କନକ ବ୍ୟୁରୋ: ଦେଶରେ ପ୍ରଥମ ଥର ପାଇଁ ବାଚସ୍ପତି ପଦ ପାଇଁ ହେବ ନିର୍ବାଚନ । ବାଚସ୍ପତି ନିର୍ବାଚନ ପାଇଁ ପ୍ରାର୍ଥୀ ଦେଲା ଇଣ୍ଡିଆ ମେଣ୍ଟ । ସାଂସଦ କେ ସୁରେଶଙ୍କୁ ବିରୋଧୀ ଦଳର ବାଚସ୍ପତି ପ୍ରାର୍ଥୀ କରାଯାଇଛି । ଦୁଇ ନେତା ବାଚସ୍ପତି ପଦ ପାଇଁ ପ୍ରାର୍ଥୀପତ୍ର ଦାଖଲ କରିଥିବା ଜଣାପଡିଛି । ତେଣୁ ଆସନ୍ତାକାଲି ଦିନ ୧୧ଟାରେ ବାଚସ୍ପତି ପଦ ପାଇଁ ଭୋଟ୍ ପଡିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ଏନଡିଏ ମେଣ୍ଟ ବିଜେପି ସାଂସଦ ତଥା ପୂର୍ବତନ ବାଚସ୍ପତି ଓମ୍ ବିର୍ଲାଙ୍କୁ ପୁଣିଥରେ ଲୋକସଭା ବାଚସ୍ପତି ପଦ ପାଇଁ ପ୍ରାର୍ଥୀ କରିଛି । ଆଉ ବିରୋଧୀ ମେଣ୍ଟ ତାଙ୍କୁ ଟକ୍କର ଦେବା ପାଇଁ କେ ସୁରେଶଙ୍କୁ ମୈଦାନକୁ ଉତାରିଛି ।
ତେବେ ଶାସକ ଓ ବିରୋଧୀଙ୍କ ଭିତରେ ବାଚସ୍ପତି ନିର୍ବାଚନକୁ ନେଇ ଟଣାଓଟରା ଲାଗିରହିଥିଲା । ଆଜି ସକାଳୁ କଂଗ୍ରେସ ସାଂସଦ ରାହୁଲ ଗାନ୍ଧୀ କହିଥିଲେ ଯେ, ରାଜନାଥ ସିଂହଙ୍କ କଲ୍ ଖଡଗେ ଜୀଙ୍କ ପାଖକୁ ଆସିଥିଲା । ସେ ଏନଡିଏ ପ୍ରାର୍ଥୀଙ୍କୁ ସମର୍ଥନ କରିବାକୁ ଅନୁରୋଧ କରିଥିଲେ । ଜବାବରେ ବିରୋଧୀଙ୍କୁ ଉପ ବାଚସ୍ପତି ପଦ ଦେବାକୁ ସେ ଦାବି କରିଥିଲେ । ହେଲେ ଏ ସବୁ ଚର୍ଚ୍ଚା ଆଲୋଚନାର ଶେଷରେ କଂଗ୍ରେସ ବାଚସ୍ପତି ପଦ ପାଇଁ ଶେଷରେ ପ୍ରାର୍ଥୀ ଦେଇଛି ।