କେହି ଧରିଥାଏ ମାଛ ତ କାହାକୁ ଫଟୋଗ୍ରାଫିର କ୍ରେଜ୍ ! କ୍ରିକେଟରୁ ଅଧିକ ଏସବୁ ପସନ୍ଦ କରିଥାନ୍ତି କ୍ରିକେଟର୍ସ . . ଦେଖନ୍ତୁ ଆପଣଙ୍କ ପ୍ରିୟ ଖେଳାଳୀଙ୍କ ପ୍ରିୟ ଅଭ୍ୟାସ
୨୬ ମେ’ରେ ରିଲିଜ୍ ହୋଇଥିଲା ସିନେମା ‘ସଚିନ୍ : ଏ ମିଲିୟନ୍ ଡ୍ରିମ୍ସ’ । ସିନେମାଟି କ୍ରିକେଟ୍ କିମ୍ବଦନ୍ତୀ ମାଷ୍ଟର୍ ବ୍ଲାଷ୍ଟର୍ ସଚିନ୍ ତେନ୍ଦୁଲକରଙ୍କ ଜୀବନ ଉପରେ ଆଧାରିତ । ଏଥିରେ ସଚିନ୍ ନିଜେ ହିଁ ନିଜର ଜୀବନଯାତ୍ରା ବୟାନ୍ କରିଥିଲେ । ଏହା ପୂର୍ବରୁ ଧୋନୀ ଏବଂ ଅଝାରୁଦ୍ଦିନଙ୍କ ଜୀବନୀକୁ ନେଇ ମଧ୍ୟ ଆସିଛି ସିନେମା । ଯାହା ପ୍ରମାଣ କରିଥିଲା ଯେ କ୍ରିକେଟରଙ୍କୁ କେବଳ ପଡିଆରେ ପସନ୍ଦ କରନ୍ତିନି ଭାରତୀୟ । ଦେଶବାସୀ ଏହି ଖେଳାଳୀମାନଙ୍କୁ ପଡିଆ ବାହାରେ ମଧ୍ୟ ଖୁବ୍ ପସନ୍ଦ କରନ୍ତି । ତେଣୁ କ୍ରିକେଟ୍ ପଡିଆ , ସିନେମା ସବୁଠାରେ ପ୍ରଶଂସକଙ୍କ ମଧ୍ୟରେ କ୍ରେଜ୍ ଦେଖିବାକୁ ମିଳିଥାଏ ।
Kanak News is now on WhatsApp
Join and get latest news updates delivered to you via WhatsApp
ଯେମିତି ବଲିଉଡ୍ ଷ୍ଟାର୍ ମାନଙ୍କୁ କଣ ପସନ୍ଦ କଣ ନାପସନ୍ଦ ଜାଣିବା ପାଇଁ ସବୁବେଳେ ଉତ୍ସୁକ ଥାନ୍ତି ପ୍ରଶଂସକ ସେମିତି କ୍ରିକେଟରଙ୍କ ବିଷୟରେ ମଧ୍ୟ ଜାଣିବା ପାଇଁ ଆଗ୍ରହୀ ଥାନ୍ତି ସମସ୍ତେ । ଏବେ ନଜର ପକାନ୍ତୁ ନିଜ ପ୍ରିୟ ଖେଳାଳୀ ହବି ଉପରେ, ଯାହା ସେମାନେ କ୍ରିକେଟଠୁ ମଧ୍ୟ ଅଧିକ ପସନ୍ଦ କରିଥାନ୍ତି ।
ଯୁବରାଜ୍ ସିଂହ : ୟୁବରାଜ୍ ଯେତେବେଳେ କୌଣସି ହୋଟେଲରେ ପ୍ରବେଶ କରନ୍ତି ସର୍ବପ୍ରଥମେ ଦେଖନ୍ତି ସେଠାରେ ଟେନିସ୍ କୋର୍ଟ ଅଛି ନାଁ ନାହିଁ । କାରଣ ସେ କ୍ରିକେଟ୍ ବ୍ୟତୀତ ଟେନିସ୍ ଖେଳିବାକୁ ପସନ୍ଦ କରନ୍ତି ।
ସଚିନ୍ ତେନ୍ଦୁଲକର୍ : ମାଷ୍ଟର୍ ବ୍ଲାଷ୍ଟର୍ କ୍ରିକେଟ୍ ବ୍ୟତୀତ ସଙ୍ଗୀତରେ ମଧ୍ୟ ରୁଚି ରଖନ୍ତି । ଏହି କଥା ସେ ନିଜ ଡକ୍ୟୁମେଂଟାରୀରେ କହିଥିଲେ । ସେ କହିଥିଲେ, ମତେ ସଙ୍ଗୀତରେ ଖୁବ୍ ପସନ୍ଦ । ଯେତେବେଳେ ମୋର ମନଦୁଃଖ ଥାଏ ସେତେବେଳେ ଗୀତ ଶୁଣିଥାଏ । ଏହା ସହ ତାଙ୍କୁ ଟେବୁଲ୍ ଟେନିସ୍ ମଧ୍ୟ ଖୁବ୍ ପସନ୍ଦ ।
