କନକ ବ୍ୟୁରୋ : ଆଜି ମନ୍ତ୍ରୀ ପରିଷଦ ବୈଠକରେ ମନ୍ତ୍ରୀମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମନେ ପକାଇଦେଇଛନ୍ତି, ସେମାନଙ୍କୁ କ’ଣ କରିବା ଦରକାର । ନବୀନ କହିଛନ୍ତି- ସମସ୍ତଙ୍କୁ ମନେ ରଖିବା ଦରକାର ଯେ, ଲୋକଙ୍କ ଆଶା-ଆକାଂକ୍ଷାକୁ ବାସ୍ତବତାରେ ପରିଣତ କରିବାକୁ ହେବ । ଆଉ ସେହି ବିଶ୍ୱାସ ରଖି ଓଡ଼ିଶାବାସୀ ବିଜେଡି ସରକାରଙ୍କୁ ଭୋଟ୍ ଦେଇ ଆସୁଛନ୍ତି ବୋଲି ନବୀନ ପଟ୍ଟନାୟକ କହିଛନ୍ତି । ତେଣୁ ଏକାଠି ହୋଇ କାମ କରିବା ଦରକାର ବୋଲି ଦୃଢ଼ ସ୍ୱରରେ ନବୀନ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ଶିଶୁମୃତ୍ୟୁ ହାର କମିବା, ସମସ୍ତଙ୍କୁ ଖାଦ୍ୟ ସୁରକ୍ଷା ଏବଂ ସ୍ୱାସ୍ଥ୍ୟ ସୁରକ୍ଷା ଯୋଗାଇ ଦେବା ଏବଂ ମହିଳା ସଶକ୍ତିକରଣ ପାଇଁ ଯେଉଁ ପଦକ୍ଷେପ ସବୁ ନିଆଯାଇଛି, ତାହା ପ୍ରମାଣ କରୁଛି ଯେ ଓଡ଼ିଶା ତୃଣମୂଳସ୍ତରରେ ବି ବିକାଶ ଆଡକୁ ଆଗଉଛି । ତେଣୁ ଲୋକଙ୍କ ଆଶା ଓ ବିଶ୍ୱାସକୁ ପୂରଣ କରିବା ପାଇଁ ଆମେ ପ୍ରତିବନ୍ଧ ହେବାର ଆବଶ୍ୟକତା ରହିଛି ବୋଲି ନବୀନ କହିଛନ୍ତି ।