କନକ ବ୍ୟୁରୋ : କୌରବ ଭଳି ଧ୍ୱଂସ ପାଇଯିବ ଶାସକ ଦଳ । ଯିଏ ଶାସନ କ୍ଷମତାରେ ଅଛନ୍ତି ସେମାନେ ହିଁ କୌରବ । କୌରବମାନେ ଯେମିତି ଅତ୍ୟଧିକ ଗର୍ବ ଏବଂ ଅହଂକାର ପାଇଁ ଯେମିତି ସେମାନେ ବୁଡି ଗଲେ ଏମାନେ ବି ଯେଉଁ ଅହଂ ଭାବ ଦେଖାଉଛନ୍ତି ଏମାନେ ବି ବୁଡି ଯିବେ ।ଥରେ ବୁଡି ଗଲେ ଧ୍ବଂସ ପାଇଯିବେ । କିଛି ଏଭଳି କହି ବିଜେଡିକୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଜୟନାରାୟଣ କହିଛନ୍ତି, ଆମେ ପାଣ୍ଡଵ କି କଣ ଆମେ ଜାଣି ନାହୁଁ, କିନ୍ତୁ ଆମେ ଧର୍ମ ମାର୍ଗରେ ଅଛୁ । ଧର୍ମକୁ ସାକ୍ଷୀ ରଖି ସବୁ କାମ କରୁଛୁ । ଧର୍ମରେ ଥିବାରୁ ଆମର କିଛି ଅସୁବିଧା ହେବନି । ସେହିଭଳି ତାଙ୍କୁ ଶକୁନି ଭାବେ ଆକ୍ଷେପ କରାଯାଉଥିବା ପ୍ରସଙ୍ଗକୁ ନେଇ ଜୟନାରାୟଣ କହିଛନ୍ତି, ଶକୁନି ତାର ଲକ୍ଷ୍ୟ ପ୍ରାପ୍ତି ଲାଗି କାମ କରୁଥିଲା । କୌରବ ବଂଶକୁ ଧ୍ୱଂସ କରିବା ଲାଗି କାମ କରୁଥିଲା । ଆମେ ମହାଭାରତରୁ ପଢିଛୁ । କିଏ ଶକୁନି, କିଏ ପାଣ୍ଡଵ ଏବଂ କିଏ କୌରବ ଆଗାମୀ ଦିନରେ ଜଣାପଡିବ ।
ଏସବୁ ଭିତରେ ବିଜେଡି ସାଂସଦ ଭର୍ତ୍ତୃହରିଙ୍କୁ ପ୍ରଶଂସା କରିବାକୁ ମଧ୍ୟ ପଛାଇ ନାହାନ୍ତି ବିରୋଧୀ ଦଳ ନେତା । ଜୟନାରାୟଣ କହିଛନ୍ତି, ଭର୍ତ୍ତୃହରି ଜଣେ ଦକ୍ଷ ନେତା, ଲୋକସଭାରେ ତାଙ୍କର କାର୍ଯ୍ୟଶୈଳୀ ଯେମିତି ଥିଲା, ତାଙ୍କୁ ସଂସଦରେ ଉପ ବାଚସ୍ପତି କରିବାକୁ ପ୍ରଧାନମନ୍ତ୍ରୀ ମୋଦୀ ଚାହୁଁଥିଲେ । କିନ୍ତୁ ତାଙ୍କ ଦଳରୁ ତାଙ୍କୁ ବିରୋଧ କରାଗଲା ତେଣୁ ସେ ପଦ ପାଇଲେ ନାହିଁ ।