କନକ ବ୍ୟୁରୋ : ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତଙ୍କ ସ୍ୱାସ୍ଥ୍ୟାବସ୍ଥା ଅଚାନକ ଖରାପ ହୋଇଛି । ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଛି । ଶୁକ୍ରବାର ଦିନ ବେରୋଜଗାର ଯୁବକଙ୍କ ପ୍ରଦର୍ଶନରେ ସାମିଲ ହୋଇ ଧାରଣାରେ ବସିଥିଲେ । ହଠାତ ବେହୋସ ହୋଇପଡିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଉତ୍ତରାଖଣ୍ଡରେ ଲଗାତର ଭାବେ ଭର୍ତ୍ତି ପରୀକ୍ଷାର ପେପର ଲିକକୁ ନେଇ ଛାତ୍ରଛାତ୍ରୀମାନେ ପ୍ରଦର୍ଶନ ଜାରି ରଖିଛନ୍ତି । ରାଜ୍ୟ ବେରୋଜଗାର ସଂଘ ଓ ପରୀକ୍ଷାର୍ଥର୍ୀମାନେ ବୁଧବାରଦିନ ଗାନ୍ଧୀବାଗ ଠାରେ ପ୍ରଦର୍ଶନ କରିଥିଲେ । ପ୍ରଦର୍ଶନକାରୀଙ୍କ ଅଭିଯୋଗ ଥିଲା କି ଆୟୋଗଙ୍କ ଦ୍ୱାରା ଆୟୋଜିତ ପରୀକ୍ଷାରେ ଗଡବଡ ହେଉଛି । ଏହି କାରଣରୁ ପରୀକ୍ଷା ହୋଇପାରୁ ନାହିଁ କି ଆଶାୟୀମାନେ ସରକାରୀ ଚାକିରୀ ପାଇପାରୁ ନାହାଁନ୍ତି । ଏହାକୁ ନେଇ ଗୁରୁବାର ଦିନ ମଧ୍ୟ ଯୋରଦାର ପ୍ରଦର୍ଶନ ହୋଇଥିଲା । ପ୍ରଦର୍ଶନକୁ ରୋକିବାକୁ ପୋଲିସ ପ୍ରଦର୍ଶନକାରୀଙ୍କ ଉପରେ ଲାଠିଚାର୍ଜ କରିଥିଲା ।
ଏହି ଲାଠିଚାର୍ଜ ବିରୋଧରେ ଆଜି ଛାତ୍ରଛାତୀମାନେ ଧାରଣା ଦେଇଥିଲେ । ଏହାକୁ ସମର୍ଥନ କରି ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ହରିଶ ରାୱତ ଆଜି ଧାରଣା ସ୍ଥଳରେ ପହଂଚିଥିଲେ । ହେଲେ ସେ ଧାରଣାରେ ବସିଥିବା ବେଳେ ହଠାତ ଅସୁସ୍ଥ ହୋଇପଡିଥିଲେ ଓ ସେ ଚେତାଶୂନ୍ୟ ହୋଇପଡିଥିଲେ । ଏହାପରେ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ତାଙ୍କର ସ୍ୱାସ୍ଥ୍ୟାବସ୍ଥା ନେଇ କୌଣସି ସୂଚନା ମିଳିନାହିଁ ।