ଦିଲ୍ଲୀ ରାଓଜ ଏଭିନ୍ୟୁ କୋର୍ଟରେ ଜାମିନ ଆବେଦନ କଲେ ସିସୋଦିଆ, ଆସନ୍ତା କାଲି କୋର୍ଟ କରିବେ ଶୁଣାଣି
କନକ ବ୍ୟୁରୋ : ଦିଲ୍ଲୀ ସରକାରରେ ଉପ ମୁଖ୍ୟମନ୍ତ୍ରୀ ଥିବା ମନୀଷ ସିସୋଦିଆ ଦିଲ୍ଲୀର ରାଓଜ ଏଭିନ୍ୟୁ କୋର୍ଟରେ ଜାମିନ ଆବେଦନ ଫାଇଲ କରିଛନ୍ତି । ସିସୋଦିଆ ସୁପ୍ରିମକୋର୍ଟଙ୍କୁ ପରାମର୍ଶ କ୍ରମେ ତଳକୋର୍ଟରେ ନିଜର ଜାମିନ ଆବେଦନ କରିଛନ୍ତି । ଏନେଇ ଆସନ୍ତାକାଲି କୋର୍ଟ ଶୁଣାଣି କରିବେ । ସେପଟେ ଶନିବାର ଦିନିଆ ସିବିଆଇ ରିମାଣ୍ଡ ଶେଷ ହେବାକୁ ଯାଉଛି । ଏଣୁ ଶନିବାର ଦିନ କୋର୍ଟରେ ସିସୋଦିଆଙ୍କ ହାଜର କରିବ ସିବିଆଇ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏହା ପୂର୍ବରୁ ସିସୋଦିଆଙ୍କ ଜାମିନ ଆବେଦନ ଉପରେ ଶୁଣାଣି କରିବାକୁ ସୁପ୍ରିମକୋର୍ଟ ମନା କରିଦେଇଥିଲେ । ଏହାସହ କୋର୍ଟ ପରାମର୍ଶ ଦେଇଥିଲେ କି ଜାମିନ ପାଇଁ ଦିଲ୍ଲୀ ହାଇକୋର୍ଟରେ ଆବେଦନ କରିବାକୁ ପଡିବ । ସୂଚନା ଥାଉକି ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ସିସୋଦିଆଙ୍କୁ ଫେବୃଆରୀ ୨୬ ତାରିଖରେ ଗିରଫ କରିଥିଲା । ଫେବୃଆରୀ ୨୬ ତାରିଖରେ ସିବିଆଇ ପ୍ରଥମେ ସିସୋଦିଆଙ୍କୁ ୮ଘଣ୍ଟା ଧରି ଜେରା କରିବା ପରେ ଗିରଫ କରିଥିଲା । ଏହାପରେ ଫେବୃଆରୀ ୨୭ ତାରିଖରେ ତାଙ୍କୁ ରାଓଜ ଏଭିନ୍ୟୁ କୋର୍ଟରେ ହାଜର କରି କୋର୍ଟଙ୍କ ଠାରୁ ୫ଦିନିଆ ରିମାଣ୍ଡ ପାଇଁ ଅନୁମତି ନେଇଥିଲା ସିବିଆଇ ।
Delhi | AAP’s Manish Sisodia files bail plea in Rouse Avenue Court today. Hearing may takes place tomorrow, 4th March. Manish Sisodia is presently on CBI remand. He was recently arrested by CBI in Excise Policy scam case.
(File photo) pic.twitter.com/zTbvIqbYkG
— ANI (@ANI) March 3, 2023
ଏସବୁ ଭିତରେ ଫେବୃଆରୀ ୨୮ ତାରିଖରେ ମନୀଷ ସିସୋଦିଆ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ । କେବଳ ମନୀଷ ସିସୋଦିଆ ନୁହଁନ୍ତି ଦୀର୍ଘଦିନ ହେବ ଜେଲରେ ଥିବା କେଜ୍ରିୱାଲ ସରକାରଙ୍କ ଜେଲମନ୍ତ୍ରୀ ସତ୍ୟେନ୍ଦ୍ର ଜୈନ ମଧ୍ୟ ସମାନ ଦିନରେ ମନ୍ତ୍ରୀପଦରୁ ଇସ୍ତଫା ଦେଇଥିଲେ । ଏହି ଦୁଇମନ୍ତ୍ରୀଙ୍କ ଇସ୍ତଫା ପରେ କେଜ୍ରିୱାଲ ସରକାର ସୌରଭ ଭରଦ୍ୱାଜ ଓ ଅତଶୀ ମାରଲିନାଙ୍କୁ ମନ୍ତ୍ରୀମଣ୍ଡଳରେ ସାମିଲ କରିଛନ୍ତି ।