ଇଣ୍ଡିଆନ ଗ୍ରାଣ୍ଡ ପ୍ରିକ୍ସରୁ ୱାର୍ଲ୍ଡ ଆଥଲେଟିକ ଚାମ୍ପିଅନସିପ । ମହିଳା ୧୦୦ ମିଟର ଦୌଡରେ ଓଡ଼ିଆ ଝିଅ ଶ୍ରାବଣୀ ନନ୍ଦ ପ୍ରଥମ
କନକ ବ୍ୟୁରୋ : ଇଣ୍ଡିଆନ ଗ୍ରାଣ୍ଡ ପ୍ରିକ୍ସରୁ ୱାର୍ଲ୍ଡ ଆଥଲେଟିକ ଚାମ୍ପିଅନସିପକୁ କ୍ୱାଲିଫାଏ କଲେ ଓଡ଼ିଆ ଅଥଲେଟ ଲାଲୁ ପ୍ରସାଦ ଭୋଇ । ଲଙ୍ଗ ଜମ୍ପରେ ୭.୫୮ ମିଟର ଜମ୍ପ କରି ୱାଲ୍ଡ଼ ଆଥଲେଟିକ ଚାମ୍ପିଅନସିପ ପାଇଁ ସ୍ଥାନ ପକ୍କା କରିଛନ୍ତି ଲାଲୁ । ସେହିପରି ମହିଳା ୧୦୦ ମିଟର ଦୌଡରେ ଓଡ଼ିଆ ଝିଅ ଶ୍ରାବଣୀ ନନ୍ଦ ପ୍ରଥମ ହୋଇଛନ୍ତି । ୧୧.୮୭ ସେକେଣ୍ଡରେ ଅତିକ୍ରମ କରି ପ୍ରଥମ ସ୍ଥାନ ହାସଲ କରିଛନ୍ତି ଶ୍ରାବଣୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ପୁରୁଷ ୧୦୦ ମିଟର ଦୌଡ ରେସ ବି’ରେ ଅମିୟ ମଲ୍ଲିକ ପ୍ରଥମ ହେଇଥିବା ବେଳେ ଆରିୟନ ଏକ୍କା ଦ୍ୱିତୀୟ ସ୍ଥାନରେ ରହିଛନ୍ତି । ଅମିୟ ୧୦.୭୪ ସେକେଣ୍ଡ ଓ ଆରୀୟନ୍ ୧୦.୮୬ ସେକେଣ୍ଡରେ ଲକ୍ଷ୍ୟସ୍ଥଳ ପୂରଣ କରିଛନ୍ତି । ସେହିପରି ରେସ ଏ’ ରେ ଅଭିଜିତ ସାହୁ ୧୧.୫୯ ସେକେଣ୍ଡରେ ଅତିକ୍ରମ କରି ତୃତୀୟ, ରେସ ସି’ ରେ ଅବିନାଶ ସାହୁ ୧୦.୯୮ ସେକେଣ୍ଡ ରେ ଅତିକ୍ରମ କରି ଦ୍ୱିତୀୟ ଓ ରେସ ଡି’ ରେ ମହେନ୍ଦ୍ର ସାନ୍ତ ୧୧.୨୭ ସେକେଣ୍ଡ ରେ ଅତିକ୍ରମ କରି ଦ୍ୱିତୀୟ ସ୍ଥାନ ହାସଲ କରିଛନ୍ତି ।