ଗାନ୍ଧି ଜୟନ୍ତୀକୁ ବଡ ଧୁମଧାମରେ ପାଳିଥାଏ ପୁରା ଦେଶ ! ଜାଣନ୍ତୁ ବାପୁ କିଭଳି ପାଳନ କରୁଥିଲେ ନିଜ ଜନ୍ମଦିନ ।
ଜାତିର ପିତା ମହାତ୍ମା ଗାନ୍ଧିଙ୍କର ଜନ୍ମ ଜୟନ୍ତୀରେ ସରକାର ଏବଂ ଗାନ୍ଧିବାଦୀ ସଂସ୍ଥା ପକ୍ଷରୁ ଅନେକ ସ୍ଥାନରେ ଅନେକ କାର୍ଯ୍ୟକ୍ରମ ଆୟୋଜିତ କରାଯାଇଥାଏ । ସ୍ୱଚ୍ଛତାରୁ ନେଇ ଅହିଂସା ପର୍ଯ୍ୟନ୍ତ ଭିନ୍ନ ଭିନ୍ନ ତରିକାରେ ଲୋକମାନେ ବାପୁଙ୍କୁ ମନେ ପକାଇଥାନ୍ତି । କିନ୍ତୁ ଆପଣ ଜାଣିଛନ୍ତି କି, ନିଜ ଜନ୍ମଦିନକୁ କିଭଳି ଭାବେ ପାଳନ କରୁଥିଲେ ମହାତ୍ମା ଗାନ୍ଧି ।
Kanak News is now on WhatsApp
Join and get latest news updates delivered to you via WhatsApp
ଗାନ୍ଧିବାଦୀ ରାମଚନ୍ଦ୍ର ରାହିଙ୍କ କହିବା ଅନୁଯାୟୀ, ଗାନ୍ଧିଜୀ କେବେ ହେଲେ ମଧ୍ୟ ନିଜ ଜନ୍ମଦିନ ପାଳନ କରୁନଥିଲେ ବରଂ ଲୋକମାନେ ବଡ ଧୁମଧାମରେ ତାଙ୍କ ଜନ୍ମ ଦିନକୁ ପାଳନ କରନ୍ତି । କିନ୍ତୁ ଜାଣନ୍ତୁ ଏହି ଦିନ ବାପୁ କଣ କରୁଥିଲେ । ଜାତିରପିତା ମହାତ୍ମା ଗାନ୍ଧି ଏହି ଦିନ ଇଶ୍ୱରଙ୍କ ପ୍ରାର୍ଥନା କରିଥାନ୍ତି । ଚରଖା ଚଲାଇଥାନ୍ତି, ଏବଂ ଅଧିକାଂଶ ସମୟ ମୌନ ରହିଥାନ୍ତି । ଯେକୌଣସି ମହତ୍ୱପୂର୍ଣ୍ଣ ଦିନକୁ ସେ ଏହିଭଳି ଭାବେ ପାଳନ କରିଥାନ୍ତି ।
କିନ୍ତୁ ସରକାର ଗାନ୍ଧି ଜୟନ୍ତୀ ଅବସରରେ ବିଭିନ୍ନ ପ୍ରକାରର କାର୍ଯ୍ୟକ୍ରମ ଆୟୋଜିତ କରିଥାନ୍ତି । ତେବେ ଏହାକୁ ନେଇ ରାମଚନ୍ଦ୍ର ରାହି ଜାତୀୟ ଗଣମାଧ୍ୟମକୁ କହିଛନ୍ତି ଯେ, ସରକାର ଯେକୌଣସି ଆୟୋଜନ କେବଳ ନିଜ ସ୍ୱାର୍ଥ ପାଇଁ କରିଥାନ୍ତି । ମହାତ୍ମା ଗାନ୍ଧିଙ୍କର ଆଦର୍ଶ ସହ ତାଙ୍କର କୌଣସି ମତଲବ ନାହିଁ । ସରକାର କେବଳ ନିଜର ରାଜନୈତିକ ସ୍ୱାର୍ଥକୁ ପୂରଣ କରିବା ପାଇଁ ଗାନ୍ଧିଙ୍କ ନାମ ବ୍ୟବହାର କରିଥାନ୍ତି । ଯଦି ପ୍ରକୃତରେ ସରକାର ଗାନ୍ଧିଜୀଙ୍କ ଜୟନ୍ତୀକୁ ହୃଦୟର ସହ ପାଳନ କରିବାକୁ ଚାହୁଁଛନ୍ତି, ତେବେ ସେ ଗାନ୍ଧିଙ୍କ ବିଚାରରେ ସମାଜ କିଭଳି ଆଗକୁ ଯିବ ସେନେଇ ଚେଷ୍ଟିତ ହେବାର ଆବଶ୍ୟକତା ରହିଛି ।