କନକ ବ୍ୟୁରୋ : ଆଜି ଠାରୁ ରାଜଧାନୀରେ ଆରମ୍ଭ ହେବାକୁ ଯାଉଛି ବ୍ୟବସାୟିକ ସମାବେଶ ମେକ ଇନ ଓଡିଶା । ବଡ ବଡ କଂପାନୀର କାର୍ଯ୍ୟନିର୍ବାହୀଙ୍କ ସମେତ ପୁଂଜିପତିଙ୍କ ହେବ ସମାଗମ । ଓଡିଶାରେ ଆରମ୍ଭ ହେବ ଶିଳ୍ପାୟନର ଆଉ ଏକ ଯୁଗ । ଦେଶର ପ୍ରାୟ ୩ଶହ କଂପାନୀ ଏହି କାର୍ଯ୍ୟକ୍ରମରେ ସାମିଲ ହେଉଥିବା ବେଳେ ହଜାରେରୁ ଅଧିକ ପ୍ରତିନିଧିଙ୍କୁ ସ୍ୱାଗତ କରିବାକୁ ରାଜ୍ୟ ସରକାର ମଧ୍ୟ ପ୍ରସ୍ତୁତ ।
Kanak News is now on WhatsApp
Join and get latest news updates delivered to you via WhatsApp
ତିନି ଦିନ ଧରି ଜନତା ମଇଦାନରେ ହେବାକୁ ଥିବା ଏହି କାର୍ଯ୍ୟକ୍ରମରେ ଦେଶ ବିଦେଶର ବ୍ୟବସାୟିକ ଉଦ୍ୟୋଗର ବଡ ବଡ ବ୍ୟକ୍ତି ଯୋଗ ଦେବେ । ବ୍ୟବସାୟ କରିବାରେ ନିଜର ଅନୁଭୁତି ତଥା ଉତଥାନ ଓ ପତନର କଥା ନୂଆ ନିବେଶକଙ୍କୁ କହିବେ ବିଜନେସ ଟାଇକୁନ୍ । ଆଦିତ୍ୟ ବିର୍ଲା ଗ୍ରୁପର କୁମାର ମଂଗଲମ୍, ଲାର୍ସେନ ଆଣ୍ଡ ଟର୍ବୋର ଏ.ଏମ୍ ନାଏକ୍, ଷ୍ଟେଟବ୍ୟାଙ୍କର ଅଧ୍ୟକ୍ଷା ଅରୁନ୍ଧତୀ ଭଟାଚାର୍ଯ୍ୟ,ପ୍ରମୁଖ ଯୋଗ ଦେବେ ।
ସେହିପରି ଆଦାନୀ ଗ୍ରୁପର ଗୈାତମ ଆଦାନୀ,କୋକାକୋଲା କଂପାନୀର ମୁଖ୍ୟ ଟି କ୍ରିଷ୍ଣାକୁମାର, ଆଇଟିସିର ସଂଜୀବ ପୁରୀ,ଭିଡିଓକନର ଭେନୁଗୋପାଳ ଧୁତ ପ୍ରମୁଖ ଯୋଗ ଦେଇ ନୁତନ ବ୍ୟବସାୟ କରୁଥିବା ଯୁବପିଢୀଙ୍କୁ ଦେବେ ବ୍ୟବସାୟର ମନ୍ତ୍ର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି କାର୍ଯ୍ୟକ୍ରମକୁ ଉଦଘାଟନ କରିବେ । ଡିସେମ୍ବର ୧ ତାରିଖରେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ଏଥିରେ ସାମିଲ ହେବେ । କାର୍ଯ୍ୟକ୍ରମକୁ ସଫଳ କରିବା ପାଇଁ ରାଜ୍ୟ ସରକାର ପୁରା ଦମରେ ଲାଗି ପଡିଛନ୍ତି । ପୁର୍ବରୁ ଦେଶର ବଡବଡ ସହରରେ ମେକ ଇନ ଓଡିଶାର ପ୍ରଚାର ପ୍ରସାର କରିଛନ୍ତି ରାଜ୍ୟ ସରକାର ।
ଦେଖନ୍ତୁ ଏହି ଭିଡିଓ –