ମହାରାଷ୍ଟ୍ର କ୍ୟାବିନେଟର ହେଲା ସଂପ୍ରସାରଣ, ଜାଣନ୍ତୁ କାହାକୁ ମିଳିଲା କେତେ ମନ୍ତ୍ରୀପଦ
କନକ ବ୍ୟୁରୋ : ସରକାର ଗଠନର ଦୀର୍ଘ ୧ମାସ ପରେ ମହାରାଷ୍ଟ୍ରରେ ସିନ୍ଦେ ସରକାର ଆଜି କ୍ୟାବିନେଟ ସଂପ୍ରସାରଣ କରିଛନ୍ତି । ଏହି କ୍ରମରେ ଆଜି ସିନ୍ଦେ ସରକାରରେ ୧୮ ଜଣ ମନ୍ତ୍ରୀ ଶପଥ ନେଇଛନ୍ତି । ସୂଚନା ମୁତାବକ ଏହି ୧୮ ଜଣମନ୍ତ୍ରୀଙ୍କ ମଧ୍ୟରୁ ୯ ଜଣ ବିଜେପିରୁ ଓ ଅନ୍ୟ ୯ ଜଣ ସିନ୍ଦେ ଗ୍ରୁପର ବୋଲି ଜଣାପଡିଛି । ଏହାକୁ ମିଶାଇ ମହାରାଷ୍ଟ୍ର ସରକାରରେ ମନ୍ତ୍ରୀଙ୍କ ସଂଖ୍ୟା ୨୦ ରେ ପହଂଚିଛି । କହିରଖୁ କି ଏକ ନାଟକୀୟ ଢଙ୍ଗରେ ଶିବସେନା ବିଦ୍ରୋହୀ ସିନ୍ଦେ ଗ୍ରୁପ ଓ ବିଜେପି ମିଳିତ ଭାବେ ଜୁନ ୩୦ ତାରିଖରେ ମହାରାଷ୍ଟ୍ରର ମହାବିକାଶ ଅଘାଡି ସରକାରକୁ ଭାଙ୍ଗି ସରକାର ଗଠନ କରିଥିଲେ । ଏଥିରେ କେବଳ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ଓ ଦେବେନ୍ଦ୍ର ଫଡନର୍ଭିସ ଉପ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ସରକାର ଗଠନର ପାଖାପାଖି ୪୦ ଦିନ ପର୍ଯ୍ୟନ୍ତ କାହିଁକି ମନ୍ତ୍ରୀମଣ୍ଡଳ ସଂପ୍ରସାରଣ ହୋଇପାରୁ ନଥିଲା ତାହାକୁ ନେଇ ଚର୍ଚ୍ଚା ଜୋର ଧରିଥିଲା । ହେଲେ ମୁଖ୍ୟମନ୍ତ୍ରୀ ସିନ୍ଦେ କହିଥିଲେ କି ମନ୍ତ୍ରୀମଣ୍ଡଳ ସଂପ୍ରସାରଣ ନେଇ ସରକାରୀ କାର୍ଯ୍ୟରେ କୌଣସି ଅସୁବିଧା ହେଉ ନଥିବାରୁ ମନ୍ତ୍ରୀମଣ୍ଡଳ ସଂପ୍ରସାରଣ ଉପରେ ନଜର ଦିଆଯାଇ ନଥିଲା ।
#MaharashtraCabinet | Nine BJP leaders and nine Shiv Sena leaders to take oath today in the state cabinet expansion, in Mumbai pic.twitter.com/XG09h7cMQ8
— ANI (@ANI) August 9, 2022
ସେପଟେ ମନ୍ତ୍ରୀମଣ୍ଡଳ ସଂପ୍ରସାରଣ ପରେ ପ୍ରକୃତ ଶିବସେନାର ମାଲିକାନା କାହାପାଖରେ ରହିବ ତାକୁ ନେଇ ଏବେ ବି ଆଇନଗତ ଲଢେଇ ଜାରି ରହିଛି । ଏନେଇ ସୋମବାର ଦିନ ନିର୍ବାଚନ ଆୟୋଗଙ୍କ ନିକଟରେ ଉଭୟ ଉଦ୍ଧବ ଠାକରେ ଗ୍ରୁପ ଓ ଏକନାଥ ସିନ୍ଦେ ଗ୍ରୁପ କିଛି ଦସ୍ତାବିଜ ଜମା କରିବାକୁ ଥିବା ବେଳେ ସୋମବାର ଦିନ କେବଳ ଏକନାଥ ସିନ୍ଦେଙ୍କ ତରଫରୁ ଦସ୍ତାବିଜ ଜମା କରାଯାଇଛି ।