୟାର ଓମିକ୍ରନ ପ୍ରଜାତି ଚିହ୍ନଟ ହେଉଛନ୍ତି । ତେବେ ଏପର୍ଯ୍ୟନ୍ତ ଓଡିଶାରେ ମାତ୍ର ୨୦୩ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ଅର୍ଥାତ ରାଜ୍ୟରେ ଜିନୋମ ସିକ୍ୟୁଏନ୍ସିଂର ପରିମାଣ ବହୁତ କମ୍ ରହିଛି । ତେଣୁ ଓମିସିୟୋର ଆସିବା ପରେ ଏହି ସମସ୍ୟା ଦୂର ହେବ ବୋଲି କୁହାଯାଉଛି ।
ଓମିସିୟୋର କିଟ୍ କ’ଣ ?
-କିଟ ଦ୍ୱାରା ଓମିକ୍ରନ ପ୍ରଜାତି ଶୀଘ୍ର ଚିହ୍ନଟ ହୋଇପାରିବ
-ବିନା ଜିନମ ସ୍ୱିକ୍ୱେସିଂରେ ଚିହ୍ନଟ ହୋଇପାରିବ ଓମିକ୍ରନ
-ଦେଶର ପ୍ରଥମ ରାଜ୍ୟ ଭାବେ ଓଡିଶା ମଗାଇଛି ୫ ଲକ୍ଷ କିଟ୍
-ଦେଶର ପ୍ରଥମ ସ୍ୱଦେଶୀ ପରୀକ୍ଷା କିଟ୍ ହେଉଛି ଓମିସେୟାର
-ଟାଟା ମେଡିକାଲ ଆଣ୍ଡ ଡାଇଗ୍ନୋଷ୍ଟିକ ତିଆରି କରିଛି କିଟ୍