ଦେଶରେ ଦ୍ରୁତ ଗତିରେ ଡେଇଁ ଚାଲିଛି ଓମିକ୍ରନ ସଂକ୍ରମଣ : ୭୩ରେ ପହଁଚିଲାଣି ଆକ୍ରାନ୍ତ ସଂଖ୍ୟା
ପଶ୍ଚିମବଙ୍ଗ ପରେ ତାମିଲନାଡୁରେ ଚିହ୍ନଟ ହେଲା ପ୍ରଥମ ଓମିକ୍ରନ ଭୂତାଣୁ, ଓଡିଶାରେ ଛନକା; ବିଦେଶ ଫେରନ୍ତାଙ୍କ ଉପରେ ନଜର, ହେଲେ ମୁକୁଳା ପଡ଼ିଛି ସୀମା
କନକ ବ୍ୟୁରୋ : ଦେଶରେ ଦ୍ରୁତ ଗତିରେ ବଢି ଚାଲିଛି କରୋନା ଭୂତାଣୁର ନୂଆ ପ୍ରଜାତି ଓମିକ୍ରନ । ଏହା ମଧ୍ୟରେ ଦେଶରେ ଓମିକ୍ରନ ଭୂତାଣୁ ସଂକ୍ରମିତଙ୍କ ସଂଖ୍ୟା ୭୩ରେ ପହଁଚି ଗଲାଣି । ନୂଆ ରାଜ୍ୟ ଭାବରେ ଓମିକ୍ରନ ଭୂତାଣୁର ଶିକାର ବନିଛନ୍ତି ପଶ୍ଚିମବଙ୍ଗ ଏବଂ ତାମିଲନାଡୁ । ବୁଧବାର ଦେଶର ଏହି ଦୁଇ ରାଜ୍ୟରେ ନୂଆ କରି ସଂକ୍ରମଣ ଚିହ୍ନଟ ହୋଇଛି । ତାମିଲନାଡୁରେ ଓମିକ୍ରନର ପ୍ରଥମ ମାମଲା ଚିହ୍ନଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନାଇଜେରିଆରୁ କତାର ଦେଇ ଡିସେମ୍ବର ୧୦ ତାରିଖରେ ଚେନ୍ନାଇ ଫେରିଥିବା ୪୭ ବର୍ଷ ବୟସ୍କ ଯୁବକ ପଜିଟିଭ ଚିହ୍ନଟ ହୋଇଛନ୍ତି । ତାଙ୍କର ୬ ଜଣ ସଂପର୍କୀୟ ଓ ଜଣେ ସହଯାତ୍ରୀ କରୋନାରେ ଆକ୍ରାନ୍ତ ହୋଇଛନ୍ତି । ଏହି ସମସ୍ତ ଆକ୍ରାନ୍ତଙ୍କର ନମୂନାକୁ ଜିନୋମ ସ୍ୱିକେନସିଂ ପାଇଁ ପଠାଯାଇଛି । ସେହିପରି ପଶ୍ଚିମବଙ୍ଗରେ ମଧ୍ୟ ଜଣେ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ବୁଧବାର ମୋଟ୍ ୯ଟି ଓମିକ୍ରନ ଭୂତାଣୁ ଚିହ୍ନଟ ହୋଇଥିଲା । ସେଥିରୁ ମହାରାଷ୍ଟ୍ରରେ ଆହୁରି ୪ ଜଣ ନୂଆ ଓମିକ୍ରନ ଆକ୍ରାନ୍ତ ଅଛନ୍ତି । ଏହାକୁ ମିଶାଇ ମହାରାଷ୍ଟ୍ରରେ ମୋଟ୍ ଓମିକ୍ରନ ଆକ୍ରାନ୍ତ ସଂଖ୍ୟା ୩୨ରେ ପହଂଚିଛି ।
ବର୍ତମାନ ଦେଶରେ ମହାରାଷ୍ଟ୍ରରେ ସବୁଠାରୁ ଅଧିକ ୩୨ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗୁଜରାଟରେ ୪ ଜଣ, ରାଜସ୍ଥାନରେ ୧୭ ଜଣ, କର୍ଣ୍ଣାଟକ ଓ ତେଲେଙ୍ଗାନାରେ ୩ ଜଣ ଲେଖାଁଏ ସଂକ୍ରମିତ ଚିହ୍ନଟ ହୋଇଛନ୍ତି । କେରଳ, ଆନ୍ଧ୍ର, ତାମିଲନାଡୁ ଓ ପଶ୍ଚିମବଙ୍ଗରେ ଜଣେ ଲେଖାଏଁ ଓମିକ୍ରନରେ ସଂକ୍ରମିତ ହୋଇଛନ୍ତି । ଦିଲ୍ଲୀରେ ୬ ଜଣ ଓମିକ୍ରନରେ ସଂକ୍ରମିତ ହୋଇଛନ୍ତି । ମହାରାଷ୍ଟ୍ରରେ ଏଯାଏଁ ମୋଟ୍ ୩୨ଜଣ ଓମିକ୍ରନ ସଂକ୍ରମିତଙ୍କ ମଧ୍ୟରୁ ୯ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମହାରାଷ୍ଟ୍ରରେ ଏପରି ଓମିକ୍ରନ ସଂଖ୍ୟା ବଢିବା ଚିନ୍ତାର କାରଣ ବନିଗଲାଣି ।