ପୋଖରୀରେ ଗାଧୋଇବା ବେଳେ ବୁଡିଗଲେ ଇସ୍ରୋ ବୈଜ୍ଞାନିକ । ଉଦ୍ଧାର କଲେ ଗ୍ରାମବାସୀ, ହସ୍ପିଟାଲରେ ମୃତ ଘୋଷଣା କଲେ ଡାକ୍ତର ।
କନକ ବ୍ୟୁରୋ : ପୋଖରୀରେ ଗାଧୋଉଥିବା ବେଳେ ବୁଡିଗଲେ ଇସ୍ରୋ ବୈଜ୍ଞାନିକ । ବରଗଡ ଜିଲ୍ଲା ଅମ୍ବାଭୋନା ବ୍ଲକ ଝାରପାଲି ଗାଁରେ ଘଟିଛି ଏଭଳି ଅଘଟଣ । ଗାଁର ୨୭ ବର୍ଷୀୟ ଯୁବକ ନିହାର ରଞ୍ଜନ ପ୍ରଧାନ ଇସ୍ରୋରେ ବୈଜ୍ଞାନିକ ଭାବେ କାର୍ଯ୍ୟରତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶନିବାର ସେ ନିଜ ପୈତୃକ ଗାଁ ଝାରପାଲିକୁ ଆସିଥିବା ବେଳେ ଆଜି ଗାଧୋଇବା ପାଇଁ ନିକଟସ୍ଥ ଜଳାଶୟ ଯାଇଥିଲେ । ତେବେ ଗାଧୋଇବା ବେଳେ ସେ ବୁଡିଯାଇଥିଲେ । ପରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଭୁକ୍ତା ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ, ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଯୁବ ବୈଜ୍ଞାନିକଙ୍କୁ ହରାଇବା ପରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି ।