ବନ୍ୟାରେ ଉବୁଟୁବୁ ଶ୍ରୀଲଙ୍କା ! ୯୦ ଜଣଙ୍କର ମୃତ୍ୟୁ ହୋଇଥିବା ୧୦୦ରୁ ଅଧିକ ନିଖୋଜ
କନକ ବ୍ୟୁରୋ: ବନ୍ୟାରେ ଉବୁଟୁବୁ ଶ୍ରୀଲଙ୍କା । ଭାରି ମାତ୍ରାରେ ବନ୍ୟା ଓ ଭୂସ୍ଖଳନ ଯୋଗୁଁ ୯୦ ଜଣଙ୍କର ମୃତ୍ୟୁ ହୋଇଥିବା ୧୦୦ରୁ ଅଧିକ ନିଖୋଜ ହୋଇଯାଇଛନ୍ତି । ଶ୍ରୀଲଙ୍କାର ୭ଟି ଜିଲ୍ଲାରେ ୨୦ ହଜାରୁ ଅଧିକ ଲୋକ ବିସ୍ଥାପିତ ହୋଇଯାଇଛନ୍ତି । ବଡ ବଡ ଗଛ ରାସ୍ତା ଉପରେ ପଡିଥିବାରୁ ଯାତାୟତ ବାଧାପ୍ରାପ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶ୍ରୀଲଙ୍କା ବନ୍ୟା ନେଇ ଦୁଃଖ ପ୍ରକାଶ କରିବା ସହ ବିପନ୍ନଙ୍କୁ ସହାୟତା ଯୋଗାଇଦେବାକୁ ଆଶ୍ୱାସନା ଦେଇଛନ୍ତି । ଜାହାଜ ଯୋଗେ ବିପନ୍ନଙ୍କ ପାଇଁ ସାମଗ୍ରୀ ପଠାଯାଉଥିବା ମୋଦି ଟୁଇଟ କରି ଜଣାଇଛନ୍ତି । ଶ୍ରୀଲଙ୍କାରେ ପହଂଚି ଭାରତୀୟ ବାୟୁସେନା ଓ ନୌସେନା ବନ୍ୟା ବିପନ୍ନଙ୍କୁ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ୧୯୭୦ ପରେ ଶ୍ରୀଲଙ୍କାରେ ଏହା ଭାରି ମାତ୍ରାରେ ବର୍ଷା ଓ ବନ୍ୟା ବୋଲି କୁହାଯାଉଛି ।