କନକ ବ୍ୟୁରୋ : ପେଗାମ୍ବର ମହମ୍ମଦଙ୍କ ଉପରେ ବିଜେପି ନେତାଙ୍କ ବିବାଦୀୟ ଟିପ୍ପଣୀ ମାମଲା ଥମିବାର ନାଁ ନେଉନି । ଦେଶରେ ବିରୋଧୀ ଦଳ ଏହାକୁ ବିରୋଧ କରୁଥିବା ବେଳେ ଏବେ ବିଦେଶରେ ବି ଏହି ବୟାନକୁ ନେଇ ବିରୋଧ ଆରମ୍ଭ ହୋଇଯାଇଛି । କୁଏତର ଏକ ସୁପର ମାର୍କେଟରୁ ଭାରତୀୟ ସାମଗ୍ରୀ ହଟାଯାଉଥିବାର ଚିତ୍ର ଏବେ ଘଟଣାକୁ ନୂଆ ମୋଡ ଦେଇଛି । ବିଜେପିର ପ୍ରବକ୍ତା ଥିବା ନୁପୂୂର ଶର୍ମା ଏକ ଟିଭି ଡିବେଟରେ ମହମ୍ମଦ ପେଗାମ୍ବରଙ୍କ ଉପରେ କିଛି ବିବାଦୀୟ ଟିପ୍ପଣୀ ଦେଇଥିଲେ । ଏହାକୁ ନେଇ କିଛି ଦକ୍ଷୀଣ ଦେଶ ଭାରତୀୟ ଦୂତାବାସକୁ ନୋଟିସ ଜାରି କରିବା ସହ କୁଏତର ଏକ ସୁପର ମାର୍କେଟରୁ ଭାରତୀୟ ସାମଗ୍ରୀ ହଟାଇ ଦିଆଯାଉଥିବା ଦେଖିବାକୁ ମିଳିଛି । ଏହି କ୍ରମରେ ସାଉଦି ଆରବ, କତର ଓ ପଶ୍ଚିମର ଅନ୍ୟ କିଛି ଦେଶ ସହ ମିଶର ସ୍ଥିତ ଅଜହର ୟୁନିଭରସିଟି ତରଫରୁ ଏଭଳି ବୟାନକୁ କଡା ଭାଷାରେ ନିନ୍ଦା କରାଯାଇଛି । ସେପଟେ ଏଭଳି ବୟାନ ଦେଇଥିବା ବିଜେପିର ପୂର୍ବତନ ପ୍ରବକ୍ତା ନୁପୂର ଶର୍ମା ଓ ନବୀନ କୁମାରଙ୍କୁ ଦଳ ବହିସ୍କାର କରିଛି ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ସୁପର ମାର୍କେଟରୁ ଭାରତୀୟ ସାମଗ୍ରୀ ହଟାଯାଇଛି ତାର ମୁଖ୍ୟ କାର୍ଯ୍ୟକାରୀ ଅଧିକାରୀ ନସୀର ଅଲ ମୁତାବହରୀ ଏକ ଅନ୍ତର୍ଜାତୀୟ ଗଣମାଧ୍ୟମକୁ କହିଛନ୍ତି କି କୁଏତ ମୁସିଲିମ ଭାବେ ଆମେ କେବେ ବି ପେଗାମ୍ବରଙ୍କ ଅପମାନ ସହ୍ୟ କରିପାରିବୁ ନାହିଁ ।
ସେପଟେ ଭାରତ ସରକାର ଏଭଳି ଟିପ୍ପଣୀକୁ ଅନୁଚିତ ଓ ସଙ୍କିର୍ଣ୍ଣ ମାନସିକତା ବୋଲି କହିଛି । ବିଦେଶ ମନ୍ତ୍ରଣାଳୟର ଅଧିକାରୀ ପ୍ରବକ୍ତା ଅରିନ୍ଦମ୍ ବାଗଚୀ କହିଛନ୍ତି ଭାରତ ସବୁ ଧର୍ମପ୍ରତି ସମାନ ସମ୍ମାନ ପ୍ରଦାନ କରିଥାଏ । ସେ କହିଛନ୍ତି କି କିଛି ବ୍ୟକ୍ତିଙ୍କ ଦ୍ୱାରା ଏକ ପୂଜନୀୟ ବ୍ୟକ୍ତିଙ୍କ ବିରୋଧରେ ଏଭଳି ଟିପ୍ପଣୀ ଦିଆଯାଇଛି ଯାହାକି ଭାରତ ସରକାରଙ୍କ ବିଚାରଧାରାର ବିରୋଧ ।