ଆପଣଙ୍କ ଆଣ୍ଡ୍ରଏଡ ସ୍ମାର୍ଟଫୋନ ହଜିଯାଇଛି କି ? କେଉଁଠି ଅଛି ଓ ଘରେ ବସି ଡାଟା କିପରି ଡିଲିଟ କରିବେ, ଜାଣନ୍ତୁ ଗୋଟିଏ କ୍ଲିକରେ।
ସ୍ମାର୍ଟଫୋନର ବ୍ୟବହାର ଦିନକୁ ଦିନ ବଢିଚାଲିଛି । ଅଧିକାଂଶ ଯୁବବର୍ଗଙ୍କ ହାତରେ ଏବେ ସ୍ମାର୍ଟଫୋନ ଦେଖିବାକୁ ମିଳୁଛି । ଲୋକମାନଙ୍କ ହାତରେ ଥିବା ପ୍ରାୟ ୭୦ ପ୍ରତିଶତ ସ୍ମାର୍ଟଫୋନ ହେଉଛି ଆଣ୍ଡ୍ରଏଡ ପରିଚାଳିତ । କିନ୍ତୁ ଆପଣଙ୍କର ସ୍ମାର୍ଟଫୋନର ସୁରକ୍ଷା ବିଷୟରେ କେବେ ଚିନ୍ତା କରିଛନ୍ତି ? ସ୍ମାର୍ଟଫୋନଟିଏ ହଜିଗଲେ ମନଦୁଃଖ ତ ହୁଏ, ସେଥିରେ ଥିବା ଡାଟାର ଦୁରୁପଯୋଗ ହେବାର ଆଶଙ୍କା ମଧ୍ୟ ଥାଏ। ଏଣୁ କେତୋଟି କୌଶଳ ପ୍ରୟୋଗ କଲେ ଏହି ଆଶଙ୍କା ଦୂର କରିହେବ । ଏହି କୌଶଳ ପ୍ରୟୋଗ କରି ଆପଣ ନିଜର ହଜିଯାଇଥିବା ସ୍ମାର୍ଟଫୋନ କେଉଁଠି ଅଛି ତାହା ଜାଣିପାରିବେ ଓ ଆବଶ୍ୟକ ପଡିଲେ ସେଥିଲେ ଥିବା ଡାଟାକୁ କପି ବା ଡିଲିଟ୍ କରିପାରିବେ । ତେବେ ଏଥିପାଇଁ ପ୍ରଥମେ ନିଜର ସ୍ମାର୍ଟଫୋନରେ ଗୁଗୁଲର ମାଇ ଡିଭାଇସ ଆପ ଲୋଡ କରନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଫୋନଟି ହଜିଗଲେ ବା ଚୋରୀ ହୋଇଗଲେ ଏକ ପିସି ବା ଲାପଟପରେ ଗୁଗୁଲ ମାଇ ଡିଭାଇସ୍ ବ୍ରାଉଜ କରନ୍ତୁ । ଆପଣଙ୍କ ସ୍ମାର୍ଟଫୋନରେ ଇନଷ୍ଟଲ ହୋଇଥିବା ମାଇ ଡିଭାଇସ୍ରେ ଯେଉଁ ଜିମେଲ ଆଇଡି ରେ ଥିବ ସେହି ଆଇଡିକୁ ପିସିରେ ବି ଖୋଲନ୍ତୁ । ଆପଣ ଏକ ମ୍ୟାପରେ ନିଜ ଡିଭାଇସର ଲୋକେସନ ଜାଣିପାରିବେ ।
ମାଇ ଡିଭାଇସ୍ ପେଜ୍ରେ ଆପଣ ନିଜ ମୋବାଇଲର ବ୍ୟାଟେରୀରେ କେତେ ଚାର୍ଜ ଅଛି ତାହା ଦେଖିପାରିବେ । ମୋବାଇଲକୁ ରିଂ କରିପାରିବେ । ଆପଣଙ୍କ ଫୋନଟି ସାଇଲେଣ୍ଟ ମୋଡରେ ଥିଲେ ମଧ୍ୟ ୫ ମିନିଟ୍ ପାଇଁ ରିଂ ହେବ । ଆହୁରି ମଧ୍ୟ ସେଥିରେ ଥିବା ଡାଟାକୁ କପି ବା ଡିଲିଟ କରିପାରିବେ । ଏଥିପାଇଁ ପେଜ୍ର ବାମ ପଟେ Enable Lock and Erase ଲେଖାକୁ କ୍ଲିକ କରନ୍ତୁ ।