କନକ ବ୍ୟୁରୋ: କାକଟପୁର ଅଧିଷ୍ଠାତ୍ରୀ ଦେବୀ ମା’ ମଙ୍ଗଳାଙ୍କ ପୀଠରେ ନବପତ୍ରିକା ପୂଜା । ତୃତୀୟ ଦିନର ମା’ ଧନୁ ତୀର ଧାରଣ କରି ରଘୁନାଥ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି । ମା’ଙ୍କ ସମସ୍ତ ନୀତିକାନ୍ତି ଶେଷ ପରେ ଏହି ମନୋରମ ବେଶକୁ ଦର୍ଶନ କରିବାର ସୁଯୋଗ ପାଇଛନ୍ତି ଶ୍ରଦ୍ଧାଳୁ । କରୋନା କଟକଣା ହଟିଥିବାରୁ ଦୁଇବର୍ଷ ପରେ ଭକ୍ତମାନେ ମନ୍ଦିରରେ ମା’ଙ୍କ ଏହି ବେଶ ଦର୍ଶନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମା’ ମଙ୍ଗଳାଙ୍କ ଚଳନ୍ତି ପ୍ରତିମାକୁ ଏକ ସୁସଜ୍ଜିତ ବିମାନରେ ଘଂଟଘଂଟା, କାହାଳି ବାଜା ବଜାଇବା ସହ ସେବକମାନେ ଦୁଷ୍ଟରୂପ ରାକ୍ଷସ ମହିଷାସୁରକୁ ଠାବ କରିବା ପାଇଁ ରତ୍ନଗିରି ବିଜେ କରିଥିଲେ । ସେଠାରେ ପୂଜା ସମ୍ପନ୍ନ ପରେ ମା’ ମନ୍ଦିର ଭିତରକୁ ଫେରିଯାଇଥିଲେ । ବିଳମ୍ବିତ ରାତିରେ ଏହି ନୀତି ସମ୍ପନ୍ନ ହେବା ପରେ ମା’ ତୀର ଧନୁ ଧାରଣ କରି ରଘୁନାଥ ବେଶରେ ଦର୍ଶନ ଦେଇଥିଲେ । ଏହି ସମୟରେ ମନ୍ଦିର ପରିସରରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା ।