କନକ ବ୍ୟୁରୋ: ଅହମଦାବାଦରେ ଜଣେ ମହିଳାଙ୍କୁ ଗିରଫ କରିଛି ପୁଲିସ । କାରଣ ମହିଳା ଜଣକ ନିଜର ୩ ମାସର କଅଁଳା ଝିଅକୁ ହସ୍ପିଟାଲର ୩ ମହଲା କୋଠା ଉପରୁ ପିଙ୍ଗି ହତ୍ୟା କରିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମହିଳାଙ୍କୁ ପୁଲିସ ଗିରଫ କରିବା ପରେ ମହିଳାଙ୍କ ମୁହଁରୁ ସତ ଶୁଣି ସେଠାରେ ଥିବା ପୁଲିସ କର୍ମୀ ଭାବବିହ୍ୱଳ ହୋଇପଡିଥିଲେ । କଥା ହେଉଛି ଆସିଫମିୟା ଶେଖ୍ ଓ ଫରଜାନା ବାନୁଙ୍କର ୨୦୨୨ ଅକ୍ଟୋବର ୫ ତାରିଖରେ ଏକ କନ୍ୟା ସନ୍ତାନ ଜନ୍ମ ହୋଇଥିଲା । ହେଲେ ପିଲାବେଳୁ ସେ ଅସୁସ୍ଥ୍ ରହୁଥିଲା । ଡାକ୍ତରଙ୍କୁ ଦେଖାଇବା ପରେ ଶିଶୁର ପେଟରେ ମଇଳା ପାଣି ଜମି ରହିଥିବା ଜଣାପଡିବା ପରେ ତା’ର ଏକ ଅସ୍ତ୍ରୋପଚାର କରାଇବାକୁ ଡାକ୍ତର କହିଥିଲେ । ଅପରେସନ୍ ମଧ୍ୟ ହେଲା । ସେଠାରେ ୨୪ ଦିନ ରହିବା ପରେ ଘରକୁ ଝିଅକୁ ଡିସଚାର୍ଜ କରିନେଇଥିଲେ ।
ହେଲେ ଡିସେମ୍ବର ୨୪ ତାରିଖରେ କୁନି ଝିଅ ପୁଣି କାନ୍ଦିବାକୁ ଲାଗିଥିଲା । ଡାକ୍ତରଙ୍କୁ ଆଣି ଦେଖାଇବା ପରେ ଜଣାପଡିଥିଲା ଯେ, ଝିଅଟିର ଇଣ୍ଟେଷ୍ଟାଇନ୍ ଠିକ ସ୍ଥାନରୁ ବାହାରି ଆସିଛି । ତେଣୁ ତାକୁ ଅହମଦାବାଦ୍ ସିଭିଲ ହସ୍ପିଟାଲରେ ଭର୍ତ୍ତି କରାଗଲା । ହେଲେ ସେଠାରେ ସ୍ୱାସ୍ଥ୍ୟାବସ୍ଥାରେ ସୁଧାର ନହୋଇନଥିଲା । ସବୁବେଳେ ଯନ୍ତ୍ରଣାରେ ଛଟପଟ ହେଉଥିଲା ଶିଶୁ କନ୍ୟା । ଝିଅ ପାଖରେ ମା’ ଫରଜାନା ସବୁବେଳେ ରହୁଥିବାବେଳ ସ୍ୱାମୀ ଆସିଫମିୟା ଖାନ୍ ୱେଟିଙ୍ଗ ରୁମରେ ରହୁଥିଲେ । ଝିଅର ଯନ୍ତ୍ରଣାକୁ ସହିନପାରି ଶେଷରେ ଚରମ ପଦକ୍ଷେପ ନେଇଥିଲେ ମା’ ଫରଜାନା । ଝିଅକୁ ୩ ମହଲା ଉପରୁ ଫୋପାଡି ହତ୍ୟା କରିଥିଲେ ।
ସୋମବାର ଅପରାହ୍ନ ପାଖାପାଖି ୫ଟା ସମୟରେ ଫରଜାନା ଚିକ୍ରାର କରିଥିଲେ । ଏବଂ ତାଙ୍କ ଝିଅକୁ କିଏ ଚୋରୀ କରିନେଇଛି ବୋଲି କାନ୍ଦିକାନ୍ଦି କହିଥିଲେ । ହସ୍ପିଟାଲ ପକ୍ଷରୁ ତୁରନ୍ତ ପୁଲିସକୁ ଖବର ଦିଆଯିବା ପରେ ପୁଲିସ ଆସି ଛାନବିନ୍ କରିଥିଲା । ସିସିଟିଭି ଯାଞ୍ଚ କରିବା ପରେ ଜଣାପଡିଥିଲା ଖୋଦ୍ ଫରଜାନା ହିଁ ଝିଅକୁ ଫିଙ୍ଗି ହତ୍ୟା କରିଛନ୍ତି । ପୁଲିସର ଜେରା ସମୟରେ ସବୁ ସତକଥା କହି କାନ୍ଦିଥିଲେ ଫରଜାନା ।