ପ୍ରଥମ ବୈଠକରେ ୧୫ ଦଳ ତ ଦ୍ୱିତୀୟ ବୈଠକରେ ୨୬ ଦଳ । ମୁମ୍ବାଇରେ ହେବାକୁ ଥିବା ବୈଠକରେ ଆଉ କିଛି ଦଳ ସାମିଲ ହେବା ନେଇ ଆକଳନ
କନକ ବ୍ୟୁରୋ : ବିରୋଧୀ ମେଣ୍ଟ ‘ଇଣ୍ଡିଆ’ର ତୃତୀୟ ବୈଠକ ମୁମ୍ବାଇରେ ଅନୁଷ୍ଠିତ ହେବାକୁ ଯାଉଛି । ଏହି ବୈଠକ ଅଗଷ୍ଟ ୩୧ ତାରିଖରୁ ସେପ୍ଟେମ୍ବର ୧ ପର୍ଯ୍ୟନ୍ତ ଅନୁଷ୍ଠିତ ହେବ । ‘ଇଣ୍ଡିଆ’ମେଣ୍ଟର ପ୍ରଥମ ବୈଠକ ଜୁନ ୨୩ ତାରିଖରେ ବିହାରର ପାଟନା ଠାରେ ଅନୁଷ୍ଠିତ ହୋଇଥିଲା ଓ ଏଥିରେ ମୋଟ ୧୫ଟି ବିରୋଧୀଦଳ ସାମିଲ ହୋଇଥିଲା । ଏହା ଦ୍ୱିତୀୟ ବୈଠକ ଜୁଲାଇ ୧୭ ଓ ୧୮ ଦୁଇଦିନ ଧରି ବେଙ୍ଗାଲୁରୁରେ ହୋଇଥିଲା । କିନ୍ତୁ ଏହି ବୈଠକରେ ‘ଇଣ୍ଡିଆ’ମେଣ୍ଟରେ ଆଉ ୧୧ଟି ଦଳ ଯୋଗ ଦେଇଥିଲେ । ଅର୍ଥାତ ବେଙ୍ଗାଲୁରୁ ବୈଠକରେ ମୋଟ ୨୬ଟି ଦଳ ଯୋଗ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏବେ ଆକଳନ କରାଯାଉଛି କି ମୁମ୍ବାଇରେ ଅନୁଷ୍ଠିତ ହେବାକୁ ଥିବା ବୈଠକରେ ଆଉକିଛି ନୂଆ ଦଳ ମେଣ୍ଟରେ ସାମିଲ ହୋଇପାରନ୍ତି । ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏନେଇ ସଂକେତ ଦେଇଛନ୍ତି । କେବଳ ନୀତିଶ କୁମାର ନୁହଁନ୍ତି କଂଗ୍ରେସ ପ୍ରବକ୍ତା ପୱନ ଖେଡା ବି ଏଭଳି ସଂକେତ ଦେଇ କହିଛନ୍ତି କି ମୁମ୍ବାଇ ବୈଠକରେ କିଛି ନୂଆ ଦଳ ଯୋଗ ଦେବାର ସମ୍ଭାବନା ରହିଛି ।
କହିରଖୁ କି ଶେଷଥର ବେଙ୍ଗାଲୁରୁରେ ଅନୁଷ୍ଠିିତ ହୋଇଥିବା ବୈଠକରେ ୨୬ଟି ବିରୋଧୀଦଳ ଏକାଠି ହୋଇଥିଲେ । ଏଥିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, କଂଗ୍ରେସ ନେତା ସୋନିଆ ଗାନ୍ଧୀ, ରାହୁଲ ଗାନ୍ଧୀ, କେସି ବେଣୁଗୋପାଳ ଓ ଅନ୍ୟ ନେତାମାନେ ସାମିଲ ଥିଲେ । ତାଙ୍କ ବ୍ୟତୀତ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ, ଜେଡିୟୁ ମୁଖ୍ୟ ନୀତିଶ କୁମାର, ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ, ଡିଏମକେ ନେତା ଏମକେ ଷ୍ଟାର୍ଲିନ ପ୍ରମୁଖ ଯୋଗ ଦେଇଥିଲେ ।