ଆଜିଙ୍କ୍ୟ ରାହାଣେ : ଆଜିଙ୍କ୍ୟ ରାହାଣେ ଟିମ୍ ଇଣ୍ଡିଆର ଷ୍ଟାର୍ ବ୍ୟାଟ୍ସମ୍ୟାନ୍ । ତେବେ ଜାଣି ଆଶ୍ଚର୍ଯ୍ୟ ହେବେ ଏହି ଡାହାଣହାତୀ ବ୍ୟାଟ୍ସମ୍ୟାନଙ୍କୁ କ୍ରିକେଟ୍ ପୂର୍ବରୁ କରାଟେର ସଉକ୍ ଥିଲା । ସେ ମାତ୍ର ୧୨ ବର୍ଷ ବୟସରେ ହିଁ କରାଟେରେ ବ୍ଲାକ୍ ବେଲ୍ଟ ହାସିଲ୍ କରିନେଇଥିଲେ । ଆଜି ବି ନିଜର ଏହି ପ୍ରତିଭାକୁ ଭୁଲି ନାହାଁନ୍ତି ଆଜିଙ୍କ୍ୟ । ସମୟ ପାଇଲେ କରାଟେ ଅଭ୍ୟାସ କରିଥାନ୍ତି ।
ସୁରେଶ ରୈନା : ଜଣେ ଆକ୍ରମଣାତ୍ମକ ବୋଲର୍ ଭାବରେ ସୁରେଶଙ୍କ ବେଶ୍ ଖାତି ରହିଛି । ତେବେ ଏହି ବାମହାତି ବୋଲର୍ ଗୀତ ବୋଲିବାରେ ମଧ୍ୟ ସଉକ ରଖନ୍ତି । ‘ମେରଠିୟା ଗ୍ୟାଙ୍ଗଷ୍ଟାର୍ସ’ ନାମକ ଏକ ସିନେମାରେ ମଧ୍ୟ ନିଜ କଣ୍ଠଦାନ କରିଛନ୍ତି ।
ଅନୀଲ୍ କୁମ୍ବଲେ : ଇଣ୍ଡିଆନ୍ କ୍ରିକେଟ୍ ଟିମର ଏହି ପୂର୍ବତନ ଅଧିନାୟକଙ୍କର ଫଟୋଗ୍ରାଫିରେ ବେଶ୍ ସଉକ୍ ଅଛି । ୨୦୧୦ରେ ସେ ନିଜର ଏକ ବହି ମଧ୍ୟ ଲଂଚ୍ କରିଥିଲେ ଯାହାର ନାଁ ଥିଲା ‘ୱାଇଡ୍ ଏଙ୍ଗଲ୍’ । ତେବେ ଏହି ବହି କ୍ୟାମେରା ସହ ତାଙ୍କ ପ୍ରେମକୁ ବୟାନ୍ କରେ ।
ଡେଲ୍ ଷ୍ଟେନ୍ : ଦ୍ରୁତତମ ବୋଲର ଭାବରେ ଖୁବ୍ ଲୋକପ୍ରିୟ ଡେଲ୍ ଷ୍ଟେନ୍ । ଦକ୍ଷିଣ ଆଫିକ୍ରାର ଏହି ବୋଲରଙ୍କା ମାଛ ମାରିବାରେ ବହୁତ୍ ସଉକ୍ ରହିଛି ।
ମହେନ୍ଦ୍ର ସିଂ ଧୋନୀ : କ୍ୟାପଟେନ୍ କୁଲଙ୍କର ବାଇକ୍ ଏବଂ କାର୍ ଖୁବ୍ ପସନ୍ଦ । ଏହା ସମସ୍ତେ ପ୍ରାୟ ଜାଣନ୍ତି । କଣ ଆପଣ ଜାଣନ୍ତି ଆଉ ଏକ ଜିନିଷ ପ୍ରତି ଧୋନୀଙ୍କର ଅନେକ ଦୁର୍ବଳତା ଅଛି । ଯାହାକୁ ସେ ସବୁବେଳେ ନିଜ ପାଖରେ ରଖନ୍ତି । ଧୋନୀଙ୍କୁ ଭିଡିଓ ଗେମ୍ ଖୁବ୍ ପସନ୍ଦ । ସେ ପିଏସପି ସବୁବେଳେ ନିଜ ପାଖରେ ରଖିଥାନ୍ତି ।
ଡ୍ୱାଏନ୍ ବ୍ରାଭୋ : ୱେଷ୍ଟ୍ ଇଣ୍ଡିଜର ଏହି ଖେଳାଳୀ ମ୍ୟୁଜିକରେ ରୁଚି ରଖନ୍ତି । ସେ ଡିଜେ ବ୍ରାଭୋ ନାଁରେ ମଧ୍ୟ ବେଶ୍ ଲୋକପ୍ରିୟ ।
ସେନ୍ ୱର୍ଣ୍ଣ : ସେନ୍ ୱର୍ଣ୍ଣ ଅଷ୍ଟ୍ରେଲିଆର ସ୍ପିନର୍ । ତେବେ କ୍ରିକେଟ୍ ବ୍ୟତୀତ ଆଉ ଏକ ଖେଳ ମଧ୍ୟ ଖେଳନ୍ତି ସେନ୍ ୱର୍ଣ୍ଣ । ତାହା ହେଉଛି ପୋକର୍ ଅର୍ଥାତ୍ । ତାଙ୍କୁ ଏହି ଖେଳରେ ହରାଇବା କଷ୍ଟକର ।
ବିରାଟ୍ କୋହଲୀ : ବିରାଟଙ୍କ ପରଫେକ୍ଟ ବଡିକୁ ନେଇ ସବୁବେଳେ ଚର୍ଚ୍ଚା ହୋଇଥାଏ । କେତେବେଳେ ତାଙ୍କ ଟାଟୁ ତ କେତେବେଳେ ତାଙ୍କ ମସଲ୍ସ୍ । ମହିଳା ପ୍ରଶଂସକଙ୍କୁ ଖୁବ୍ ପସନ୍ଦ ହୋଇଥାଏ । ବିରାଟଙ୍କୁ ଜିମର ଖୁବ୍ ସଉକ୍ ଅଛି । ଅନେକ ସମୟରେ ଜିମରେ ଝାଳ ବାହାରକରୁଥିବାର ନଜର ଆସିଥାନ୍ତି କୋହଲୀ ।