କନକ ବ୍ୟୁରୋ: ସ୍ତ୍ରୀର ମାନ୍ୟତା ଦାବିରେ ଶାଶୁଘର ଆଗରେ ମହିଳାଙ୍କ ଧାରଣା । ବୋହୂକୁ ଘରେ ରଖିବା ତ ଦୂରର କଥା ଦୁଆର ମୁହଁରେ ବସିବାକୁ ଦେଉନାହାନ୍ତି ଶାଶୂ । କିଭଳି ଘର ଆଗର ବୋହୂ ଧାରଣାରେ ନବସିବେ ସେଥିପାଇଁ ଶାଶୂ ଗୋବର ପକାଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କଟକ କାନପୁର ଥାନା ଅନ୍ତର୍ଗତ ଏକଡାଳ ଗାଁର ଅନ୍ତର୍ଯ୍ୟାମୀ ରାଉତଙ୍କୁ ବିବାହ କରିଥିଲେ ବଡ଼ମ୍ବା ମୁଗବହୀର ଗାଁର ଲକ୍ଷ୍ମୀପ୍ରଭା ଚୌଧୁରୀ । ଦୁହେଁ କୋର୍ଟ ମ୍ୟାରେଜ କରିବା ପରେ ମନ୍ଦିରରେ ବିବାହ କରିଥିଲେ । ଏହାପରେ ଅନ୍ତର୍ଯ୍ୟାମୀଙ୍କ ପରିବାର ଲୋକ ବୋହୁର ମାନ୍ୟତା ଦେଇ ତାଙ୍କୁ ଘରେ ରଖିଥିଲେ । କିଛି ବର୍ଷ ଶାଶୁ ଘରେ ରହିବା ପରେ ପାରିବାରିକ ବିବାଦକୁ ନେଇ ଲକ୍ଷ୍ମୀପ୍ରଭାଙ୍କୁ ଶାଶୂ ଘରୁ ବାହାର କରିଦେଇଥିବା ଅଭିଯୋଗ ହୋଇଛି ।
୩ବର୍ଷ ହେଲା ବୋହୂକୁ ଘରୁ ବାହାର କରିଦେବା ପରେ ଏନେଇ କାନପୁର ଥାନା ଓ ପରେ କୋର୍ଟଙ୍କ ଆଶ୍ରୟ ନେଇଥିଲେ ଲକ୍ଷ୍ମୀପ୍ରଭା । ଏଥିରେ କୌଣସି ନିର୍ଯାସ ନବାହାରିବାରୁ କିଛି ଦିନ ହେଲା ଶାଶୂଘର ସାମ୍ନାର ଧାରଣାରେ ବସିଛି ବୋହୂ । ଆଉ ଘର ଆଗରେ ନବସିବା ପାଇଁ ଗୋବର ପକାଇଦେଇଛନ୍ତି ଶାଶୂ । ମଝିରେ ମଝିରେ ମାନସିକ ନର୍ଯାତନା ଦେଉଥିବା ଅଭିଯୋଗ କରିଛନ୍ତି ମହିଳାଙ୍କ ପରିବାର ।