କନକ ବ୍ୟୁରୋ : ୨୦୨୪ ଲୋକସଭା ନିର୍ବାଚନ ପୂର୍ବରୁ ବିରୋଧୀଦଳମାନେ ଏକଜୁଟ ହେବାକୁ ପ୍ରୟାସ ଆରମ୍ଭ କରିଛନ୍ତି । ସମସ୍ତ ବିରୋଧୀଦଳଙ୍କୁ ଏକାଠି କରିବାକୁ ଏବେ କଂଗ୍ରେସ ଅଣ୍ଟା ଭିଡିଛି । ଏନେଇ ରାଜ୍ୟସଭା ସାଂସଦ ତଥା ବରିଷ୍ଠ ଓକିିଲ କପିଲ ଶିବଲ ଏକ ନୂଆ ମଞ୍ଚ ଘୋଷଣା କରିବେ ବୋଲି ଜଣାପଡିଛି । ଅନୁମାନ କରାଯାଉଛି କି କପିଲ ଶିବଲ ବିରୋଧୀ ନେତାଙ୍କ ସଂପର୍କରେ ରହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏକ ସାମ୍ବାଦିକ ସମ୍ମିଳନୀ କରି ଶିବଲ କହିଛନ୍ତି କି, ଶିବଲ କହିଛନ୍ତି କି, ଏବେ ଜନତାଙ୍କୁ ସଚେତନ କରିବାର ସମୟ ଆସିଯାଇଛି । ଏହାସହ ଦେଶରେ ଚାଲିଥିବା ଅନ୍ୟାୟ ବିରୋଧରେ ଲଢେଇ କରିବାକୁ ଶିବଲ ବିଭିନ୍ନ ରାଜ୍ୟରେ ଥିବା ଅଣ ବିଜେପି ମୁଖ୍ୟମନ୍ତ୍ରୀ ଓ ନେତାଙ୍କ ସହାୟତା ଲୋଡିଛନ୍ତି । ଏମାନଙ୍କୁ ନେଇ ଏକ ରାଷ୍ଟ୍ରୀୟ ଆନ୍ଦୋଳନ କରିବାକୁ କହିଛନ୍ତି ଶିବଲ । ସେ କହିଛନ୍ତି କି, ମାର୍ଚ୍ଚ ୧୧ ତାରିଖରେ ଦିଲ୍ଲୀର ଜନ୍ତରମନ୍ତର ଠାରେ ଏକ ବଡ କାର୍ଯ୍ୟକ୍ରମର ଆୟୋଜନ କରାଯାଉଛି । ଏହି କାର୍ଯ୍ୟକ୍ରମକୁ ସମସ୍ତ ବିରୋଧୀଦଳ ନେତାଙ୍କୁ ନିମନ୍ତ୍ରଣ କରାଯାଇଥିବା କଥା ସେ କହିଛନ୍ତି ।
ସେ ପ୍ରଧାନମନ୍ତ୍ରୀ ମୋଦୀଙ୍କର ମଧ୍ୟ ପ୍ରଶଂସା କରିଛନ୍ତି । ସେ କହିଛନ୍ତି କି ପ୍ରଧାନମନ୍ତ୍ରୀ ମୋଦୀଙ୍କ ସବୁ କାମ ଖରାପ ବୋଲି କୁହାଯାଇପାରିବ ନାହିଁ । ସେ ବିଜେପି ସରକାରର ଡିଜିଟାଲାଇଜେସନ ଓ ପ୍ରଧାନମନ୍ତ୍ରୀ ଆବାସ ଯୋଜନାକୁ ପ୍ରଶଂସା କରିଛନ୍ତି ।
ସାମ୍ବାଦିକ ସମ୍ମିଳନୀରେ ଶିବଲ କହିଛନ୍ତି କି, ସେ ମୋଦୀଙ୍କୁ ବିରୋଧ କରିବାକୁ ଏଠି ବସି ନାହାଁନ୍ତି । ହେଲେ ମାର୍ଚ୍ଚ ୧୧ ତାରିଖରେ ନିଜର ଏଜେଣ୍ଡା ସମସ୍ତଙ୍କ ସାମ୍ନାରେ ରଖିବେ ବୋଲି କହିଛନ୍ତି । ମୋଦୀଙ୍କୁ ବିରୋଧ କରିବା ନୁହେଁ ବରଂ ମୋଦୀଙ୍କ ଭୁଲ କାମକୁ ସୁଧାରିବାକୁ ସେ ସମସ୍ତ ବିରୋଧୀଦଳ ମୁଖ୍ୟମନ୍ତ୍ରୀ ଓ ନେତାଙ୍କ ସହାୟତା ମାଗିଛନ୍ତି ।