ବେସରକାରୀ ଚାକିରି, ସରକାରୀ ଦଲାଲ ମାମଲା : କନକ ନ୍ୟୁଜରେ ଖବର ପ୍ରସାରଣ ପରେ କାର୍ଯ୍ୟାନୁଷ୍ଠାନ; ଫାର୍ମାସିଷ୍ଟ ଓ ଷ୍ଟାଫ ନର୍ସ ନିଲମ୍ବିତ
କନକ ବ୍ୟୁରୋ : କନକ ନ୍ୟୁଜର ପ୍ରଭାବ । ମାଲକାନଗିରି ଜିଲ୍ଲାରେ ବେସରକାରୀ ଚାକିରି ଓ ସରକାରୀ ଦଲାଲ ମାମଲାରେ ନିଲମ୍ବିତ ହେଲେ ସରକାରୀ ଫାର୍ମାସିଷ୍ଟ ମାନସ ବାରିକ ଓ ଷ୍ଟାଫ ନର୍ସ ହିରାମଣୀ ହଂସ । ବିଳମ୍ବରେ ହେଲେ ମଧ୍ୟ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ମାଲକାନଗିରି ସିଡିଏମଓ ଦୁଇ ସରକାରୀ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପରବର୍ତ୍ତୀ ଆଦେଶ ଯାଏଁ ମାନସ ବାରିକଙ୍କୁ ଖଇରପୁଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଆଟାଚ କରାଯାଇଯାଇଥିବା ବେଳେ ହିରାମଣିଙ୍କୁ ଚିତ୍ରକୋଣ୍ଡା ସବଡିଭିଜନାଲ ହସ୍ପିଟାଲ ସହ ଆଟାଚ କରାଯାଇଛି । ମାନସ ବାରିକ ଫୋନ୍ ଯୋଗେ ପିଲାଙ୍କ ସହ ଡିଲ୍ କରୁଥିବା ବେଳେ ହିରାମଣି ନିଜ ବ୍ୟାଙ୍କ ଆକାଉଣ୍ଟରେ ଚାକିରି ପାଇଁ ପିଲାଙ୍କ ଠାରୁ ଟଙ୍କା ନେଇଥିବା କନକ ନ୍ୟୁଜରେ ଖବର ପ୍ରସାରଣ ହୋଇଥିଲା । ତେବେ ଏହି ଲାଞ୍ଚ କାରବାର ମାମଲାରେ ବଡବଡିଆଙ୍କ ବିରୋଧରେ କେବେ କାର୍ଯ୍ୟାନୁଷ୍ଠାନ ହେବ, ତାକୁ ନେଇ ବିଭିନ୍ନ ମହଲରେ ଦାବି ଜୋର ଧରିଛି ।