କନକ ବ୍ୟୁରୋ: ଚନ୍ଦ୍ରମା ଏବଂ ମଙ୍ଗଳ ପରେ ଏବେ ଭାରତୀୟ ଅନ୍ତରୀକ୍ଷ ସଂଗଠନ (ଇସ୍ରୋ) ଶୁକ୍ର ଗ୍ରହ ପାଇଁ ମିଶନ ପ୍ରସ୍ତୁତ କରୁଛି । ଏହା ଛଡା ଚନ୍ଦ୍ରମାର ଅଦ୍ଧକାର ପାଶ୍ୱର୍ର ରାଜ ଖୋଲିବା ପାଇଁ ମଧ୍ୟ ପ୍ରସ୍ତୁତି ଆରମ୍ଭ ହୋଇଛି । ନିକଟରେ ଏହି ଦୁଇ ମିଶନରେ ଜାପାନ ସ୍ପେସ ଏଜେନ୍ସି ଇସ୍ରୋ ସହ ମିଳିତ ଭାବେ କାମ କରୁଛି । ଇସ୍ରୋର ଭବିଷ୍ୟତ ମିଶନ ବାବଦରେ ସୂଚନା ଦେଇଛନ୍ତି ଫିଜିକାଲ ଲାବ୍ରୋଟୋରୀର ନିର୍ଦ୍ଦେଶକ ଅନୀଲ ଭରଦ୍ୱାଜ । ସେ କହିଛନ୍ତି, ଶୁକ୍ର ଏବଂ ଚନ୍ଦ୍ରମାର ମିଳିତ ମିଶନ ଛଡା ଇସ୍ରୋ ମଙ୍ଗଳକୁ ମଧ୍ୟ ଏକ ମିଶନ କରିବ । ଏହାର ପ୍ରସ୍ତୁତି ଜାରିରହିଛି । ଇସ୍ରୋ ବର୍ତ୍ତମାନ ସମୟରେ ଅନେକ ସ୍ପେସ୍ ମିଶନ ଉପରେ କାମ ଜାରିରଖିଛି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି, ଇସ୍ରୋ ଜାପାନ ଏରୋସ୍ପେସ ଏକ୍ସପ୍ଲୋରେସନ ଏଜେନ୍ସି (ଜେଏଏକ୍ସଏ) ଚନ୍ଦ୍ରର ଅନ୍ଧାର ଥିବା ଅଞ୍ଚଳକୁ ରୋଭର ପଠାଇବ । ଏହା ଦ୍ୱାରା ଚନ୍ଦ୍ରର ଅନ୍ଧାର ଥିବା ଅଂଶର ରାଜ ଖୋଲିପାରିବ । ଚନ୍ଦ୍ରମାର ସ୍ଥାୟୀ ଭାବେ ଅନ୍ଧକାର ଥିବା ଅଂଶ ବାବଦରେ ଜାଣିବା ପାଇଁ ସାରା ବିଶ୍ୱର ବୈଜ୍ଞାନିକ ମିଶନ କରିବା ପାଇଁ ଚାହୁଁଛନ୍ତି । ପ୍ରାଥମିକ ଭାବେ ଏହି ମିଶନର ଲୁନାର ଏବଂ ରୋଭର ଇସ୍ରୋ ପ୍ରସ୍ତୁତ କରିବ । ଜାପାନ ସ୍ପେସ ଏଜେନ୍ସିର ରକେଟରେ ଏହାକୁ ଅନ୍ତରୀକ୍ଷକୁ ପଠାଯିବ । ଲୁନାର-ରୋଭରର ଲାଣ୍ଡିଂ ଚନ୍ଦ୍ରମାର ଦକ୍ଷିଣ ଧ୍ରୁବ ପାଖରେ ହେବ । ଏହା କରିବା ଦ୍ୱାରା ଅନ୍ଧାରରେ ଥିବା ଅଂଶରେ ରୋଭର ଅତି ସହଜରେ ପହଞ୍ଚିପାରିବ ।
ଚନ୍ଦ୍ରର ଅନ୍ଧାର ଥିବା ଅଂଶଟି ଥଣ୍ଡା ଅଞ୍ଚଳ । ଏଠାରେ ସୂର୍ଯ୍ୟଙ୍କ କିରଣ କେତେବେଳେ ମଧ୍ୟ ପହଞ୍ଚିପାରିନାହିଁ । ଏହି ଅଞ୍ଚଳକୁ ପରମାନେଟ୍ ସ୍ୟାଡୋ ରିଜନ ବା ପିଏସଆର କୁହାଯାଏ ।