ଦିଲ୍ଲୀରେ ବଢୁଛି ଯମୁନା ନଦୀ : ପରିସ୍ଥିତି ଉପରେ ନଜର ରଖିଛି ପ୍ରଶାସନ, ଏପଟେ ସୁରକ୍ଷା ଦୃଷ୍ଟିରୁ ୨୭ ଟ୍ରେନ ବାତିଲ କଲା ରେଳ ମନ୍ତ୍ରଣାଳୟ !
କନକ ବ୍ୟୁରୋ : ଲଗାତାର ବର୍ଷାରେ ଦିଲ୍ଲୀର ପରିସ୍ଥିତି ଗମ୍ଭୀର ହେବାରେ ଲାଗିଛି । ଯମୁନା ନଦୀରେ ପ୍ରବଳ ପାଣି ଆସିବାରୁ ତଳିଆ ଅଞ୍ଚଳରେ ଅନେକ ଲୋକ ପାଣି ଘେରରେ ଥିବା ସୂଚନା ମିଳିଛି । ହଥିନୀକୁଣ୍ଡ ପୋଲ ଉପରେ ପାଣି ଚାଲୁଛି । ତେବେ ଏପରି ସ୍ଥିତିକୁ ଦେଖି ରେଳ ମନ୍ତ୍ରଣାଳୟ ୨୭ ଟ୍ରେନକୁ କ୍ୟାନସଲ କରିଥିବା ଜଣାପଡିଛି । ତେବେ ଦିଲ୍ଲୀରେ ଯମୁନା ନଦୀରେ ଲଗାତାର ଭାବରେ ଜଳସ୍ତର ବଢିବାରେ ଲାଗିଛି । ଆଜି ସକାଳୁ ଜଳସ୍ତର ବିପଦ ସଙ୍କେତ ଉପରେ ପ୍ରଭାହିତ ହେଉଛି । ବର୍ତ୍ତମାନ ସମୟରେ ଜଳସ୍ତର ୨୦୫.୬୬ ମିଟରରେ ପହଞ୍ଚିଛି । ତେବେ ନଦୀରେ ପ୍ରବଳ ପାଣି ଆସୁଥିବାରୁ ରେଳ ବିଭାଗ ପକ୍ଷରୁ ୨୭ ଟ୍ରେନକୁ ବାତିଲ କରିଦିଆଯାଇଛି । ଏହାସହ ଦିଲ୍ଲୀରେ ଅନେକ ଛୋଟ ଛୋଟ ପୋଲ ଉପରେ ପାଣି ଚାଲୁଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ରାତିରେ ଯମୁନା ନଦୀର ଉପରମୁଣ୍ଡରେ ପ୍ରବଳ ବର୍ଷା ହେବାରୁ ଜଳସ୍ତର ବଢିଥିବା ସୂଚନା ମିଳିଛି ଏବଂ ଏହାର ପ୍ରଭାବ ଦିଲ୍ଲୀ ଦେଇ ଯାତାୟତ କରୁଥିବା ଟ୍ରେନ ଉପରେ ପଡିଛି । ଲୁହା ପୋଲକୁ ପାଣି ଲାଗି ଥିବାରୁ ଅନେକ ଟ୍ରେନ ବିଳମ୍ବରେ ଚାଲୁଥିବା ବେଳେ କେତେକ ଟ୍ରେନର ଗତିପଥ ବଦଳାଯାଇଥିବା ଜଣାପଡିଛି । ପ୍ରଶାସନ ପକ୍ଷରୁ ତଳିଆ ଅଞ୍ଚଳର ରହୁଥିବା ଲୋକମାନଙ୍କୁ ଉଚ୍ଚସ୍ଥାନକୁ ଯିବା ଲାଗି ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହାସହ ଦିଲ୍ଲୀ ସରକାର ବନ୍ୟା ସ୍ଥିତିକୁ ନଜରରେ ରଖି ଗତକାଲିଠାରୁ ୨୪ ଘଣ୍ଟିଆ କୋଣ୍ଟ୍ରୋଲ ରୁମ ଖୋଲାଯାଇଛି । ଏପଟେ ପାଣି ଚାଲୁଥିବା ପୋଲ ଉପରେ ଲୋକମାନଙ୍କର ଯାତାୟତ ବନ୍ଦ କରିବା ଲାଗି ଦିଲ୍ଲୀ ସରକାର କହିଛନ୍ତି । ସୂଚନା ଅନୁସାରେ ହସ୍ତିନା କୁଣ୍ଡଠାରୁ ଛଡାଯାଇଥିବା ପାଣି ଆଜି ସନ୍ଧ୍ୟାସୁଦ୍ଧା ଦିଲ୍ଲୀରେ ପହଞ୍ଚିବ । ତେଣୁ ଯମୁନା ନଦୀରେ ଜଳସ୍ତର ବଢିବ ବୋଲି ଜଣାପଡିଛି । ଗତକାଲି ସକାଳୁ ହିଁ ଦିଲ୍ଲୀର ଜଳସ୍ତର ବଢିବାରେ ଲାଗିଛି । ତେବେ ବନ୍ୟା ଉପରେ ସରକାର ନଜର ରଖିଥିବା ଜଣାପଡିଛି । ବର୍ତ୍ତମାନ ସମୟରେ ଦିଲ୍ଲୀର ବଜିରାବାଦ, ସୋନିଆ ବିହାର, ଗଢିମାଣ୍ଡୁ, ଶାସ୍ତ୍ରୀ ପାର୍କ, ଗୀତା କଲୋନି, ଗାନ୍ଧି ନଗର, ଜଗତପୁର, ଆଖେଲା, ବାଟଲା ହାଉସ ଓ ମଦନପୁର ଅଞ୍ଚଳ ଜଳମଗ୍ନ ହୋଇଥିବା ସୂଚନା ମଳିଛି । ତେବେ ସମସ୍ତ ଅଞ୍ଚଳରରେ ଲୋକମାନଙ୍କୁ ସତର୍କ ରହିବା ଲାଗି ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।