ଦୀପାବଳି ପୂର୍ବରୁ ଉତ୍ସବମୁଖର ହେଲା ଦୁବାଇ ! ଦୁବାଇ ପୋଲିସ୍ ବଜାଇଲା ଭାରତୀୟ ଜାତୀୟ ସଙ୍ଗୀତର ଧୁନ୍ , ଭିଡିଓ ଭାଇରାଲ୍ ।
ଆଲୋକର ପର୍ବ ଦୀପାବଳିକୁ ନେଇ ସାରା ଦେଶରେ ଉତ୍ସବର ସ୍ଥିତି ରହିଛି । ବିଦେଶରେ ରହୁଥିବା ଭାରତୀୟ ଲୋକମାନେ ମଧ୍ୟ ଦୀପାବଳିକୁ ଉଲ୍ଲାସର ସହ ପାଳନ କରିବା ପାଇଁ ପ୍ରସ୍ତୁତି କରୁଛନ୍ତି । ଦୀପାବଳି ପାଇଁ ବଡ ବଡ ଆୟୋଜନ କରାଯାଉଛି । ଦୁବାଇରେ ମଧ୍ୟ ଆଲୋକର ପର୍ବକୁ ପାଳନ କରିବା ପାଇଁ ପ୍ରସ୍ତୁତି ଜୋରସୋରରେ ଚାଲିଛି । ୨୪ ଅକ୍ଟୋବରରେ ଦୀପାବଳି ସେଲିବ୍ରେସନ୍ ପାଇଁ ଏଠାରେ ଏକ ବଡ ଆୟୋଜନ କରାଯାଇଥିଲା । ଯେଉଁଥିରେ ଅନେକ କାର୍ଯ୍ୟକ୍ରମ ମଧ୍ୟ ହୋଇଥିଲା । ଆୟୋଜନ ସ୍ଥଳକୁ ରଙ୍ଗବେରଙ୍ଗର ଫୁଲରେ ସଜାଇ ବାଣଫୁଟାଇ ପ୍ରି ଦୀପାବଳି ପାଳନ କରାଯାଇଥିଲା । ଏହି ଆୟୋଜନରେ ଭାରତୀୟଙ୍କ ହୃଦୟ କିଣିନେଇଛନ୍ତି ଦୁବାଇ ପୋଲିସ୍ ।
Kanak News is now on WhatsApp
Join and get latest news updates delivered to you via WhatsApp
Dubai Police band plays India’s national anthem during the mega Diwali celebrations at Dubai Festival City #Diwali #DiwaliUAE pic.twitter.com/lJAaTbdoMA
— Gulf News (@gulf_news) October 24, 2019
ଗଲ୍ଫ ନ୍ୟୁଜ୍ ରୁ ଜାରି କରାଯାଇଥିବା ଏକ ଭିଡିଓରେ ଦୁବାଇ ପୋଲିସ୍ ର ଏକ ବ୍ୟାଣ୍ଡ୍ ଦୀପାବଳି ସେଲିବ୍ରେସନ୍ ପାଇଁ ଭାରତୀୟ ଜାତୀୟ ସଂଗୀତ “ଜନ , ଗଣ , ମନ” ର ଧୁନ୍ ବଜାଇଥିଲେ । ଏହାପରେ ଉକ୍ତ ସ୍ଥାନରେ ଉପସ୍ଥିତ ଥିବା ଲୋକମାନେ ପୋଲିସକୁ କରତାଳି ମାରି ଅଭିନନ୍ଦନ ଜଣାଇଲେ । ଦୁବାଇରେ ଦୀପାବଳି ପାଇଁ କାର୍ଯ୍ୟକ୍ରମ ଦୁବାଇ ପର୍ଯ୍ୟଟନ ବିଭାଗ ଏବଂ ଭାରତୀୟ ଦୁତାବାସଙ୍କ ଦ୍ୱାରା ଆୟୋଜନ କରାଯାଇଥିଲା । ବର୍ତ୍ତମାନ ଦୁବାଇ ପୋଲିସ୍ ଦ୍ୱାରା ରାଷ୍ଟ୍ରଗାନର ଧୁନ୍ ବଜାଉଥିବା ଏକ ଭିଡିଓ ଏବେ ଟ୍ୱିଟରରେ ସେୟାର୍ କରାଯାଉଛି ।