ପଳାତକ ମାଲ୍ୟାଙ୍କୁ ସୁପ୍ରିମକୋର୍ଟରୁ ବଡ ଝଟକା, ସମ୍ପତ୍ତି ଜବତ କରିବାକୁ ନିର୍ଦ୍ଦେଶ ଦେଲେ କୋର୍ଟ।
କନକ ବ୍ୟୁରୋ: ଦେଶରୁ ପଳାୟନ କରିଥିବା ବିଜୟ ମାଲ୍ୟାଙ୍କୁ ସୁପ୍ରିମକୋର୍ଟରୁ ବଡ ଝଟକା ମିଳିଛି । ତାଙ୍କ ସମ୍ପତ୍ତି ଜବତ କରିବା ପାଇଁ ମୁମ୍ବାଇର ଏକ ଅଦାଲତ ଫଇସଲା ଶୁଣାଇଥିଲେ । ମାଲ୍ୟା ଏହା ବିରୋଧରେ ସୁପ୍ରିମକୋର୍ଟରେ ଆବେଦନ କରିଥିଲେ । ତେବେ ତାଙ୍କୁ ସେଠାରୁ କୌଣସି ପ୍ରକାରର ଆଶ୍ୱସ୍ଥି ମିଳିପାରିନାହିଁ । ଅର୍ଥାତ ତାଙ୍କ ସମ୍ପତ୍ତି ଜବତ କରିବାର ରାସ୍ତା ଆହୁରି ସଫା ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟ ବିଜୟ ମାଲ୍ୟାଙ୍କ ସେହି ଆବେଦନକୁ ଖାରଜ କରିଦେଇଛନ୍ତି ଯେଉଁଥିରେ ମୁମ୍ବାଇର ଏକ ଅଦାଲତ ମାଲ୍ୟାଙ୍କୁ ପଳାତକ ଏବଂ ଆର୍ଥିକ ଅପରାଧୀ ଘୋଷିତ କରିଥିଲେ । ଏହା ଛଡା ତାଙ୍କର ସମ୍ପତ୍ତି ଜବତ କରିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ । ମାଲ୍ୟାଙ୍କୁ ଗୋଟିଏ ସମୟରେ ଦୁଇ ଦୁଇଟି ଝଟକା ମିଳିଛି । ଗୋଟିଏ ପଟରେ ସେ ଆର୍ଥିକ ଅପରାଧୀ ଘୋଷିତ ହୋଇସାରିଛନ୍ତି ତ ଅନ୍ୟପଟେ ତାଙ୍କ ସମ୍ପତ୍ତି ଜବତ ହେବାର ରାସ୍ତା ପରିଷ୍କାର ହୋଇଛି ।
ଶୁଣାଣି ସମୟରେ ସୁପ୍ରିମକୋର୍ଟରେ ମାଲ୍ୟାଙ୍କ ଓକିଲ ଦାବି କରିଥିଲେ ଯେ ତାଙ୍କ ମହକିଲଙ୍କ ତରଫରୁ ତାଙ୍କୁ କୌଣସି ସୂଚନା ମିଳିପାରୁନାହିଁ । ସେ ନିଜେ ଅନ୍ଧାରରେ ଅଛନ୍ତି । ତେଣୁ ଏହି ମାମଲାରେ ମାଲ୍ୟାଙ୍କୁ ଝଟକା ମିଳିବା ସାଧାରଣ କଥା । ତାଙ୍କ ପକ୍ଷରୁ ଲଢୁଥିବା ଓକିଲ ନିଜେ ଏହି ପ୍ରସଙ୍ଗରେ ସଠିକ ଭାବେ ଅବଗତ ନାହାନ୍ତି । ଏହା ପ୍ରଥମ ଥର ନୁହେଁ ଯେତେବେଳେ ମାଲ୍ୟାଙ୍କ ଓକିଲ ଅନ୍ଧାରରେ ବାଡି ବୁଲାଉଛନ୍ତି ପୂର୍ବରୁ ମଧ୍ୟ ଏହି ସ୍ଥିତି ଦେଖାଦେଇଛି । କୋର୍ଟ ବର୍ତ୍ତମାନ ମାଲ୍ୟାଙ୍କୁ ଜୋରଦାର ଝଟକା ଦେଇଛନ୍ତି ।