ଆସୁଛି ବଡ ଅର୍ଥନୈତିକ ସଙ୍କଟ । ସୁନା କିଣୁଛନ୍ତି ବିଶ୍ୱର ପ୍ରମୁଖ କେନ୍ଦ୍ରୀୟ ବ୍ୟାଙ୍କ୍
କନକ ବ୍ୟୁରୋ : ଆସୁଛ ବଡ ଅର୍ଥନୈତିକ ସଙ୍କଟ । ସୁନା କିଣୁଛନ୍ତି କେନ୍ଦ୍ରୀୟ ବ୍ୟାଙ୍କ୍ । ବିଶ୍ୱର ବିଭିନ୍ନ ଦେଶର କେନ୍ଦ୍ରୀୟ ବ୍ୟାଙ୍କଗୁଡିକ ଯେଉଁଭଳି ଭାବେ ସୁନା କିଣୁଛନ୍ତି ତାକୁ ନେଇ ଆଶ୍ଚର୍ଯ୍ୟ ହୋଇପଡିଛନ୍ତି ବିଶେଷଜ୍ଞ । ଯୁଦ୍ଧ ଏବଂ କରୋନା ମହାମାରୀ ଯୋଗୁ ଆଗକୁ ବଡ ଅର୍ଥନୈତିକ ବିପଦ ଆସୁଥିବା ସନ୍ଦେହ କରି କେନ୍ଦ୍ରୀୟ ବ୍ୟାଙ୍କଗୁଡିକ ଏଭଳି ସୁନା କିଣିବାରେ ଲାଗିପଡିଛନ୍ତି । ଭାରତୀୟ ରିଜର୍ଭ ବ୍ୟାଙ୍କ ଭଳି ଅନ୍ୟ ଦେଶଗୁଡିକର କେନ୍ଦ୍ରୀୟ ବ୍ୟାଙ୍କ ତିନି ମାସରେ ୪ ଶହ ଟନ୍ ସୁନା କିଣିଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ଡଲାର ପରେ ଯଦି ଜିନିଷ ଯାହାକୁ ବିଶ୍ୱ ବିନିମୟର ଦ୍ୱିତୀୟ ମାଧ୍ୟମ ବୋଲି କୁହାଯାଏ ତାହା ହେଉଛି ସୁନା । ତେଣୁ ଦେଶଗୁଡିକ ସୁନା ମହଜୁଦ କରି ରଖୁଥିବା ବିଶେଷଜ୍ଞମାନେ କହୁଛନ୍ତି । ଏବେ ଋଷ-ୟୁକ୍ରେନ ଯୁଦ୍ଧ ଚାଲିଥିବା ବେଳେ ଅନ୍ୟ କିଛି ଦେଶ ମୁହାଁମୁହିଁ ପରସ୍ଥିତିରେ ଅଛନ୍ତି । ଯଦି କୌଣସି ସଙ୍କଟ ଆସେ ତେବେ ସୁନାକୁ ଆମଦାନୀରେ ବ୍ୟବହାର କରାଯାଇପାରେ । ଆମେରିକା, ଜର୍ମାନୀ, ଫ୍ରାନ୍ସ ଭଳି ବିକଶିତ ଦେଶମାନଙ୍କ ପାଖରେ ବିପୁଳ ପରିମାଣର ସୁନା ରହିଥିଲେ ବି ସେମାନେ ଗତ ବର୍ଷଟେ ହେବ ଅଧିକ ମାତ୍ରାରେ ସୁନା କଣୁଥିବା ଦେଖିବାକୁ ମିଳିଛି । ଏବେ ଋଷ ପାଖରେ ସବୁଠୁ ୧ ହଜାର ଟନର ଅଧିକ ସୁନା ରହିଥିବା ବେଳେ ଦ୍ୱିତୀୟରେ ରହିଛି ଚୀନ । ଚୀନରେ ୮୦୦ରୁ ହଜାରେ ଟନ୍ ସୁନା ରହିଥିବା ବେଳେ ତୃତୀୟ୍ର ସ୍ଥାନରେ ରହିଛି ଭାରତ । ଭାରତରେ ୨୦୦ ରୁ ୪୦୦ ଟନ୍ ସୁନା ମହଜୁଦ ଅଛି । ଦେଖିବାକୁ ଗଲେ ମୋଟ ଉପରେ କେନ୍ଦ୍ରୀୟ ବ୍ୟାଙ୍କଗୁଡିକରେ ୩୭ ହଜାରରୁ ଅଧିକ ଟନର ସୁନା ଗଚ୍ଛିତ ଅଛି ।