ଭିନ୍ନ ଏକ ପରିବାର । ଯେଉଁଠି ପରିବାରର ୨୨ ଜଣ ସଦସ୍ୟଙ୍କର ରହିଛି ୨୪ଟି ଲେଖାଏଁ ଆଙ୍ଗୁଠି
ବିହାରର ଗୟା ଜିଲ୍ଲାର ଉତ୍ତର ପ୍ରଖଣ୍ଡରେ ଥିବା ଏକ ପରିବାରର ୨୨ ସଦସ୍ୟଙ୍କ ମଧ୍ୟରେ ଗୋଟିଏ ସମାନତା ଦେଖିବାକୁ ମିଳିଛି । ତାହା ହେଉଛି ସେମାନଙ୍କର ହାତ ଓ ପାଦର ଆଙ୍ଗୁଠି । ସମସ୍ତ ୨୨ ଜଣଙ୍କର ୨୪ଟି ଲେଖାଏଁ ଆଙ୍ଗୁଠି ରହିଛି । ଯେଉଁଥିପାଇଁ ପରିବାର ଲୋକଙ୍କୁ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡୁଛି । ଖାସକରି ଏହି ପରିବାରର ପୁଅ ଓ ଝିଅଙ୍କ ବିବାହରେ ବାଧା ସୃଷ୍ଟି କରୁଛି ସେମାନଙ୍କର ଆଙ୍ଗୁଠି ।
Kanak News is now on WhatsApp
Join and get latest news updates delivered to you via WhatsApp
ଜଣେ ଲୋକର ହାତରେ ୨୪ଟି ଆଙ୍ଗୁଠି ରହିବା ଏକ ସାଧାରଣ କଥା ନୁହେଁ ବରଂ ଆଶ୍ଚଯ୍ୟଜନକ ମଧ୍ୟ । କିନ୍ତୁ ବିହାରର ଟେଉସା ଅଞ୍ଚଳରେ ଥିବା ଏକ ପରିବାରର ଅଧିକାଂଶ ଲୋକଙ୍କର ହାତ ଓ ପାଦରେ ୬ଟି ଲେଖାଏଁ ଆଙ୍ଗୁଠି ରହିଛି । ଏହି ପରିବାରର ସଦସ୍ୟଙ୍କ ୬ଟି ଲେଖାଏଁ ଆଙ୍ଗୁଠିର ଇତିହାସ ମାନୋ ଦେବୀଙ୍କ ନିଟକରୁ ଆରମ୍ଭ ହୋଇଥିଲା । ପରିବାରରେ ସର୍ବପ୍ରଥମେ ମାନୋଦେବୀଙ୍କର ୨୪ଟି ଆଙ୍ଗୁଠି ରହିଥିଲା । ଏହା ପରେ ପରିବାରରେ ଜନ୍ମ ନେଇଥିବା ଅଧିକାଂଶ ସଦ୍ୟସଙ୍କର ୨୪ଟି ଆଙ୍ଗୁଠି ଥିବା ଦେଖିବାକୁ ମିଳିଥିଲା ।
୨୪ଟି ଆଙ୍ଗୁଠି ଥିବା ଯୋଗୁଁ ପରିବାର ସଦସ୍ୟଙ୍କୁ ବିବାହ ସମୟରେ ଅଧିକ ସମସ୍ୟାର ସମ୍ମୁଖୀନ ହେବାକୁ ପଡୁଛି । ପ୍ରତି ପାଦ ଓ ହାତରେ ୬ଟି ଲେଖାଏଁ ଆଙ୍ଗୁଠି ଥିବା ଯୋଗୁଁ ପରିବାରର ଝିଅ ମାନେ ଅଧିକ ହଇରାଣ ହେଉଛନ୍ତି । ଏପରିକି ପାଦରେ ୧୨ଟି ଆଙ୍ଗୁଠି ଥିବା କାରଣରୁ ଚପଲ ପିନ୍ଧିବାରେ ମଧ୍ୟ ଅସୁବିଧା ହେଉଛି ।