ବିରୋଧୀଙ୍କୁ ଏକାଠିଙ୍କୁ ଏକଜୁଟ କରିବାକୁ ଉଦ୍ୟମ । ମମତା, ଅଖିଳେଶଙ୍କୁ ଭେଟିଲେ ବିହାର ମୁଖ୍ୟମନ୍ତ୍ରୀ
କନକ ବ୍ୟୁରୋ: ୨୦୨୪ ସାଧାରଣ ନିର୍ବାଚନ ପୂର୍ବରୁ ସମସ୍ତ ବିରୋଧୀ ଦଳକୁ ଏକାଠି କରିବାକୁ ପ୍ରୟାସ ଆରମ୍ଭ ହୋଇଛି । ଆଉ ଏହାର ନେତୃତ୍ୱ ନେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର । ବିରୋଧୀ ପକ୍ଷର ବଡ ନେତାଙ୍କୁ ଭେଟିଛନ୍ତି ବିହାର ମୁଖ୍ୟମନ୍ତ୍ରୀ । ତେବେ ନୀତିଶ କୁମାର ବିରୋଧୀ ଦଳର ଦୁଇ ବଡ ନେତାଙ୍କୁ ଭେଟିଛନ୍ତି । ଲକ୍ଷ୍ନୌରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କୁ ଭେଟିଥିବାବେଳେ କୋଲକାତାରେ ମମତା ବାନାର୍ଜୀଙ୍କୁ ଭେଟିଛନ୍ତି । ନୀତିଶ କୁମାର ଆଜି କୋଲକାତାରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଛନ୍ତି । ଏହି ବୈଠକରେ ବିହାରର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମଧ୍ୟ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ବୈଠକ ପରେ ମମତା ବାନାର୍ଜୀ କହିଛନ୍ତି ଯେ, ମୁଁ ନୀତୀଶଙ୍କୁ ଅନୁରୋଧ କରିଛି ଯେ ଜୟପ୍ରକାଶ ଜୀଙ୍କର ଆନ୍ଦୋଳନ ବିହାରରୁ ଆରମ୍ଭ ହୋଇଛି, ତେଣୁ ଆମେ ବିହାରରେ ଏକ ସଭା ମଧ୍ୟ କରିବା ଉଚିତ୍ । ବିରୋଧୀ ଏକାଠି ଅଛନ୍ତି । ଏପରି ଏକା ବାର୍ତ୍ତା ଦେବାର ଆବଶ୍ୟକ ରହିଛି ବୋଲି ସେ କହିଛନ୍ତି । ସେ କହିଛନ୍ତି ଯେ ଆମ ଦର୍ଶନ ଏବଂ ଉଦ୍ଦେଶ୍ୟ ସ୍ପଷ୍ଟ ଆମେ ଏକାଠି ଲଢିବା ସୁନିଶ୍ଚିତ । କେଉଁ ଆଧାରରେ ଏହା ଘଟିବ, ଠିକ୍ ସମୟରେ ନିଷ୍ପତି ନିଆଯିବ ବୋଲି ସେ କହିଛନ୍ତି । ସୂଚନାଯୋଗ୍ୟ ଯେ, ଏହା ପୂର୍ବରୁ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଭେଟିଥିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ।
- ନୀତୀଶ କୁମାର ପୂର୍ବରୁ ମଲ୍ଲିକାର୍ଜୁନ ଖଡଗେ ଓ ରାହୁଲ ଗାନ୍ଧିଙ୍କୁ ଭେଟିସାରିଛନ୍ତି
- ତେଲେଙ୍ଗାନା ମୁଖ୍ୟମନ୍ତ୍ରୀ ଓ ତାମିଲନାଡୁ ମୁଖ୍ୟମନ୍ତ୍ରୀ ବି ବିରୋଧୀ ଏକଜୁଟ ପାଇଁ ଏକାଠି ହୋଇଛନ୍ତି
- ବିହାର, ପଶ୍ଚିମବଙ୍ଗ, ତେଲେଙ୍ଗାନା, କେରଳ ଓ ତାମିଲନାଡୁରେ ବିଜେପି ବିରୋଧୀ ସରକାର ରହିଛି
- ଆନ୍ଧ୍ର-ଓଡିଶାରେ ବି ରହିଛି ଅଣ-ବିଜେପି ସରକାର
- ହିମାଚଳ, ରାଜସ୍ଥାନ, ଛତିତଗଡରେ କଂଗ୍ରେସ ସରକାର
- ଝାଡଖଣ୍ଡରେ କଂଗ୍ରେସ-ଜେଏମଏମ ମେଣ୍ଟ ସରକାର
- ତେଲେଙ୍ଗାନା ମୁଖ୍ୟମନ୍ତ୍ରୀ ସବୁ ବିରୋଧୀଙ୍କୁ ଏକଜୁଟ କରିବାକୁ ସଙ୍କେତ ଦେଇସାରିଛନ୍ତି
- କଂଗ୍ରେସ ମଧ୍ୟ ବିରୋଧୀ ଏକଜୁଟ ପାଇଁ ସଙ୍କେତ ଦେଇସାରିଛି
- ମମତା ମଧ୍ୟ ବିରୋଧୀ ଏକଜୁଟ ପାଇଁ ଉଦ୍ୟମ କରିଛନ୍ତି
- ଅରବିନ୍ଦ କେଜରିୱାଲଙ୍କୁ ବିରୋଧୀ ଏକତାରେ ସାମିଲ କରିବାକୁ ଉଦ୍ୟମ
- ପଞ୍ଜାବ ଓ ଦିଲ୍ଲୀରେ ଆପ୍ ସରକାରରେ ରହିଛି
- ତେଣୁ ଏହି ସବୁ ରାଜ୍ୟର ନେତାଙ୍କୁ ନେଇ ଏକଜୁଟ୍ ହେବାକୁ ଚେଷ୍ଟା ଚଳାଇଛନ୍ତି ନୀତୀଶ