ବିଜେପିକୁ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସ୍ୱାମୀଙ୍କ କଡା ସମାଲୋଚନା: ୨୦୦ରୁ ୨୨୦ ଆସନରେ ବିଜେପି ସୀମିତ ରହିବା ନେଇ ଭବିଷ୍ୟବାଣୀ
କନକ ବ୍ୟୁରୋ: ଆମେରିକା କଂଗ୍ରେସର ଜଣେ ବରିଷ୍ଠ ସାଂସଦ ଭାରତରେ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ଏନଡିଏ ୪୦୦ରୁ ଅଧିକ ଆସନ ଜିତିବା ନେଇ ଆକଳନ କରିଛନ୍ତି । ମାତ୍ର କେନ୍ଦ୍ର ଅର୍ଥମନ୍ତ୍ରୀ ନିର୍ମଲା ସୀତାରମଣଙ୍କ ସ୍ୱାମୀ ବିଶିଷ୍ଟ ଅର୍ଥନୈତିଜ୍ଞ ପ୍ରକଲା ପ୍ରଭାକର ଲୋକସଭା ନିର୍ବାଚନରେ ଏନଡିଏ ସଂଖ୍ୟା ଗରିଷ୍ଠତା ହାସଲ କରିବା ଉପରେ ପ୍ରଶ୍ନ ଉଠାଇଛନ୍ତି । ଏପରିକି ବିଜେପି ୨୦୦ରୁ ୨୨୦ ଆସନ ମଧ୍ୟରେ ସୀମିତ ରହିବ ବୋଲି ପ୍ରଭାକର ତାଙ୍କ ଆଳକନରେ ଦର୍ଶାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତର ଅର୍ଥମନ୍ତ୍ରୀ ତଥା ବିଜେପିର ବରିଷ୍ଠ ନେତା ନିର୍ମଳା ସୀତାରମଣ ସ୍ୱାମୀ ତଥା ବିଶିଷ୍ଟ ଅର୍ଥନୈତିଜ୍ଞ ପ୍ରକଲା ପ୍ରଭାକର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତଥା ଏନଡିଏ ଉପରେ ନିଜର ଭିନ୍ନ ମତ ଦେବାକୁ ପଛାଇ ନାହାଁନ୍ତି । ଉତର ଭାରତରେ ବିଜେପି ଏଥର ୮୦ରୁ ୯୦ ଟି ଆସନ ହରାଇବ ବୋଲି ସେ ଆକଳନ କରିଛନ୍ତି । ଏହାସହ ସରକାର ଗଠନ ପାଇଁ ଏନଡିଏକୁ ଯଥେଷ୍ଟ ସଂଖ୍ୟକ ଆସନ ମିଳିବାରେ ପ୍ରଭାକର ସନ୍ଧିଆନ ଅଛନ୍ତି ।
ଜାତୀୟ ଗଣମାଧ୍ୟମ ସହ ସାକ୍ଷାତକାରରେ ପ୍ରଭାକର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ତିବ୍ର ସମାଲୋଚନା କରିବା ସହ ନିର୍ବାଚନ ପରେ ଏକ ଅଣବିଜେପି ସରକାର ଗଠନ ହେବ ବୋଲି ଆକଳନ କରିଛନ୍ତି । ଯଦି ବିଜେପି ତୃତୀୟ ଥର ପାଇଁ କ୍ଷମତାକୁ ଆସେ ତାହେଲେ ଦେଶରେ ଲଦାଖ, ମଣିପୁର ଭଳି ସ୍ଥିତି ସୃଷ୍ଟି ହେବ ବୋଲି ସେ ଚେତାବନୀ ଦେଇଛନ୍ତି ।
ପୂର୍ବରୁ ପ୍ରଭାକର ପ୍ରଧାନମନ୍ତ୍ରୀ ମୋଦୀଙ୍କ ଆର୍ଥିକ ନୀତିକୁ ନାପସନ୍ଦ କରି ପୂର୍ବ ପ୍ରଧାନମନ୍ତ୍ରୀ ନରସିଂହ ରାଓଙ୍କ ଆର୍ଥିକ ନୀତିକୁ ଆପଣାଇବାକୁ ପରାମର୍ଶ ଦେଇଥିଲେ । ବାରମ୍ବାର ମୋଦୀଙ୍କ ସମାଲୋଚନା କରୁଥିଲେ ମଧ୍ୟ ପ୍ରକଲା ପ୍ରଭାକରଙ୍କ ବିରୋଧରେ ବିଜେପିର କୌଣସି ବରିଷ୍ଠ ନେତା ଅବା ଆଇଟି ସେଲ ତାଙ୍କୁ ବିରୋଧ ନକରିବା ଆଶ୍ଚର୍ଯ୍ୟଜନକ ।