କନକ ବ୍ୟୁରୋ : କଂଗ୍ରେସ ନେତା ରାହୁଲ ଗାନ୍ଧୀ ଏବେ ଭାରତ ଯୋଡ ଯାତ୍ରାକୁ ନେଇ ବ୍ୟସ୍ତ ରହିଛନ୍ତି । ଏହି କ୍ରମରେ ସେ ଲଗାତର ଭାବେ ଜନସଭା କରିବା ସହ ସାମ୍ବାଦିକ ସମ୍ମିଳନୀ ମଧ୍ୟ କରୁଛନ୍ତି । ଏବେ ରାହୁଲ ଗାନ୍ଧୀ ଗଣମାଧ୍ୟମକୁ ଆଗଠାରୁ ଅଧିକ ପରିପକ୍ୱତା ସହ ସାମ୍ନା କରୁଥିବା ଦେଖିବାକୁ ମିଳୁଛି । ଶନିବାରଦିନ ରାହୁଲ ଗାନ୍ଧୀ କଂଗ୍ରେସ ମୁଖ୍ୟାଳୟ ଠାରେ ଗଣମାଧ୍ୟମ ପ୍ରତିନିଧୀଙ୍କୁ ସମ୍ବୋଧିତ କରିଛନ୍ତି । ଏଥିରେ ସେ ସାମ୍ବାଦିକଙ୍କ ଅନେକ ପ୍ରଶ୍ନର ଉତ୍ତର ଅତି ସରଳ ଭାବେ ଦେବାକୁ ଚେଷ୍ଟା କରିଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗଣମାଧ୍ୟମ ପ୍ରତିନିଧୀ ରାହୁଲ ଗାନ୍ଧୀଙ୍କୁ ପ୍ରଶ୍ନ କରିଥିଲେ କି ଯଦି ସେ ପ୍ରଧାନମନ୍ତ୍ରୀ ହୁଅନ୍ତି ତେବେ ସେ ପ୍ରଥମେ କେଉଁ ୩ ଟି କାର୍ଯ୍ୟ କରିବେ । ଏହି ପ୍ରଶ୍ନର ଉତର ଦେବାକୁ ଯାଇ ରାହୁଲ ଗାନ୍ଧୀ ଯେଉଁ ୩ ଟି କାମ ଗଣାଇଥିଲେ ତାହା ଏହିଭଳି ଥିଲା …
ରାହୁଲ ଗାନ୍ଧୀ କହିଥିଲେ କି ସେ ପ୍ରଧାନମନ୍ତ୍ରୀ ହେଲେ ପ୍ରଥମେ ଦେଶର ଶିକ୍ଷା ସଂରଚନା ବନାଇବେ । ସେ କହିଛନ୍ତି କି, ଦେଶରେ ଶିକ୍ଷା ବ୍ୟବସ୍ଥା ଠିକଭାବେ କାର୍ଯ୍ୟ କରୁନାହିଁ । ପ୍ରଚଳିତ ଶିକ୍ଷାବ୍ୟବସ୍ଥା ପିଲାମାନଙ୍କୁ କୌଣସି ଭିଜନ ଦେଇପାରୁନାହିଁ । ଭାରତ ଯୋଡ ଯାତ୍ରାରେ ସେ ହଜାର ହଜାର ପିଲାଙ୍କୁ ଭେଟୁଥିବା ବେଳେ ରାହୁଲ ସେମାନଙ୍କୁ ପ୍ରଶ୍ନ କରିଥିଲେ କି କଲେଜ ଶିକ୍ଷାପରେ ସେମାନେ କଣ କରିବେ । ଏହାର ଉତରରେ ପିଲାମାନଙ୍କ ମଧ୍ୟରୁ କେହି ଡାକ୍ତର, କେହି ଇଂଜିନିୟର, କେହି ପାଇଲଟ ବା କିଏ ଆଇଏଏସ ହେବାକୁ କହିଥିଲେ । ଏନେଇ ରାହୁଲ ଗାନ୍ଧୀ କହିଥିଲେ କି ୯୯ ପ୍ରତିଶତ ପିଲାଙ୍କ ପାଖରେ ଏହି ୫ଟି ବିକଳ୍ପ ବ୍ୟତୀତ ଅନ୍ୟ କିଛି ବିକଳ୍ପ ନାହିଁ ।
ଦ୍ୱିତୀୟ କାମ ଭାବେ ରାହୁଲ ଗାନ୍ଧୀ କହିଥିଲେ କି ବିନା ଦକ୍ଷତାରେ ରୋଜଗାର ମିଳିବ ନାହିଁ । ଅର୍ଥାତ ରାହୁଲଙ୍କ କହିବା ମୁତାବକ ବିନା ଦକ୍ଷତାରେ କାହାରିକୁ ରୋଜଗାର ମିଳିବ ନାହିଁ । ଏବେ ସରକାର ଯାହା ପାଖରେ ଦକ୍ଷତା ରହିଛି ସେମାନଙ୍କୁ ଅଣଦେଖା କରୁଛନ୍ତି । ସେମାନଙ୍କ ଦକ୍ଷତାକୁ ସମାପ୍ତ କରିବାକୁ ସରକାର ଚକ୍ରାନ୍ତ କରୁଥିବା କଥା ରାହୁଲ ଗାନ୍ଧୀ ଅଭିଯୋଗ କରିଛନ୍ତି । ସେ କହିଛନ୍ତି କି ରୋଜଗାର ପାଇବାକୁ ହେଲେ ପିଲାମାନଙ୍କୁ ପ୍ରଥମେ ଦକ୍ଷ ହେବାକୁ ପଡିବ ।
ତୃତୀୟ କାମଭାବେ ରାହୁଲ ଗାନ୍ଧୀ କହିଥିଲେ କି ସରକାର ଆମକୁ ବିଦେଶ ନୀତି ନେଇ ଭ୍ରମିତ କରୁଛନ୍ତି । ରାହୁଲ ଗାନ୍ଧୀ କହିଥିଲେ କି ସେ ପ୍ରଧାନମନ୍ତ୍ରୀ ହେଲେ ଦେଶରେ ଭାଇଚାରା, ଏକତା ଓ ଭଲପାଇବା ଭଳି ଭାବନାକୁ କିଭଳି ପ୍ରସାର କରାଯାଇପାରିବ ତାହା ଉପରେ ଗୁରୁତ୍ୱ ଦେବେ । ଏହାର ପ୍ରଭାବ ଦେଶର ସୀମା ଉପରେ ବି ପଡିବ । ଦେଶରେ ହିଂସା, ଘୃଣାର ପ୍ରଭାବ ଅନ୍ୟ ଦେଶ ଉପରେ ମଧ୍ୟ ପଡୁଥିବା କଥା ସେ କହିଛନ୍ତି । ଏହାର ଫାଇଦା ଶତ୍ରୁଦେଶମାନେ ଉଠାଉଛନ୍ତି । ଏହାଦ୍ୱାରା ଦେଶର ଏକ ବଡ କ୍ଷତି ହେଉଛି । ଏଣୁ ଏହା ଉପରେ ପ୍ରମୁଖ ନଜର ରହିବ ବୋଲି ସେ କହିଛନ୍ତି ।