ନୂଆ ଭାରତର ନୂଆ ସଂସଦ : ଚାଲିଛି ଉଦଘାଟନ ଉତ୍ସବ ସମାରୋହ; ବୈଦିକ ରୀତିନୀତି ଓ ମନ୍ତ୍ରୋଚାରଣରେ କମ୍ପୁଛି ନୂଆ ସଂସଦ ଭବନ
କନକ ବ୍ୟୁରୋ : ନୂଆ ଭାରତର ନୂଆ ସଂସଦ । ଚାଲିଛି ଉଦଘାଟନ ଉତ୍ସବ ସମାରୋହ । ପୂଜାର୍ଚ୍ଚନା କରୁଛନ୍ତି ପ୍ରଧାନମନ୍ତ୍ରୀ । ସାଙ୍ଗରେ ଅଛନ୍ତି ଲୋକସଭା ବାଚସ୍ପତି ଓମ୍ ବିର୍ଲା । ବୈଦିକ ରୀତିନୀତି ଓ ମନ୍ତ୍ରୋଚାରଣରେ ନୂଆ ସଂସଦ ଭବନ କମ୍ପୁଛି ।
Kanak News is now on WhatsApp
Join and get latest news updates delivered to you via WhatsApp
ଦେଶ ବିରୋଧୀ, ପ୍ରଧାନମନ୍ତ୍ରୀ ବିରୋଧୀ ସ୍ଲୋଗାନ ସଂସଦ ଭବନ ପାଚେରୀରେ ଲେଖାଯିବାର ଆଶଙ୍କା ଥିବା ଗୁଇନ୍ଦା ସୂଚନା ମିଳିଥିବାରୁ ୨୪ ଘଂଟିଆ ସୁରକ୍ଷା ବ୍ୟବସ୍ଥା କରାଯାଇଛି । ୭୦ ଜଣ ସୁରକ୍ଷା କର୍ମୀଙ୍କୁ ସଂସଦ ଭବନ ଚାରିପଟେ ମୁତୟନ କରାଯାଇଛି । ନୂଆ ସଂସଦ ଭବନ ନିର୍ମାଣ ପାଇଁ ୯୭୧ କୋଟି ଟଙ୍କା ଖର୍ଚ୍ଚ ହୋଇଛି । ନୂଆ ସଂସଦ ଭବନରେ ଲୋକସଭା ହଲର କ୍ଷମତା ୮୮୮ ରହିଥିବାବେଳେ ରାଜ୍ୟସଭା ହଲର କ୍ଷମତା ରହିଛି ୩୦୦ ।
୬୫ ହଜାର ବର୍ଗମିଟରରେ ତିଆରି ହୋଇଛି ନୂଆ ସଂସଦ ଭବନ । ଏଠାରେ ଲୋକସଭା ହଲରେ ବସିପାରିବ ଯୁଗ୍ମ ଅଧିବେଶନ । ସଂସଦୀୟ ଗୃହରେ ଭାରତୀୟ କଳା ଓ ସଂସ୍କୃତିର ଝଲକ ଅତ୍ୟାଧୁନିକ ଯୋଗାଯୋଗ ସୁବିଧା ଓ ସେବା ରହିଛି । ଅଡିଓ-ଭିଜୁଆଲ ଟେକ୍ନୋଲୋଜିର ସୁବିଧା ରହିଛି ଅତ୍ୟାଧୁନିକ ପାଠାଗାର ବ୍ୟବସ୍ଥା ରହିଛି ।