ବିହାର ଗୟାରେ ମୃତ ଝିଅ ମୁହଁରେ ନିଆଁ ଦେଲା ମାଆ। ଶ୍ୱଶର ଘର ହତ୍ୟା କରିଥିବା ଅଭିଯୋଗ।
କନକ ବ୍ୟୁରୋ: ଝିଅକୁ ମୁଖାଗ୍ନି ଦେଲା ମାଆ । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟା ସତ । ବିହାରର ଗୟାରେ କିଛି ଏଭଳି ଘଟଣା ସାମ୍ନାକୁ ଆସିଛି । ପ୍ରଥମ ଥର ଏଭଳି ହୋଇଛି ଯେତେବେଳେ ଜଣେ ମାଆ ନିଜ ଝିଅର ହତ୍ୟା ପରେ ତାର ଅନ୍ତିମ ସଂସ୍କାର କରିଛନ୍ତି । ଗୟାର ବିଷ୍ଣୁପଦ ଶ୍ମଶାନ ଘାଟରେ ଜଣେ ମାଆ ନିଜ ଝିଅକୁ ମୁଖାଗ୍ନି ଦେଇଛନ୍ତି । ଏଦୃଶ୍ୟ ଦେଖିବା ପରେ ଲୋକେ ଭାବବିହ୍ୱଳ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଷ୍ଣୁପଦ ଥାନା ଅଞ୍ଚଳର ଚାନ୍ଦ ଚୌରା ନିବାସୀ ହେମନ୍ତ ଚୌଧୁରୀଙ୍କ ପତ୍ନୀ ସପ୍ନା କୁମାରୀଙ୍କ ଗୁରୁବାର ଦେହାନ୍ତ ହୋଇଥିଲା । ପୋଷ୍ଟମର୍ଟମ ପରେ ଶବଦାହ ସଂସ୍କାର ପାଇଁ ମାଆ ଘର ଏବଂ ଶ୍ୱଶୁର ଘର ମଧ୍ୟରେ ବିବାଦ ଆରମ୍ଭ ହୋଇଥିଲା । ତେବେ ଶୁକ୍ରବାର ସ୍ଥାନୀୟ ଲୋକଙ୍କ ହସ୍ତକ୍ଷେପ ପରେ ମାଆଘର ଲୋକ ଦାହ ସଂସ୍କାର କରିଥିଲେ । ତେବେ ସପ୍ନାଙ୍କ ମାଆ ସାବିତ୍ରୀ ଦେବୀ ନିଜ ଝିଅ ମୁହଁରେ ମୁଖାଗ୍ନି ଦେଇଛନ୍ତି ।
ନବାଗଢି ଅଞ୍ଚଳର ବିଷ୍ଣୁ ଉପାଧ୍ୟାୟଙ୍କ ଝିଅ ସପ୍ନା ୬ ବର୍ଷ ତଳେ ବିବାହ କରିଥିଲୋ ଚାନ୍ଦ ଚୌରା ଅଞ୍ଚଳର ହେମନ୍ତ ଚୌଧୁରୀଙ୍କୁ ସେ ବିବାହ କରିଥିଲେ । ପତି-ପତ୍ନୀଙ୍କ ମଧ୍ୟରେ ଗତ ଦୁଇ ବର୍ଷ ଧରି ବିବାଦ ଜାରି ରହିଥିଲା । ତେବେ ଗୁରୁବାର ସପ୍ନାଙ୍କ ସନ୍ଦିଗ୍ଧ ଅବସ୍ଥାରେ ମୃତ୍ୟୁ ହୋଇଥିଲା । ତାଙ୍କ ବେକ ସହ ଅନ୍ୟ ସ୍ଥାନରେ କ୍ଷତଚିହ୍ନ ଦେଖିବାକୁ ମିଳିଥିଲା । ଏହି ଘଟଣାରେ ମୃତକଙ୍କ ମାଆ ସାବିତ୍ରୀ ଦେବୀ ବିଷ୍ଣୁପଦ ଥାନାରେ ମାମଲା ରୁଜୁ କରିଛନ୍ତି । ମୃତକଙ୍କ ସ୍ୱାମୀ ହେମନ୍ତ ତାଙ୍କ ଭଉଣୀ କାରୋ ଦେବୀଙ୍କୁ ମୁଖ୍ୟ ଅଭିଯୁକ୍ତ ଦର୍ଶାଯାଇଛି । ସେମାନଙ୍କ ବିରୋଧରେ ହତ୍ୟାର ଅଭିଯୋଗ ଲାଗିଛି । ପୋଲିସ ହେମନ୍ତଙ୍କୁ ଗିରଫ କରି ତଦନ୍ତ ଜାରିରଖିଛି ।