ଶିଳ୍ପପତି ଗୌତମ ଅଦାନୀଙ୍କ ମୁନ୍ଦ୍ରା ବନ୍ଦରରୁ ପୁଣି ୩୭୫ କୋଟି ଟଙ୍କାର ଡ୍ରଗ୍ସ ଜବତ, ଆରବ ଦେଶକୁ ଡ୍ରଗ୍ସ ପଠାଇବାକୁ ମାଫିଆ କରିଥିଲେ ଏଭଳି ବନ୍ଦୋବସ୍ତ
କନକ ବ୍ୟୁରୋ : ଦେଶକୁ ଡ୍ରଗ୍ସ ଆସିବା ଓ ଦେଶରୁ ଡ୍ରଗ୍ସ ବାହାର ଦେଶକୁ ଯୋଗାଣ ହେବାରେ ଏବେ ଏକ ପ୍ରମୁଖ ପେଣ୍ଠସ୍ଥଳୀ ପାଲଟିଛି ଗୁଜରାଟର କଚ୍ଛ ଉପତ୍ୟାକାରେ ଥିବା ଶିଳ୍ପପତି ଗୌତମ ଆଦାନୀଙ୍କ ମୁନ୍ଦ୍ରା ବନ୍ଦର । ଗତ କିଛିବର୍ଷ ମଧ୍ୟରେ ମୁନ୍ଦ୍ରା ବନ୍ଦର ଦେଇ କଚ୍ଛର ସମୁଦ୍ରାଞ୍ଚଳ ରାସ୍ତାରେ ବିଭିନ୍ନ ସାମଗ୍ରୀ ସହ ଡ୍ରଗ୍ସ ଆସୁଛି ବା ବାହାର ଦେଶକୁ ଯୋଗାଣ ହେଉଛି । କିଛିଦିନ ତଳେ ପାକିସ୍ତାନରୁ ଆସୁଥିବା ହେରୋଇନ ଜବତ ହୋଇଥିଲା । କଚ୍ଛ ଠାରେ ମାଦକ ଦର୍ବ୍ୟର ଚୋରା ଚାଲାଣ ପାଇଁ ସବୁବେଳେ ଅର୍ନ୍ତରାଷ୍ଟ୍ରୀୟ ମାଫିଆମାନେ ଚେଷ୍ଟା ଚଳାଇଛନ୍ତି । ଏହି କ୍ରମରେ ସୋମବାର ଦିନ ଗୁଜରାଟ ଏଟିଏସ ଦ୍ୱାରା ମୁନ୍ଦ୍ରା ବନ୍ଦରରୁ ବହୁମାତ୍ରାର ଡ୍ରଗ୍ସ ଜବତ କରାଯାଇଛି । ଏହି ଡ୍ରଗ୍ସର ଆନୁମାନିକ ମୂଲ୍ୟ ୩୭୬.୫ କୋଟି ଟଙ୍କା ଆକଳନ କରାଯାଇଛି ଓ ଏହାର ଓଜନ ରହିଛି ୭୫.୩ କିଲୋଗ୍ରାମ ।
Kanak News is now on WhatsApp
Join and get latest news updates delivered to you via WhatsApp
ଗୁଜରାଟ ଏଟିଏସର ଉପ ମହାନିରୀକ୍ଷକ ଦୀପନ ଭଦ୍ରାଙ୍କୁ ପଞ୍ଜାବ ପୋଲିସ ଅଧିକାରୀଙ୍କ ତରଫରୁ ସୂଚନା ମିଳିଥିଲା କି, ମୁନ୍ଦ୍ରା ବନ୍ଦରରେ ୧ ରୁ ଦେଢମାସ ହେବ ଏକ କଣ୍ଟେନର ପଡିରହିଛି । ଏଥିରେ କିଛି ମାଦକ ପଦାର୍ଥ ଥିବାର ଆଶଂକା କରାଯାଉଛି । ଏଭଳି ସୂଚନା ପାଇବା ପରେ ମୁନ୍ଦ୍ରାର ଗୁଜରାଟ ଏଟିଏସ ପକ୍ଷରୁ କଣ୍ଟେନର ଉପରେ ଚଢାଉ କରାଯାଇଥିଲା । ଚଢାଉ ବେଳେ କଣ୍ଟେନରରୁ ୪ ହଜାର କିଲୋଗ୍ରାମର କପଡା ଥିଲା । ଏହି କପଡା ଖୋଲିବା ପରେ ସେଥିରେ ୭୫.୩ କିଲୋଗ୍ରାମର ଡ୍ରଗ୍ସ ମିଳିଛି ।
Gujarat ATS team recovered 75.3 kg heroin of high purity worth Rs 376.5 crores in international market from a container near Mundra port in Kutch district. Gujarat ATS team along with a Punjab police sub-inspector located the suspected container: Gujarat DGP Ashish Bhatia (12.07) pic.twitter.com/J1wPwqAoSi
— ANI (@ANI) July 12, 2022
ଏଟିଏସ ତରଫରୁ କୁହାଯାଇଛି କି ଫରେନସିକ ଲାବ୍ରୋଟାରୀରେ ଏହି ଡ୍ରଗ୍ସର ପରୀକ୍ଷଣ ପରେ ଏହା ହାଇ କ୍ୱାଲିଟର ହେରୋଇନ ବୋଲି ଜଣାପଡିଛି । ଅର୍ନ୍ତରାଷ୍ଟ୍ରୀୟ ବଜାରରେ ଏହାର ଆନୁମାନିକ ମୂଲ୍ୟ ୩୭୬.୫ କୋଟି ଟଙ୍କା ହେବ ବୋଲି ଏଟିଏସ ତରଫରୁ ଆକଳନ କରାଯାଇଛି ।