ଆଜିଠୁ ଓଡିଶାରେ ଆରମ୍ଭ ହେଲା ଶିଶୁ ଓ କିଶୋର ସଂକ୍ରମଣର ହିସାବ । ଗତ ୨୪ ଘଣ୍ଟାରେ ୧୮ ବର୍ଷରୁ କମ୍ ୧୩୮ ଜଣ ପଜିଟିଭ୍ ଚିହ୍ନଟ ।
କନକ ବ୍ୟୁରୋ: ତୃତୀୟ ଲହରକୁ ଦୃଷ୍ଟିରେ ରଖି ଓଡିଶା ସରକାର ଶିଶୁ ଓ କିଶୋରଙ୍କ ଠାରେ କରୋନା ସଂକ୍ରମଣ କେତେ ସଂଖ୍ୟାରେ ହେଉଛି, ତାର ହିସାବ ଦେବା ଆରମ୍ଭ କରିଛନ୍ତି । ଗତ ୨୪ ଘଣ୍ଟାରେ ୭୯ ହଜାର ଟେଷ୍ଟ କରାଯାଇଥିଲା ଏବଂ ସେଥିମଧ୍ୟରୁ ୧୩୮ ଜଣ ଶିଶୁ ଓ କିଶୋର ପଜିଟିଭ୍ ଚିହ୍ନଟ ହୋଇଛନ୍ତି । ଯଦିଓ ଏହି ସଂଖ୍ୟା ଅଧିକ ନୁହେଁ, ତେବେ ଶିଶୁ ଓ କିଶୋରଙ୍କ କ୍ଷେତ୍ରରେ ସଂକ୍ରମଣର ଟ୍ରେଣ୍ଡକୁ ନଜରରେ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଶିଶୁଙ୍କୁ କରୋନା ସଂକ୍ରମଣ କଥା ଶୁଣିଲେ ଯେକେହି ଭୟଭୀତ ହେବ, କିନ୍ତୁ ଆମେ ବିଟ୍ରେନ୍ ସ୍ଥିତ ଜଣେ ପ୍ରତିଷ୍ଠିତ ଡାକ୍ତର ଭାଗ୍ୟଶ୍ରୀ ସିଂଙ୍କ ସହ ଆଲୋଚନା କରିଥିଲୁ । ଶିଶୁଙ୍କୁ ପରେ କରୋନାର ପ୍ରଭାବକୁ ନେଇ ଗବେଷଣ କରୁଥିବା ଏହି ଓଡିଆ ମହିଳା ଡାକ୍ତର କେତେକ ଗୁରୁତ୍ୱପୂର୍ଣ୍ଣ ତଥ୍ୟ ଦେଇଛନ୍ତି ।
ଏହା ସତ ଯେ, ଶିଶୁ ଓ କିଶୋରଙ୍କ ଠାରେ ରୋଗ ପ୍ରତିରୋଧକ ଶକ୍ତି ଅଧିକ ଥାଏ ଏବଂ ସହଜରେ ଭୂତାଣୁ ତାଙ୍କ ଶରୀରରେ ପ୍ରବେଶ ମଧ୍ୟ କରିପାରେନାହିଁ କିନ୍ତୁ ସେମାନଙ୍କ ପାଇଁ ଭ୍ୟାକ୍ସିନ ନାହିଁ ଯାହାକି ଏକ ବଡ ଚିନ୍ତା । ତେବେ ପ୍ରଥମ ଲହର ଏବଂ ଦିତ୍ୱୀୟ ଲହରରେ ଛୋଟପିଲା କ୍ଷତିଗ୍ରସ୍ତ ହୋଇନଥିଲେ । ଏବେ କର୍ଣ୍ଣାଟକ ଓ ମିଜୋରାମରେ ଛୋଟପିଲାଙ୍କ ଠାରେ ସଂକ୍ରମଣ ବଢୁଥିଲେ ମଧ୍ୟ ଅଧିକାଂଶଙ୍କ ଠାରେ କୌଣସି ଲକ୍ଷଣ ନାହିଁ, କେତେକଙ୍କ ଠାରେ ସାମାନ୍ୟ ଲକ୍ଷଣ ଦେଖାଦେଇଛି ଏବଂ କାହାରି ମୃତ୍ୟୁ ହୋଇନାହିଁ ।