କନକ ବ୍ୟୁରୋ: ଟି-୨୦ ବିଶ୍ୱକପ ପାଇଁ କାଉଣ୍ଟ ଡାଉନ ଆରମ୍ଭ ହୋଇଛି । ଆଉ ଦିନ କେଇଟା ପରେ ଆରମ୍ଭ ହେବ ଫଟାଫଟ କ୍ରିକେଟର ମହା ସମର । ଟାଇଟଲ ଲଢେଇ ପାଇଁ ପ୍ରସ୍ତୁତି ଆରମ୍ଭ କଲେଣି ସମସ୍ତ ଟିମ । ହେଲେ ଏହାରି ମଧ୍ୟରେ ଭାରତକୁ ବଡ ଝଟକା ଲାଗିଥିଲା । କିଛି ଦିନ ତଳେ ଭାରତୀୟ ଷ୍ଟାର ବୋଲର ଯଶପ୍ରୀତ ବୁମରାହ ଦଳରୁ ବାଦ ପଡିଛନ୍ତି ବୋଲି ଘୋଷଣା ହୋଇଥିଲା । ହେଲେ ଏବେ ଟିମ ଇଣ୍ଡିଆ ପାଇଁ ଆସିଛି ଖୁସି ଖବର । ବୁମରାହଙ୍କୁ ନେଇ ଏବେ ବି ଆଶା ବାନ୍ଧି ବସିଛି ବିସିସିଆଇ । ବୁମରାହ ବାଦ ପଡିନଥିବା କଥା ସଭାପତି ସୌରଭ ଗାଙ୍ଗୁଲି କହିବା ପରେ ତାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ ବୁମରାହଙ୍କ ଉପରେ ଯେତେବେଳେ ସୌରଭ ଗାଙ୍ଗୁଲିଙ୍କୁ ପ୍ରଶ୍ନ କରାଯାଇଥିଲା ସେ କହିଥିଲେ, ବୁମରାହ ଟି-୨୦ ବିଶ୍ୱକପରୁ ବାଦ ପଡିନାହାନ୍ତି, ବିଶ୍ୱକପ ପାଇଁ ସମୟ ଅଛି । ଆମେ ଅପେକ୍ଷା କରିବା କିଛି ଜଲଦିରେ କରିବାର ନାହିଁ । ଯଦି ସେ ବିଶ୍ୱକପ ଭିତରେ ସୁସ୍ଥ ହୋଇଯାଆନ୍ତି ତେବେ ତାଙ୍କୁ ଦଳରେ ସାମିଲ କରିବା ଉପରେ ଆମେ ଚିନ୍ତା କରିବୁ ।
ବିସିସିଆଇ ଚାହୁଁଛି ବୁମରା ଟି-୨୦ ବିଶ୍ୱକପ ଖେଳନ୍ତୁ । ଏଥିପାଇଁ ଟିମ ମ୍ୟାନେଜମେଣ୍ଟ ଶେଷ ସମୟ ପର୍ଯ୍ୟନ୍ତ ଅପେକ୍ଷା କରିବେ ବୋଲି କହିଛନ୍ତି । ବୁମରାଙ୍କୁ ଯଥାସମ୍ଭବ ଫିଟ କରିବାକୁ ମେଡିକାଲ ଟିମକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଯଦି ୧ ପ୍ରତିଶତ ବି ଲାଗିବ ବୁମରା ଫିଟ ଅଛନ୍ତି ତେବେ ସେ ଟି-୨୦ ବିଶ୍ୱକପ ଖେଳିପାରିବେ । ବୁମରା ୫ ଅକ୍ଟୋବରରେ ଦଳ ସହ ଗସ୍ତ କରିବେନି । ହେଲେ ପରବର୍ତ୍ତି ସମୟରେ ସେ ଠିକ ହେଲେ ଅଷ୍ଟ୍ରେଲିଆ ଗସ୍ତ କରିବେ ।
ଏବେ ଯାଏଁ ଟି-୨୦ ବିଶ୍ୱକପରେ ବୁମରାଙ୍କ ବଦଳରେ କାହାକୁ ବି ଦଳରେ ସ୍ଥାନ ମିଳିନି । ବୁମରାଙ୍କ ବଦଳରେ ଖେଳାଳି ଚୟନ ପରେ ବି ହୋଇପାରିବ ବୋଲି ଟିମ ମ୍ୟାନେଜମେଣ୍ଟ କହିଛି । ଏହାସହ ସମସ୍ତ ରିପୋର୍ଟ ଟିମ ମ୍ୟାନେଜମେଣ୍ଟ ଓ ଚୟନକର୍ତ୍ତାଙ୍କ ସହ ସେୟାର ହେବ, ଏହା ପରେ ଯାଇଁ ଯାହା ଶେଷ ନିଷ୍ପତ୍ତି ନିଆଯିବ ।
ନିଜ ପିଠିରେ ଆଘାତ ଲାଗିବା ଯୋଗୁଁ ଟି-୨୦ ବିଶ୍ୱକପରୁ ବାଦ ପଡିଛନ୍ତି ଯଶପ୍ରିତ ବୁମରା । ପୂର୍ବରୁ ସେ ଏସିଆ କପରୁ ବାହାର ହୋଇଥିଲେ । ପରେ ଅଷ୍ଟ୍ରେଲିଆ ବିପକ୍ଷ ସିିରିଜରେ ଦଳକୁ ଫେରିଥିଲେ । ଏବେ ସେ ଦକ୍ଷିଣ ଆଫ୍ରିକା ସିରିଜ ସହ ବିଶ୍ୱକପରୁ ମଧ୍ୟ ବାଦ ପଡିଛନ୍ତି । କେବଳ ଟିମ ମ୍ୟାନେଜମେଣ୍ଟ ନୁହେଁ ପ୍ରତିଟି ଭାରତୀୟ ଚାହୁଁଛନ୍ତି ବୁମରା ଦଳକୁ ଫେରନ୍ତୁ ଆଉ ବିଶ୍ୱକପ ଖେଳନ୍ତୁ । କାରଣ ବୁମରାଙ୍କ ଉପସ୍ଥିତି ଦଳକୁ ବିଶ୍ୱକପ ବିଜୟ ପାଇଁ ବାଟ ଦେଖାଇପାରେ ।
ଅକ୍ଟୋବର ୧୬ରୁ ଆରମ୍ଭ ହେବ ଟି-୨୦ ବିଶ୍ୱକପ । ଆଉ ଭାରତ ଅକ୍ଟୋବର ୨୩ରୁ ନିଜ ପାରମ୍ପରିକ ପ୍ରତିଦ୍ୱନ୍ଦି ପାକିସ୍ତାନ ବିପକ୍ଷରେ ନିଜ ବିଶ୍ୱକପ ଅଭିଯାନ ଆରମ୍ଭ କରିବ । ତେବେ ଏହି ମ୍ୟାଚରେ ବୁମରା ସୁସ୍ଥ ହୋଇ ପୁଣି ଦଳକୁ ଫେରିଆସିଥିବେ ବୋଲି ସମସ୍ତେ ଆଶା ରଖିଛନ୍ତି ।